أهلا وسهلا فيك أخي العزيز أبو مانع
عساك طيب وبخير وكيف لندن أكيد حلوة
مشتاق لها كثير
إنشاء الله تنبسط وأتمنى لك رحلة سعيدة وموفقة
بالنسبة لسؤالك عن منطقة البحيرات أنا عن نفسي
ما رحت لها ، لكن اللي راحو لها يمدحونها وينصحون بزيارتها
وأعذرني.. كل اللي أقدر أساعدك فيه إني أعطيك رابط
الموقع الرسمي لمنطقة البحيرات:
http://www.lake-district.gov.uk/
وإنشاء الله الأخوان والأخوات ما يقصرون معاك
أكرر إعتذاري ، مع خالص تحياتي وتقديري لك

sat111
تسلم يالذيب وماقصرت بهالموقع
وبالنسبه لي عندي هالموقع المفيد
http://www.blakes-cottages.co.uk
فيه الكثير من الفنادق اللي على شكل أكواخ من مواقع وأسعار
لكن حبيت أستفسر لو في حد سبق وراح بيفيدنا أكثر عن سكن هو سكنه
منها نحجز مكان مجرب ومنها ناخذ عيوبه ومميزاته
==
أكرر شكر ي لك
وياريت لو في حد عنده معلومه يفيدنا فيها

الغالي ولد الغالي ..
امس اخذت مجله من السفريات وانا اقلبها لقيت صفحه عن البحيرات ..
اول ماشفت البحيرات تذكرتك على طول ..
بقراها اليوم ان شاءالله وإذا حصلت فيها معلومات راح اذكرها لك ان شاءالله ..
ولاأيصير خاطرك إلا طيب الغالي ..

والله ياليت اقدر افيدك بس اللي اعرفة ان ما فية احد يسكن فيها كل الناس يروحون يوم ويرجعون .... ما فيها الا البحيرات وتكفيها يوم

الغالي ..
قريت المجله مالقيت فيها عناوين ولاكاتبين عنها الشي الكثير ..
وحتى المجله كاتبه مثل ماأذكرت أختنا حبيبة زوجها اتكفيها يوم واحد بس ..

السلام عليكم..
اخوي كنا مثلك نخليها زيارة ليوم واحد فقط ولكن نصحتي صديقتي بالسكن فيها لليلة .. تقول المكان رائع جدا في الليل وفي وسط الكوخ ..
عالعموم لا يطوفك

اهلين اخوي سالت الاخوان هنا في بريطانيا قالو يحجزون كرفان بالاسبوع
لقيت هالموقع حلو تحجز منة سكن وتقدر تحجز كرفان
http://www.iknow-lakedistrict.co.uk/lake_district/

القطري
أشكركم من القلب اخواني ( القطري , حبيبة زوجها , ام نواف ونورة ) على اهتمامكم ومتابعتكم
ولأني مالقيت اجابه من شخص مجرب لفناق في منطقة البحيرات غيرت وجهتي لمنطقة ثانيه
وأحب أبشركم بأني رحت وقضيت 3 ليالي خياليه في هالمنطقة الساحرة
بين أحضان الطبيعه والأنهار والغابات اللي تتخللها مجاري ووديان عذبه وخلابه

واللي استمتع فيها مانع واخوه سعيد كثير

وسكنا في كوخ جميل جدا وموقع متميز ولله الحمد

كان مطل على هالبحيره الجميله .. نصبح عليها ونمسي عليها

وكان هذا البط رفيق أولادي ويسليهم من الصباح للمساء

( وصحيح اني ماأخذت نصيحة حد فيها ... الا ان اختياري لها كان اختيار موفق وصائب بفضل الله )
==
أنا حاليا رجعت لندن ... ومن أحصل الفرصه بكتب موضوع تفصيلي للطيبين أمثالكم
==
اخوكم
أبو مانع

وا او
ابومانع ..
وين هالمكان !!
وكيف نوصله !!
الصراحه ..
المكان شكله عجيب ورومانسي في نفس الوقت ..
ياليت الله يرضى عليك تشرح لنا بالتفصيل الممل والصراحه دخلتي في المخيخ عندي ..
ننتظر تقريرك على أحر من النار ..