بوجود السياره لاحاجه الى السكن في جنيف
او ان تعيد السياره لحظه وصولك لجنيف
اما عن التخطيط في مناسب ومرتب
والسفر في شهر اكتوبر جميل جدا
ورحلتي الموجوده في توقيعي
مشواري الطويل مع السحر السويسري الجميل
كانت في شهر من منتصف اكتوبر الى اخره تقريبا
الجو بارد لاكتن موع وجود للخضره الممتزجه مع الصفار والبرتقالي
الميزانيه لاتقل عن 8000 فرنك

الله يعطيك العافية يابو احمد ..
حلو شفت تقرير وشفت الطبييعه على اصولها ..
عجبتني لايسين هل هي قريبه من جنيف وتنفع محطة اولى او محطة اخيره ؟
الميزانيه بالريال باذن الله بتكون 30 الف ريال من دون التذاكر ..
السكن بجنيف ليس هدف لكن ودي يكون قريب من المطار فقط واعتقد اقرب شي للمطار غير
جنيف هي ديفون .. هل تؤيد اني ارجع لها مره ثانيه ؟
يعني مثلا
2 ديفون
6 انترلاكن
4 لوقانو
4 ديفون
اعتقد كذا بيكون اوفر بالنسبه لي
فيه شغله وهي السياره .. هل فيه مكاتب سياحة هنا تؤجرني .. ؟
ايضا اللغة انا متخوف منها كثير .. وماعندي الا عربي ..
هل القليل جداً من الانجليزي + شوي اشارات يمشيني هناك ؟
الف شكر اخوي

carrickoo
1- احرص على ان تكون عودتك من ميلانو ما امكن افضل من العوده مره اخرى لجنيف
2- من جهة المصاريف هذه وجهة نظري
السكن من 500 الى 1000 ريال يوميا
السياره بحدود 5000 ريال انت وشطارتك
المصروف اليومي بحدود 700 ريال يوميا انت وشطارتك

carrickoo
وانا بالخدمه

المزيد
انا وشطارتي عز الله رحنا فيها :d
الله يعطيك العافيه بالذات على شرح المصاريف ..
صرفيتي دايم قليله والحمدلله .. بالنسبة لميلان احس ما تشجعت عليها .. متشجع على باريس
لكن مادري كيف الطريقه .. يعني الجدول الامثل وش بيكون ؟
لذلك مرات اقول اوكي ومرات اقول كيف بسافر لدولتين واشيل هم الحدود وخلافه
انا شفت الخريطة لقيت لوقانو بعيده عن جنيف تقريبا فهل فيه مدينه تعوض هذا البعد غيرها ؟
يعني مثلا مونترو وغيرها اللي تعد على طريق انترلاكن جنيف ما يقومون مقام لوقانو ؟
لو كانت لوقانو ما تستحق هالتعب يصير جدولي مثلا
2 لايسن
6 انترلاكن
2 مونترو
4 ديفون
وش رايكم
طبعا الكلام لاخوي المزيد واخوي ابو احمد وجميع الخبراء ..
يعني يكون الخط واحد والتعب اقل .
ولا وش رايكم ؟

carrickoo
اخوي .....
اساس بناء الخطه هو حجز الطيران , مثلا
خطوط المسارات النموذجيه
1- الوصول الى زيورخ والمغادره من جنيف او العكس
2- الوصول الى زيورخ والمغادره من باريس او العكس
3- الوصول الى جنيف والمغادره من ميلانو او العكس
بناء على اختيار الخط تبنى الخطه لتوزيع المدن
في المسار الذي حددته انت في الاعلى هناك خطأ
انت ستصل الى جنيف ثم تتجه الى لايسن فانترلاكن ثم تعود من نفس الاتجاه الى مونترو وديفون وهذا هدر للجهد والوقت

حلو الكلام الله يسعدك .. مالي غنى عنك يالمزيد
مريت مكتب سفريات بجنبنا ونصحني بالبداية بجنيف والنهاية بميونخ
ويقول الاغلبيه كذا .
وش رايك .؟
حجزت لي حجز مبدئي
الاربعاء 20 اكتوبر الرياض - ابو ظبي - جنيف ( الوصول لجنيف الساعه 1:55 الظهر )
الجمعة 5 نوفمبر ميونخ - ابو ظبي - الرياض ( الاقلاع من ميونخ 10:25 مساءً )
بقيمة 5900 على طيران الاتحاد لشخصين .. وش رايك ؟
بالنسبة للطيران انا اُفضل اي طيران غير الخطوط السعوديه .
وش الجدول المناسب بهالحاله علماً بأني احب ان اجلس 7 ليالي في انترلاكن والباقي
انتم ابخص .
والبرنامج 17 يوم 16 ليله
لو كان هالبرنامج مناسب من وجهة نظرك وش تتوقع يكفيني ميزانيه ..
بصراحه انا حاط للسفره 40000 الف بدون تذاكر لكن ما يمنع اني اقتصد بقدر الاستطاعه .
1- الوصول الى زيورخ والمغادره من جنيف او العكس
ما حصلت والله لان اللي تروح جنيف ما تطير من زيورخ والعكس .
زيوريخ وباريس حلوه لكن وش الخطوط اللي تسويها .. واذا كان حجزي اللي فوق كويس والمسار كويس
ف لو اروح ميونخ وبعد كم سنه اروح لباريس لحالها .. الا اذا كانت ميونخ ماتستاهل من يروح لها فهذا
شي ثاني
شكرا لك ..

carrickoo
اتمنى لك التوفيق

carrickoo
بما انك ساكن في لايسن لاحاجه للسكن في منترو وكتفي بزيارتها لانها لاتبعد عن لايسن سوى 15 دقيقه
لاكن خط الرحله الاخير راح يكون كيف
البدايه من ميونخ ولا النهايه بها
لان ميونخ يجب عليك السكن بها على الاقل ليله سواء بالذهاب او العوده
يكون مسار الرحلة كتالي
ديفون
منترو او لايسن
انترلاكن
ميونخ
او العكس صحيح