.
.
.
طيب أختي .. أنتي حابه تاخذين شارع الإمارات ، بس ترى شارع الإمارات ينتهي قبل طريق دبي - أبوظبي ، أن انصح انج تاحذين شارع الشيخ زايد و بيكون الطريق وايد سهل تمشين على طول لغاية ما توصلين عند جسر المقطع و تمشين على طول لغاية ما تحصلين الجسر اللي جنبه كارفور بعده تقريباً ب 5 اشارات راح يكون مستشفى خليفة على يسارج
.
.
.

يمكنك تنزيل برنامج جوجل إيرث حيث يساعدك في معرفة الطريق جيداً.
http://earth.google.com/download-earth.html
بالنسبة للطريق فبعد القرية العالمية هنالك دوار وبعده هنالك دوار آخر كبير جداً عند الجرين، ومنه نذهب باتجاه اليمين حيث تصلين إلى شاع الشيخ زايد ومن ثم إلى أبو ظبي.

حياج الله اختي راعيةx5 في بوظبي .. عاصمة الامارات ^_^
اختي بالنسبة للطريق فهو سهل ومافيه اي تعقيدات ..
وعلى حسب ما قريت انج ناوية تستخدمين شارع الامارات ..
بالنسبة لشارع الامارات على نهايته راح اتشوفين لوحة مكتوب عليها ( ابوظبي ) لليمين
وعقب بيدخلج على خط (دبي - أبوظبي ) .. اقل عن 60 كيلو توصلين مدينة أبوظبي
ملاحظة .. تقولون شوارع ابوظبي فلم رعب !!! كيف فيلم رعب وهي تعتبر من افضل شوارع العالم مساحة وتنظيما وانارة وحتى لو اكتضدت السيارات في وقت معين ما راح تزدحم ( السبب كثرة المنافذ والشوارع البديلة اللي تساعد لتفادي اي زحمة ممكنه )
في الاخير اتمنى لج اقامة ممتعة والله يبعد انكم اي مكروه

سوري نسيت اذكر لج الدرب لمستشفى خليفه ..
ان شاء الله عقب ما توصلين بوظبي راح تركبين جسر المقطع وعقبها خلج ماشيا ( سيدا ) شارع المطار او الاسم اليديد شارع الشيخ سعيد بن راشد المكتوم
احسبي معاي طوفي
اول اشارة , الثانية , الثالثة , عقب بتمشين مسافة اشوي طويلة بتيج الاشارة الرابعة , الخامسة , السادسة خذي يسار ..
عقب ما خذتي يسار بتيج اشارة خذي يمين راح تشوفين المستشفى على يمينج

ماشاء الله علييك اخووي كفييت و وفيت وماتقصر والله
وبالنسبه للفلم الرعب تراني اقولك ههه مب قصدي عن الزحمه وجي لا قصدي عن التقاطعات والاشارات و و و هالشي يسبب لي رعب ههه
وتسلم اخوي وماتقصر
وسويت كوبي لكلامك وطبعته ^_^
والله يوفقك دنيا وآخره اخوي