الاجابه على استفسارك
1- نعم اختيارك جيد بالنسبه الوصول ميونخ والعوده من باريس
2- 18 يوم نوعا كافيه بس ماراح تشوف الديره الي انتي فيها براحتك
يعني في كل منطقه بتقعدين يومين او ثلاثه لان بنحاول بقدر المستطاع تقليل عدد الاماكن
لكن اذا معك اطفال اشوف غير مناسبه
3- بالنسبه للمبلغ هل هو شامل التذاكر والسكن والمصروف
او المصروف فقط ؟؟
4- لو بتروح الخمس دول انا برتب لك خط سير وان شاء الله يكون مناسب
الوصول ميونخ ( ليلتين ) المانيا
زيلامسي (3 ليالي ) النمسا
انسبروك ( ليله واحده للراحه اختياريه ) النمسا
انتر لاكن ( 3 ليالي ) سويسرا
ميلانو ( ليلتين ) ايطاليا
جنيف ( ليلتين ) سويسرا
باريس ( 4 ليالي )
وعندك ليله اضافيه ممكن تضيفها بأي مكان براحتك

qa6ar911
ترتيب ممتاز اخوي.. بس النمسا فيها اماكن جميله تستحق زياده يوم... والميزانيه تشمل السكن والسياره والمصروف فقط بدون التذاكر..
اول زياره لي لاوروبا وما اعرف شي..
لو تقدر تسوي لي برنامج يومي لزياره افضل الاماكن بكل مدينه ع حسب عدد الايام والامكانيه.. ربي يسعدك..
شاكرلك تجاوبك،،

ماقصر معك الغالي qa6ar911
صعب حصر جيمع الاماكن لكل بوبابة يوجد تقارير الاعضااء والتجارب لهم لان بعض الاماكن ممكن انت ما تعبجبك وتعجب غيرك
انصحك بزيارة تقارير الاعضاء وراح تستفيد ان شالله ورتب جدول زيارتك بالشي اللي تفضله
في بوبابة النمسا راح تلاقي اللي يسرك ان شالله
انا اشوف حاول تحذف ايطاليا وحرام زيلامسي 3 ايام وايضا انترلاكن
الافضل لك بوجه نظري
ميونخ 2 - زيلامسي 5 - انترلاكن 5 - بادن بادن 3 - باريس 3
عندك الان خطيين مسار واختار بينهم واذا حاب تضيف ميلان
افضل يكون السكن في لوقانو السويسرة تقريبا ساعه الي ميلان عشان ما تروح وترجع مره ثاينه في خط سيرك

انا عارف ياخوي النمسا فيها مناطق جميله وايضا سويسرا فيه طبيعه جميله جدا
بس ماقدر اضيف لك مناطق اكثر وانت تبغي خمس دول
وخبرك عندك عفش وتنقله من مكان الى مكان
يعني مثلا تستقر في زيلامسي
ممكن تروح سالزبورغ وترجع بنفس اليوم
وممكن تروح كامدن وترجع بنفس اليوم
يعطيك الف عافيه اخوي azzam Austrian على الترتيب الجميل
انا كنت بقوله نفس الترتيب لو ماضفنا ايطاليا
لكن لان اول مره يسافر ويبغي يشوف كذا منطقه بهالسفره فا مابغيت احرمه ههه
بالنسبه لجدولك ويضيف معاها ميلانو وفيها بادن بادن
احس اشوي يمكن يشق عليه الطريق
وانت خبيرنا اكيد نستفيد منك

انا قصد اذا حاب يختار المسار الاول اما المسار الثاني صعب حط ميلان في الجدول انا اشوف ايطاليا ما تستاهل العنوه بوجهت نظري
افضل لك اذا حاب تضيف ايطاليا هو تزود الايايم ويكون خط سيرك عل التالي
الوصول ميلان والمغادرة باريس
ميلان 1 - لوقانو السويسرة 2- انترلاكن 5 - زيلامسي 5 - ميونخ 2- بادن بان 3- باريس 3
الموجوع 21 يوم وبكذا جمعنا لك الاماكن مع الرغم اني ماحب كثرة التنقل
المسافة الطيولة من انترلاكن الي زيلامسي بحدود 6 ساعات بس لا تخاف الطريق في اروبا لو تمشي يوم كامل ما تحس بالتعب
اتمن انها تفيدك المسارات المذكورة ويقي الخيار الاول والاخير لك اخي المسافر

ابدعت يا خبيرنا صحيح خط سيرك حلو ممكن يمشي عليه منظم ومرتب

azzam Austrian
طيب ايش رايكم بالتوزيع هذا:
النمسا 5 ايام
وسويسرا5ايام
و 8 ايام وزعوها ع المانيا وايطاليا وفرنسا بخبرتكم.
والبدايه من ميونيخ والعوده باريس..
معليش تحملوني شوي..

المشكله يا غالي ايطاليا بعيدة عن المخطط شوف خلي الوصول ميلان والمغادرة باريس ونفس المخطط اللي كتبته لك في الاخير واضيف واحذف في عدد الايام
تقدر تحذف بادن بادن و وتخلي اياماها على زيلامسي وانترلاكن ومن ميونخ تتطلع طيران الي باريس
او
احذف لوقانو السويسرة و وزع ايامها على انترلاكن وزيلامسي يعني يصير
ميلان 2- انترلاكن5 - زيلامسي 5 - ميونخ 1 - بادن بادن 2 - باريس3
اعيد واكرر ما احب كثرة التنقل بس انت تبي ايطاليا

azzam Austrian
اوك احذف ايطاليا ي الغالي ورتب لي خط سير يبدآ من ميونيخ وينتهي بباريس.. التنقل بالسياره . واكون شاكر لك ..
اكرر اعتذاري ع الاطاله تعبتك معي ربي يسعدك..