كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في كوالالمبور

ممكن سؤال محيرني

talal394

22-09-2022 - 01:54 pm

تكفون سؤال والله محيرني
وين موقع مكان حجز تذاكر باصات الأيرولاين في بينانج الى كوالالمبور
ومن وين تتحرك الباصات من بينانج الى كوالالمبور
لأني راح أسكن في فندق فلامنجو وكم يوصل التاكسي للمحطة
أرجو من الأخوة التوضيح بالتفصيل لأني والله ماعرفت كيف
ولكم الشكر،،،,

التعليقات (4)

zazaz

22-09-2022 - 05:15 pm

السلام عليكم ورحمة الله وبركاته
موقع بيع التذاكر والمكان اللي تتحرك من باصات الأيرولاين باص
من مجمع كوينسبي مول وهو مجمع جديد وحلو ممكن تروح لها زياره وتحجز
بالنسبه كم سعر التاكسي من الفلامنقو ماعرف بالظبط بس حدود 40 رنقت تقل او تزيد قليلا

المغادرون 2007

22-09-2022 - 06:16 pm

ماقصر خبيرنا أبو علي أعطاك الجواب
لكن أنا بعطيك نصيحة صغيرة لأني شايفك تقول محتار و
دائماً عندك أصحاب التكاسي (جن) يعرفون كل شيء بس إسألك وهو يجاوبك ويوصلك إلى المكان اللي تبغى وحتى لو بغيت يروح يقص لك التذكر ويجيبها لك يسويها عادي متمرسين وعندهم خبرة ومر عليهم قبلك 100 واحد يسأل نفس السؤال . خذ هذي النصيحة في أي شيء يقابلك أو تبغى تعرف عنه وأنت هناك عليك بسائق التاكسي يجي بعده الفندق أيضا يساعدونك ويدلونك وبعض الفنادق يسوون لك حجوزات الباصات والجولات وكل شيء
تمنياتي لكم برحلة موفقة إن شاء الله

البرستيج كله

22-09-2022 - 08:18 pm

ليش ماتروح بطياره افضل لك واريح واسرع . تقريبا المسافه ساعه بطياره . وسعرها مناسب

talal394

22-09-2022 - 09:19 pm

أولا" بيض الله وجيهكم جميعا على المعلومات الوافية
ثانيا" روحتي بالباص مو قصة توفير فلوس أتمنى أشوف المناظر الطبيعية
الله يوفقك الجميع