أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا أخوي الموج أول شئ مبروك عليك الزواج والله يرزكم الذرية الصالحه شوف الغالي المشكله أن هذا الوقت من السنة يعتبر اصعب وقت علينا في الأمارات من ناحية الحرارة والرطوبة الى منتصف سبتمبر :112: يعني صعب أني أعطيك أماكن جميله تروح لها لأن الجو أبدا ما يساعد لو كان موسم الشتاء كنت راح أعطيك أماكن روعة ما راح تندم عليها . الماركز التجارية هي اللي بتستانس فيها حاليا ً أنصحك أول يوم في الأمارات مول واذا حبيت تروح ميناء السلام نفس اليوم يكون شئ طيب لأنهم قراب من بعض . سوق السلام نصه مكيف والمطاعم بعضها في الخارج وطبعا الجو حدث ولا حرج :112: عندك اليوم الثاني ممكن تروح ابن بطوطة مول وبعد ما تخلص ترووح للمرسى وتتعشى هناك والمرسى المطاعم فيه داخليه وتوجد لها قعدات في الخارج . وعندك اليوم الثالث تقضيه مثلاً في دبي فيستيفال سيتي واذا بتروح تستكشف الأب تاون ترى قريب منه بس الجو ما يساعد لأن الأب تاون مكشوف واليوم الخامس مثلاً تروح لوافي سنتر وبعدها تدخل سينما قراند المحاذية لمركز وافي بتستانس بس تجنب دخول السينما نهاية الأسبوع لأنه زحمه واليوم اللي بعده غير شوي على سيتي سنتر وأخطف على مركز الغرير ومركز برجمان أصبح روعة بعد التجديد . وخصص يوم تزور الشارجة عندك مركز صحاري ومركز ميغامول يستاهلون الزياره وعندك المربى المائي في الشارقة يستاهل تزوره . وخصص يوم تزور فيه مركز ميركاتوا على شارع جميرا وكذلك عنك مول البحار المحاذي لبرج دبي جميل تقدر تاخذ راحتك فيه لأن المكان هادي جداً وفيه كافيهات ومطاعم في الأماكن المغلقة والمكشوفة . وحاول ايضاً تخطف على شارع الشيخ زايد في مطاعم وشغلات حلوه . واذا شفت يوم الجو لابئس فيه أنصحك بحديقة زعبيل او حديقة الصفا . أتمنى أني فدتك تحياتي لك
أشكر يا خوي الحر بوشاهين.. على هذا التور قايد المختصر والمفيد جدا ..
الي عجبني فيه أنك رتبت الاماكن الي جنب بعض في يوم واحد...:x1: عشان ما يضيع اليوم كله بمشاوير التكاسي...
إذا ما عليك أمر أنا وأهلي بنروح لدبي في شهر 8 وراح نقعد 7 ايام والله يعين على الحر والرطوبة
فيه بعض الاماكن ما حطيتها مثل china town و dragon mart و متحف دبي مادري هل تسوى الواحد يروح لها.. وسمعت عن سوق البهارات في منطقة الراس يستاهل ..
فإذا تقدر تكتب لي برنامج لمدة 7 أيام مثل قبل بحيث كل يوم يحتوي على مناطق قريبة بعضها من بعض. ومثل ما قلت راح أخلي يوم واحد لمجينة الشارقة... يفضل الأماكن تكون كلها داخليه تدري عشان الجو الجميل والعليل.
أدري ثقلت عليك... بس تدري نبي لرجعنا ديارنا ما نقول ياه ه ه :112: ما رحنا لكذا وكذا ... ثانكس.
السلام عليكم
بالبركة عليكم مقدماً ، الله يسعدكم إن شاء الله
اخوي شوف هالرابط فيه بعض المعلومات وإن شاء الله لي عودة للجدول https://artravelers.com/p/re/191790
.
وعليكم السلام ورحمة الله وبركاته
بنوتة الامارات... أشكرك على رد وتجاوبك معي ....
من كثر ما أنا قريت في هالمنتدى عن المراكز والمحلات أحس أني حفظتها .. المشكلة مو في كذا المشكلة وين........
أنا ودي أعرف مثلا:
اليوم الأول = أروح ل ( الامارات مول + ميناء سلام + سوق السلام) ( لأنهم جنب بعض فما له داعي مثلا أروح اليوم الأول الامارات مول وبعدين في اليوم الرابع أروح لسوق السلام وأكتشف أنه جنب الامارات مول) شفتي شلون فأنا ودي المحلات الي جنب بعض لأن ما ني قاعد إلا أسبوع وأبي أفرح بناتي وزجتي .
الله يجزاك خير قريت تقرير الأخت ( اماراتيه ) عن مدينة مدهش كان أكثر من رائع قريت أنها عند مركز دبي التجاري على شارع الشيخ زايد عند أبراج الإمرات فإن يقع هذا الموقع بالنسبة للمجمعات (( في أي يوم أخلية))؟؟؟؟؟
وأشكركم على تفاعلكم .....
وعليكم السلام ورحمة الله وبركاته
حياك الله اخوي في الأمارات
تأمل في موضوع أختنا مزوون
https://artravelers.com/p/re/158174
وبعدها اي أستفسار نحن حاضرين