وعليكم السلام ورحمة الله ..
اختي الفندق الحين مغلق للتجديد وحاولت اني احجز عليه لكن الموقع الرسمي مايسمح مادري ليش مع انه كاتبين ان افتتاحه بعد شهر 6 ..
وبخصوص المنطقه هي قريبه من المجمعات تقريبا 10 - 15 دقيقه مشي او 5 - 10 دقائق بالسياره ..
وفي في نفس الشارع اكثر من فندق بنضام شقق فندقيه ومنهم ..
1- Fraser Place Urbana Langsuan
https://www.booking.com/hotel/th/fraser-place-urbana-langsuan.html?aid=1300939
2- Marriott Executive Apartments Mayfair
https://www.booking.com/hotel/th/marriott-executive-apartments-mayfair-bangkok.html?aid=1300939
وموجود بالقرب منهم ( خلف هالفنادق ) Grande Centre Point Ratchadamri Hotel And Residence
https://www.booking.com/hotel/th/grande-centre-point-ratchadamri-and-residence.html?aid=1300939
وان شااء الله الخبره مابيقصرون معاج وبيفيدونج اكثر مني ..

مشكور وما قصرت يالسويدى الله يعطيك العافية
أخوى قالو لى ماى فير ماريوت بعيد عن المراكز التجارية ماادرى شو فى نظرك منطقة ماى فير ماريوت ولا سوكومفيت 16 أو 24 أبعد ؟
أختك أم جمال.

العفو وماقمنا الا بالواجب ..
اختي الماي فير ماريوت اقرب
لل ( central + central world + siam paragon + siam center + Siam Discovery + MPK )
و sukhumvit 16 + sukhumvit 27 .. أقرب ل ( robinson + the emporium )
ومن سكومفيت 16 و 27 الى ام بي كي يبيلج تقريبا بالتاكسي 14 - 16 دقيقه على حسب الوقت والازدحام ..
بس احب اوضح لج لاني كنت باحجز في الماي فير لكن جفت تنبيه من اكثر من شخص سكن فيه وهو انه ادواته واثاثه قديم من 2004 ..
واذا تبين نصيحتي بخصوص السكن ف انصحج ب Fraser Suites Sukhumvit - Bangkok ..
https://www.booking.com/hotel/th/fraser-suites-sukhumvit-bangkok.html?aid=1300939
فندق نظيف وسعره زين تقريبا اغلى من ماي فير ب 500 - 800 بات لكنه يستاهل ..
ومن مميزاته ان عنده تك تك يوصلج اقرب سكاي ترين وهي محطه نانا , واذا انتي طالعه من الفندق وطلبتي تاكسي يفرض عليه انه يشغل العداد ( يعني يريحج من عوار الراس معاه ) قريب من شارع العرب تقريبا 5 - 10 دقائق مشي وهالميزه ان تقدرين تطلبين الاكل بالتلفون ويوصلونه لج الفندق اريح لج من الروحه وتجوفين الاشكال اللي مالها داعي )
واذا عندج يهال في خدمه البيبي ستر يعني تخلينهم ساعه ولا ساعتين عندهم ( مع اني مانصح فيها تدرين نادر ماتحصلين حد يهتم في عيال غيره عدل )
والمسافه بالسياره من الفندق الى منطقه المجمعات تقريبا 12 - 15 دقيقه والفندق في sukhumvit 11 ..
واذا نويتي تحجزين فيه طلبي منهم غرفه في الطوابق العليا يعني لو بتحجزين من بوكنق حطي لهم نوت انج تبين هاي فلور ..
واي استفسار انا حاضر ..

لك جزيل الشكر والإمتنان ياأخوى السويدى
لكن دار راسى بخصوص الفناق كل يوم اختار شقة فندقية وارد اغير رايى
بخصوص ماى فير شو تقصد الاثاث قديم يعنى الاثاث تعبان والأسرة تعبانة وشو بخصوص النظافة ممكن تعطينى رايك؟
وممكن تعطينى رايك لو سمحت بخصوصFraser Place Urbana Langsuan من جميع النواحى النظافة قربه من المراكز التجارية شو راح الاقى تحت الفندق من مطاعم , محلات , مولات؟
اختك المحتارة ام جمال

قريت في رفيو من موقع بوكنق , بس الصور اللي اجوفها يبين الفندق حلو ..
بخصوص فرزر يعتبر جمبه يعني ثنيناهم على نفس الشارع ونفس بعد الماريوت عن المجمعات , لكن بخصوص المطاعم ماعرف لاني ماسكنت فيه لكن يقولون ان قريب منه سوق ليلي بس مادري اي سوق لان اخبر ان النايت بازار سكروه والجديد بعيد عن هالمنطقه ..
بحطلج موقعين في رفيو من اللي سكنوا في الفندقين وصور من تصوير الاشخاص وليس الفندق وانتي جوفي اللي يعجبج , ادري اختيار السكن صعب بس الله يعينج ..
http://www.tripadvisor.com/ShowUserReviews-g293916-d585154-r91914808-Fraser_Place_Langsuan-Bangkok.html
وبخصوص الاكل اذا كانت عندج مشكله فيه اقدر احط لج بوسترات كم مطعم اذا كان مسموح احطهم تاخذين ارقامهم واذا كان في ودج في اكل لبناني , او عيوش ف ماعليج الا تتصلين وهم يوصلونه لج .. P;

حط لها كل شيء يالسويدي
كل شيء مسموح علشانها
تري تستاهل أم جمال

حط لها كل شيء يالسويدي
كل شيء مسموح علشانها
تري تستاهل أم جمال
الله يقطع شرك ياالعصيمى ما تيوز عن سوالفك بصراحة الكويتيين نفسهم مرحة وطيبة اهل بو جمال من الكويت وسوالفهم مثل سوالفك ما تقصر أخوى اكيد تقول فى خاطرك متى ايي الصيف وتسافر ام جمال ونفتك من اسئلتها ههه
اما اخوى السويدى مشكور ما قصرت على المعلومات وانا بانتظار بوسترات المطاعم دام ان الزعيم سمح لنا