من الافضل متابعة تقارير الاعضاء السابقة ومن ثم تسجيل النقاط المهمة لك وهكذا تكون صورة لمخطط رحلتك

أخوي يا هلا فيك!!اسئلتك عامة ولا يمكن الجابة عليها بسطر او سطرين!!على العموم اي سفرة تود التخطيط لها اولا عليك معرفة الاشخاص ومن اي نوع هم وما يناسبهم وما لا يستهويهم.انت بتسال عن الفلبين وهي بلد ذا طبيعة ساحرة!بس مو كل الناس تكفيهم الطبيعة ويريدون الملاهي والفلة .حدد ايش تبي والاخوان ما يقصرون معاك!!
سألت عن السكن وما حددت هل تريد شقق او غرف فندقية وكم عدد اللي معاك!!يهمك المطبخ او لا!
وبعدين اخوي رحلتي بعدك بيوم يعني 18/8 واي خدمة انا جاهز واذا احتجت اي شي هناك ما يردك الا لسانك!!

شكرا اخوي sniper.ksa بس المشكلة اني بحثت وحاولت ارتبها ماقدرت لاني لااعرف المدة التي تستحقها اي من المدن اللي اخترتها
اخوي عشيق النور بالنسبة لاخوييا هم بين هذا وذاك اما بالنسبة للسكن افضل الشقق دائماً لوجود المطبخ لااننا راعين كبسة
اخوييا عددهم 2 وانا الثالث
وأشكرك لمرورك ولي الشرف نلتقي بك وعطني عنوانك هناك ومالك هم

بالنسبة للشقق ماعندي علم فيها
بس شوف 17 يوم حلوين اذا انت راعين طلعات وتمشي
اول يوم راحة وثاني يوم استكشاف لمانيلا والحجز لبروكاي لرابع يوم
ثالث يوم رحلة لشلالات لقونا التكلفة بحدود 100 دولار والحين نازل يمكن اكثر شوي
رابع يوم السفر لبروكاي لمدة ليلتين او ثلاث ليالي بحد اقصي
والعودة لمانيلا و فرفره على المجمعات الكثيره وبالليل من الساعه 9 العودة الى الفندق كثر منها هذى
اذا كنت من محبي الجو البارد والخضرة ثامن يوم تطلع على باقيو مدة الرحلة 8 ساعات وتكلفة بالباص 750 بيسو للشخص من محطة فكتوري لاينر واستمتع بالتكيف طول الرحلة ومشاهد اخر الافلام
باقيو لمدة يومين او ثلاثه وتقدر تاجر فيلا او تسكن في فندق في باقيو واسعارها بحدود 2000 بيسو والفلل مالي علم فيها بس ممكن الشباب يفيدونك فيها
او عندك اليوم الثامن تطلع لبوهول ومنها بالقارب الى سيبو والرده تكون من سيبو يعني مانيلا بوهول سيبو مانيلا بالنسبة للشقق اعفيني انا احب اسكن بمنتجعات على البحر خاصة وان الجو فيها يكون رايق وهادي
وبين سيبو وبوهول هذي 6 ايام طارت منك والسابع انت بمانيلا واخر يومين تقدر تطلع يوم على بركان تالا من غير الحدائق والنتجعات القريبة من مانيلا ملااحظة اغلب الجزر بالكثير عليها ثلاث ايام وانت الى طالع
ادري اني طولت عليك بس عاد ابيك تكثر علينا بالتقارير وانت راد

نعم أحسنت أخي Abdullah q8 على هالجدول...
طبعاً أخي مبتدئ في السفر، لازم يكون في بالك أن غالبية التخطيطات قبل السفرة مطلوبة، وكذلك أخذ معلومات كافية ووافية عن الأماكن التي ستقصدها... لذا ليس من الضروري أن تتبع الخطة كما هي لأنه من الممكن تغير رائيك لوجهة أخرى...
بالنسبة لسيبو فأنصحك أن تمكث فيها على الأقل 5 أيام.
أما بوركاي 3 ليال جداً رائعة...
مع تمنياتي لك ورفقائك برحلة ممتعة.........

شكرا اخوي
abdullah q8
يعطيك الف عافية انا اللي بطول عليك بس تحملني انت كفيت ووفيت الله يعطيك العافية بس ممكن اسعار المنتجعات اللي بسيبو و بوهول والبنسبة للسفر لبوهول عن طريق الطائرة والحجز عن طريق المكاتب وسيبو بالقارب عند نفس المكاتب من مانيلا اعذرني على الاطاله ولاكن من لي غيركم
ابشر بالتقارير اللي تبيض الوجة
اخوي
ابراج الامارات
اشكرك على الاضافات والله يكثر من امثالكم

مبتدئ في السفر
اهلين فيك عزيزي مبتدي سفر اذا تبي شي مرتب اسحب حسابك على 70 دولاؤ لليوم واذا حاب تتففس زيادة هم فيه من 170 وانت اصاعد وهذي يمكن يوميتك للسكن والتذكر يمكن سهرها 5100 او يمكن توصل الحين لغاية 6000 والحجز تحجز من الميناء على من الشركة مالت العبارة مباشره يمكن لها 6 رحلات باليوم اخرها الساعه 4 العصر اذا ماني غلطان