1. بخصوص اسطنبول بقا عندي كذا سؤال

سلامه عليكم ..
انا حجزت فندق بيلم هاي كلاس انطاليا لمدة تلات ليالي شامل تلات وجبات في شاطئ لارا
كنت عايزة اعرف ايه الامكان اللي اروحها في انطاليا
هل في مواصلات هناك غير التاكسي و استئجار سيارة هناك
ياريت تقولولي طريقة الوصول للاماكن اللي هترشحوها لي
ايه الاسواق اللي موجودة في انطاليا ة يا ترى اسعارها اغلى و لا اسطنبول اغلى ؟؟
انا رايحة انطاليا 3 ايام للاستجمام لاني هقضي اربع ايام في اسطنبول

بخصوص اسطنبول بقا عندي كذا سؤال

1- عايزة حد ينظملي الاربع ايام دول رحلات و الفسح انا مش عايزة اثار و كدا عايزة طبيعة و حدائق
عايزة اروح طوبكابي و دولمة بتشة و بورصة و فيا لاند الملاهي و المسجد الازرق و رحلة البسفور و برج البنت العثمانية و منيا تورك و تلة العرائس و حديقة امريجان كورسو و مول هيستوريا و جوار و الفيوم و البازار الكبير و السوق المصري
انا عارفة ان دي كتير على اربع ليالي بس ياريت تقولولي اعمل ايه و انظمها ازاي
2- ايه المطاعم اللي اقدر اروحها تكون حلوة و في نفس الوقت مش غالية اوي يعني ممكن تكلف 100 ليرة لفردين
3- اروح بورصة و لا سبانجا ؟؟؟ طيب لو هروح بورصة اروحها ازاي ؟؟ و اروح رحلة البوسفور ازاي ؟؟
للمعلومات الفندق في اسطنبول جنب شارع الاستقلال
معلش اسالتي كتيرة لكن انا بنظم الرحلة بنفسي و دي اول مرة اروح تركيا و بصراحة انتم افدتوني كتير اوي