سعر التذاكر يبدا من حدود 550 ريال للشخص الواحد وهذا السعر خاص بالحجز المبكر على طيران اكسبريس او نور
اين موقع الشقق المطلوبه في اي مدينه تقصد
كم مدة الاقامة لتعلم عن المناطق التي يمكنك زيارتها

انا اقصد مدينه اوزنجول ؟!
وهل هنالك شقق سكنيه في هذه المنطقه مناسبه للعوائل ؟!
والفتره من 25-7 إلي 3-8 ،،
وهل هذه المده كافيه ام كثيره ؟؟!
للعلم هذه سوف تكون الزياره الاولى ان شاء الله ،،
ولوو هنالك ارقآم هواتف لاشخاص يتحدثون اللغه العربيه و ساكون من الشاكرين ،،
و لوو حبيت احجز عن طريق المنتدى ممكن انكم ترتبولي الرحله لطرابزون كامله ؟؟!

ويينكم ؟؟!!!
3مشآهده ومحد رد ؟؟!
افآآ بس افآآ ><
انآ زعلت !!!

عمدة أوزنجول أكثر واحد ممكن يفيدك وممكن يساعدك في الحجز كمان - أبو عاصم باغر

هلا بك اختي
اصلا اوزنجول كلها شقق واكواخ
وطبعا مناسبة للعوائل ...
وبالنسبة للارقام عذرا .. المنتدى يمنع ذلك ..
ولكن هذي مواقع لبعض فنادق اوزنجول وتحتوي على شقق او بنسيونات تتسنع من 4 الى 8 اشخاص
تفضلي :
http://www.aygunmotel.com/ http://www.uzungolsezginmotel.com/tr/index.asp

مشكورين ع الرد ،،
نجلاء ،،
مآ عندج اي معلومات ثانيه عن هالمناطق ؟!!
وانا سمعت عن فندق ايقون ما عندج اي فكرة عن اسعاره ؟؟!

مشكورين ع الرد ،،
نجلاء ،،
مآ عندج اي معلومات ثانيه عن هالمناطق ؟!!
وانا سمعت عن فندق ايقون ما عندج اي فكرة عن اسعاره ؟؟!

1. ريزا :


2. صوميلا :


3. قرية زيجانا :


4. مغارة كرجه :


5. متشكا وكوشندرا وحيدر نبي :

اختي فندق ايقون اعطيتك رابطه ( ثالث واحد )
و حنا حاجزين فيه هالصيف ان شاء الله واسعاره للكوخ 290 ليره يعني 725 ريال سعودي
وبقولك عن الاماكن السياحيه بالتفصيل ( واللي اعرفه ) :
ايدر :
مشهوره بشلالاتها وطبيتها وجوها الي يفوق اوزنجول ومناظرها الخلابه وكذلك مشهوره بالحمامات الكبريتيه ( التركيه ) وتطلعون لها من اوزنجول

ريزا :

هذي مدينة الشاي .. تقدرين تزورين مصانع الشاي وتشوفين كيف يصنع للاخر وتشترين منهم اذا حبيتي .. وكذلك فيها منتجع ( ريدوس ) وهو منتجع للاستجمام وفيه الحمامات الكبريتيه مثل الي بآيدر وافخم وايضا تطلعون لها من اوزنجول ... وهي تجيكم قبل ايدر

صوميلا :

تطلعون لها من طرابزون والطريق لها ممتع جدا جدا جدا ... فيها معبد مريم العذراء ( معبد مبني وسط جبل ).. وكان يسكنه فئه من المسيح ايام الدولة العثمانيه وبعدين اكتشفوهم وحاربوهم ( ولكن الطريق للمعبد طويل نوعا ما ووعر خصوصا الجزء المخصص للمشي ) وقبل المعبد تمرون على جلسات واكشاك تبيع مأكولات خفيفه

قرية زيجانا :

قرية هادئه جدا وطبيعتها خلابه واشجار الصنوبر ( وهي فوق جبل ) وتغطيها السحاب من كل مكان وجوها بارد .. وفيها مطعم عنده مأكولات لذيذه جدا ... طبعا تروحون وترجعون لها بنفس اليوم ... والافضل والاقرب انكم تطلعون لها من طرابزون

مغارة كرجه :

تجيكم بعد زيجانا .. وهي تبع مدينة تسمى قومش وهي عباره عن حمم بركانيه منصهره وتجمدت على اشكال جميله جدا .. وهي بارده شوي من الداخل وفيها ممرات مخصصه للمشاه واذا طلعتوا من المغاره تشوفون قمم جبال بعضها مكسو بالثلج
مرتفعات السلطان مراد :
وهي منطقة تخييم ... تروحون لها من اوزنجول وتقضون فيها يوم كامل .. وممكن تتناولون وجبة الغداء و تشوون هناك

متشكا وكوشندرا وحيدر نبي :

وهم مرتفات ..تطلعين لهم من طرابزون مثل ماذكرت قبل ... وتقدرون تقضون فيها يوم كامل وترجعون لانها قريبه من طرابزون وهالمناطق يتميزون مثل الي قبلهم بطبيعه ساحره جدا ومناظر خلابه ومسطحات جميله جدا وشلالات ...
والبحيرات : عندك ساره جول و باليك جول :
تطلعي لهم من اوزنجول وهم مصب لبعض الشلالات واللي سمعت انو ممكن تستأجرون مراكب تجديف .. والبحيره الثانيه ( باليك جول تعني بحيرة السمك ..
عموما اختي اذا حبيتي تشوفين صور ل ( ايدر و معبد صوميلا واوزنجول ومغارة كرجه وزيجانا ) ... تقدرين تطلعين على تقريري مثبت في قسم التقارير
واذا حبيتي تطلعين على صور لباقي المناطق المذكوره عندك تقارير ومواضيع اخونا باقر وكذلك اخونا aldosse
واتمنى اكون افدتك اختي ,,,