مبدئياً العرض جميل لكن بخصوص السكن على حسب الفندق....
من ناحية الزيارة في سبتمبر لكولالمبور أعتقد ان ماليزيا بلد سياحي طوال العام.... والأجواء إستوائية.
تحياتي..
:36_6_2:

شكرا بس ممكن سؤال ؟؟ هل اقدر اروح مدن جبليه يوم كامل يعني وانا بكوالالمبور اروح الصبح ارجع الليل ؟ وكم يبيلي ميزانية تقريبا في اسبوع ؟؟

أنت تآمر أخوي..... :36_1_39: :36_1_37:
المدن الجبلية القريبة من كوالالمبور هي جنتنغ وتبعد حوالي 45 دقيقة عن العاصمة وطريقة الوصول إليها إما عن طريق الباص ثم تكمل الطريق بواسطة التلفريك.... أو عن طريق التاكسي يوصلك مباشرة إلى جنتنغ...... وتقدر تروح لها من الصباح حتى المساء وترد..
وفيه مدينة أخرى لكن أعتقد أنه تعب عليك تروح وترد في نفس اليوم وهي كاميرون هاي لاند وتبعد حوالي 4 ساعات تقريباً....
وبعد فيه منطقة بوكيت تنجي وهي بين كوالالمبور وجنتنغ وما عندي خلفية كبيرة عنها...
وفيه مناطق أخرى لكن غير جبلية أهمها صنواي لاجون وأفاموسا...
أما بخصوص الميزانية راجع المالية :36_1_36: بكره عند الأخ اللي جنبي >>>> أمزح..
أنت حدد برنامجك من حيث الزيارات و رتبه وأبشر باللي تبيه وأنا حاضر...
تحياتي..
:36_6_2:

الأخ y3gop2005
السفر إلى ماليزيا متعة دائما وفي اي وقت
أسبوع مش بطالين علشان تشوف هالبلد ولكن طبعا لا يكفون حتى ل5% بالمئة من المتعة الكاملة
نصايح الأخ فاست جميلة لا تفوت أنك تروح مكان بارد أعتقد أن اسبوع كفاية علشان تروح مكانين فقط عليك بالكاميرون وما راح تندم وخلي كوالا محطتك النهائية
انت قرر ونحن حاضرين للتفاصيل الداخلية من مصرف وسكن حدد السكن ونحن حاضرين
والخبراء تراهم كثير في هالمنتدى الطيب
والله المستعان

يعطيكم العافيه المشكله ماعندي اجازه غير اسبوع ؟ يعني ااجلها احسن ؟ وين تقترحون علي اروح مكان باسبوع غير دبي لاني السنه رحتلها 5 مرات وكفايه عليها

أسبوع كافية إذا كنت تبيها جولة في العاصمة و المناطق القريبة لكن 7 أيام ما تسوى مشوار الطيارة وخصوصاً أنت طالع على القطرية أعتقد أن الرحلة غير مباشرة يعني زيادة تعب.......
وإذا حبيت تغير وجهة سفرك أقترح عليك سنغافورة وأنا ما زرتها قبل لكن سمعت عنها كثير وحقها أسبوع تقريباً....
فكر والله يعينك...
تحياتي..
:36_6_2:

اسبوع مايكفي بس ممكن تكون تجربه واستكشاف
لانه الجزر مره حلوه ومميزه فرصه الواحد يزورها لما يروح ماليزيا
لكن كوالالمبور لوحدها وناسه
عندك
حديقه الحيوان ,,والشلالات تمبر لنك ..هذا يوم
حديقة الطيور..الزهور,,الفراشات..هذي قريبه من بعضها..
بحيره ليك جاردن..
الماينز وندر لاند..وفيه عروض النوافير الراقصه وعرض ثاني (لاتعليق )
يوم يكون للبرجين والمناره..والمناره فيها مطعم فوق والمنظر روعه بس لازم حجز قبل..والافضل تكون زيارتها قبل الغروب بشوي ..
وفيه يوم رحله لجنتنق ..اور رحله لافاموزا..
وفيه سن وي لوقن مدينه العاب وفيه مجمع تجاري..
طبعا ممكن تاخذون فكره عن كل مكان وتزورون اللي يناسبكم..
وطبعا على الساعه6 ..هذي الاماكن اللي ذكرتها ماعاد الماينز تكون مسكره ..من بعد هالوقت غالبا نقضيه بالاسواق
وفيه مواضيع كثيره فيها اسماء الاسواق وتراه متعه بحد ذاته
بس اهم شي موقع الاوتيل ..وانا انصح بالويستن هذا التوب او الماريوت او الريجنت يقولون قديم بس موقعه عجبني
انا اشوف الويستن قمه والاهم من هذا كله موقعهم كلهم على شارع كله كافيهات ومراكز تجاريه لاتاكسي ولاشي كل شي قريب حتى المطاعم العربيه ومكدونالدز وبيتزا هت ..
وبالتوفيق

شكرا لكم الجو شلونه هالايام رطوبه ولا لا ؟

أجواء ماليزيا استوائية عموماً ومهما تكون الحرارة في ماليزيا ما توصل ربع حرارة الخليج ... والمطر في ماليزيا شبة مستمر والرطوبة خفيفة جداً يمكن في في وقت الظهر تكون الرطوبة أشد ....
لكن المرتفعات مثل جنتنغ وكاميرون جو روعة .....
وتحياتي..
:36_6_6: