مرحبا
اول شي ميونخ مدينه وليست عاصمه
ثاني شي فيينا من وجهه نظري لاتصلح للشباب
ثالث شي من ميونخ وروما مشوار طويل تقريبا 12 ساعه بالقطار
ممكن تخليها فيينا ميونخ زيورخ
او ميونخ زيورخ جنيف
اما بالنسبه للفنادق الصراحه فنادقنا في الخليج افخم واجدد
فنادقهم نظيفه فقط لاكنها قديمه وغاليه جداا
والأختيار الاول والخير يعود لك اخوي

بالنسبه لسؤالك هل تصلح للشباب
تصلح للشباب كل الدول الاوربيه يعني مافي عوائل
ورحله موفقه وراح تنبسطون اكيد بفيينا

لي نقاط على مداخلتك أخوي
أول شي اَسف اخوي لك حق علي ميونخ ماهي عاصمة ********>>> أهم شي الأخلاق وحب الوطن
ثاني شي فينا تمنى ازورها تهقى ازين هي ولا الدمام **************** تراه ينكت تلطيف للجو
ثالث شي خلاص قصينا التذاكر من الرياض لفينا والعودة من روما لرياض ورما مهمة لنا نبي نزورها بعد
بس ممكن قلت اخذو طيران من ميونخ لروما تجي حلوة منك اما زيورخ الله يكفينا شرها
ماهي في الجدول خلقة ********>> 'طيب لاتدف تراه يمزح
اما فنادقنا في الخليلج ما أتوقع افضل لعدة أسباب شوف فنادق ماليزيا وحكم بنفسك ******** يقالك اني مفرق بينهم
إذا صارة فنادقهم نظيفة وقديمه شي جميل ********>>> أهم شي النظافة طال عمرك ولا انا غلطان
ماعليش أخوي ( Unique Man )
بس كنت اتمنى يكون توضيحك لنقاط أكثر شمولية
جزاك الله خير ورزقك دعاء والديك

أصعب جرح روح ربي يوفقك وين ماتروح
مشكور على تعقيبك
اخواني وأحبابي ممكن احد يوضح لنا في الأسئلة أكثر

هذي مالدي اخوي
والدمام ذابحه هل الرياض وانا في نظري احسن من فيينا
فديتج يالدمام
ثاني شي اذا صححت لك معلومه مو معناتها انه اخلاقي او او حب الوطن او ماشابه ذلك
طال عمرك روح شوف فنادق دبي واتحداك تجيب مثلها في اوروبا من ناحيه الفخامه
واعتقد انه دبي في الامارات والامارات دوله خليجيه
واكرر لك اخي اذا ماحصلت حجز تعال الدمام
ماأعتقد انها ابتفرق معاك

أدب الحوار وشيئ من المعقول عافاك الله
الحمد لله الذي بشكرة تدوم النعم
اخوي جزاك الله خير وما قصرت وخل ارائك لك احتفظ فيها لنفسك ********>>> هذا رئيي وأنا حر فيه
التمنى من أخواني وضع النقاط على الحروف في الموضوع
ودمتم بخير

1- هل المبلغ كافي لتغطية مصاريف الرحلة كاملة من سكن وتمشية وتنقلات للمدن المذكورة مع العلم ان معنا عزبة قهوة وشاهي ولا مانع من اخذ المعلبات اذا دعت الحاجة
في السفر عادة اعمل حساب دبل او 3 اضعاف اللي مخطط تصرفه..طيب خلنا نشوف ميزانتك اكثر من نصها بيطير في السكن ..ولا تنسى سعر تذكرة الطيران من ميونخ لروما..واللي افضل انكم تقصونها من هنا على اي طيران ولا تعتمدون على شراء التذاكر من هناك لانك ما تضمن الاسعار والرحلات الفاضية..انا اشوف انها ما تكفي مدري يمكن غلطان لكن نشوف اراء الشباب....من تجربة سووا ميزانيتين الطيران والفنادق بلحال وتدفعونها هنا ..وميزانية للمصاريف والاكل والشرب والتمشيات..
2- العاصمة فينا أو ميونخ او روما مناسبة لشباب؟
مادام انكم شباب اي مكان مناسب لهم لو تحطهم بصبخة وتطقهم الرطوبة ويلعبون بلوت المشكلة بالعوائل مو اي مكان يناسبهم.
3- هل يمكن الإعتماد على القطارات في المدن وعتبارها من وسائل المواصلات بدل من التكاسي ؟
انا افضل الاندرقراوند ..اوفر من التاكسي الا اذا كنت منحد عليه
4- العاصمة فينا أو ميونخ او روما في اي مكان ممكن ابحث عن سكن هل في السنتر ولا في الطراف المدينة مع العلم بأننا نحب اماكن التجمع ؟
دايم خلك بالسنتر المطاعم والمقاهي حولك
5- يقول لي زميل عمل ان فنادق اوربا 3 نجوم مثل 5 نجوم في الرياض هل هذا صحيح ؟
5 نجوم هو واحد بكل مكان..لكن 4 ستار و 3 ستار عندنا زبالة وانتم بكرامة..يعني 3 ستار باوروبا اسكن فيه وانت مرتاح نظافة موجودة وهي الاهم وسعر معقول
6- توقعاتك لأسعار المواصلات من فينا الى ميونخ ومن ثم روما على الطيارة او القطار ؟
فيينا ميونخ بالقطار وتمتع بالطريق...ميونخ روما طائرة افضل
7- ممكن كم تكون اليومية المتوقعه لكل المدن ونحن لن نبخل على انفسنا او نشح بشي ولكن في حدود المعقول ؟
تعتمد على صرفك بس عيدوا تقييم ميزايتكم
اتمنى اني افدتك

اخوي كراش
بيض الله وجهك
وجزاك الله خير
اخوي الميزانية ابي الزيدها 2000 ريال يعني راح تكون 16000 ريال
بس اسؤال هنا راح تكفي يعني ولا وشلون يعني
اخوي كراش الله يكثر من امثالك وتعبناك معنا

جساس911
لا ما في اي تعب....شيل قيمة الفنادق والطيران من الميزانية وشوف كم يبقى وبعدها احكم بنفسك