سلامه عليكم ... انا لسة جديدة في المنتدى ان شاء الله هسافر تركيا يوم 5-9 شهر عسل لمدة 7 ايام عندي كذا استفسار ياريت تجاوبوهم كلهم لاني محتاسة انا حجزت في اسطنبول 4 ايام و انطاليا 3 ايام هروح انطاليا الاول و بعدين اسطنبول الاسئلة بقا 1- اروح فين في انطاليا الاماكن اللي ازورها ايه ؟؟ انا عايزة مناظر طبيعية و بحر و استجمام و شوبنج مش اثار و معالم و كدا 2- الاسواق الرخيصة في انطاليا بس تكون بجودة كويسة مش وحشة يعني .. كمان اماكن المولات و اروحها ازاي 3- هل في ترام و مترو في انطاليا و لا لازم ااجر عربية او تاكسي علشان اتحرك ؟ اصل هيبقا غالي عليا لو حجزت عربية يعني 4- انظم زيارات اسطنبول ازاي .. انا هقعد اربع ليالي عايزة اروح طوب كاب و دولة بتشة و المسجد الازرق و السوق المصري ومنيا تورك و رحلة في البسفور و ميدنة الملاهي اللي هناك و يوم لبورصة و شوية مولات و شوبنج و برج البنت تقريبا اسمه كدا مش فاكرة بالظبطانا فكرت اخلي يوم لبورصة و يوم للشوبنج و يوم للمعالم اللي انا عايزاها و يوم لمدينة الملاهي و بليل اروح مول بس انا مش عارفة انظم الايام ولا ايه قريب لايه و لا حتى اماكن الشوبنج الكويسة في اسطنبول ممكن حد يعملي جدول للاربع ايام دول 5- هل لازم اشتري شريحة للموبايل تركية ولا شريحة شركة اتصالات المصرية كويسة ؟؟ 6- انا هاخد معايا 3000 ليرة للمصاريف بتاعتي مطاعم و فسح و شوية للشوبنج دا قليل لفردين ؟7- انا حجزت فندق اسطنبول في تقسيم و بعد ما حجزت ناس خوفوني ان في سرقة بليل هل دا صحيح و كمان المظاهرات هناك بس هل دلوقتي في مظاهرات و هل السرقة دي صح ؟ 8- ممكن اسماء المطاعم المشهورة بس اللي مش غالية في اسطنبول و انطاليا علشان انا بحب اجرب اكلات و مطاعم جديدة 9- اخر سؤال انا في حاجات لزواجي لسة مش جبتهاو قررت اجبها من هناك ممكن تقولولي اجيب منين مفروشات زي المفارش و الحاجات دي من اي مول لاني عاجبني الاستايل المودرن التركي و مش عارفة اجيبه من هصر يعني .. ممكن كمان تقلولي ايه الاسواق الكويسة في اسطنبول و ازاي اروحها بالترام او المنرو او المواصلات عموما انا بتعبكم معايا بس انا اول مشاركة ليا هي دي و بصراحة متابعة تقريركم من زمان و اتعلمت منكم كتير فمعلش تردوا على كل الاسئلة دي