انا بأذن الله تعالى مسافر الى المانيا عائلة مكونه من 5 2 كبار 3 اطفال وابحث عن شقق فندقية يكون فيها مطبخ مجهز حيث انني سوف احضر معي اغراض الطبخ رايح اطبخ ما رحت اتسيح ههه على العموم تكفون انا بحثت على مواقع الشقق مثل بوكنج واقودا ما لقيت مرادي انا ابي شقة مكونه من غرفتين وصاله ومطبخ ودورتين مياه اعزكم الله يكون فيها حديقة خارجية العاب اطفال وغيرها وغير مفروضة علي بالسكن 3 ايام او اكثر .
وابي شقق في زيلامسي وفيه منطقة رحتلها قبل العام مدري وش اسمها بس انها قريبة من جبل الثلج الي قريب من زيلامسي وانا رايح للجبل عن طريق الباص شفت منطقة حلوه ريفية مدري ايش اسمها ودي اسكن فيها اذا عرفتوها ابي شقه فيها وكذلك شقق في سالزبورج وباريس تكفون ساعدوني والله اني تعبت من البحث فأرجو من لديه معلومات تفيدني ما يبخل علي اشغلوني العائلة بالسفر وانا تعبت من البحث .... نسيت شي دخلت على موقع اسمه فكيشن فيه نظام شقق بس ما فيه حجز عن طريق الموقع لازم مراسلة على ما اعتقد من لديه معلومه على هذا الموقع ياليت يفيدني فيه من ناحية الجوده في الحجز والطريقة بالتفصيل وهل يقبل من عند جمارك مدري جوازات المطار .
وطلب صغير بعد انا بحجز سيارة هل الافضل اني احجزها من المكاتب الي بالرياض ولا من مواقعهم وهل احصل على طلبي لاني شفت موقع سيكسيت لقيت فلكس ويجن ل5 ركاب ب220 ريال لليوم هل يفرون لي الطلب من الموقع والا افضل اني احجز من المكاتب التي تم ذكرها .
واخيرا اسأل الله تعالى من يقوم بمساعدتي ان ينور طريقة بالدنيا ويسعده بالاخره .