السلام عليكم ورحمة الله وبركاته
كييف الجميع ؟؟ يارب تكونو باتم صحه وعافيه ورضى من الله
انا حابه استفسر عن كم شغله
اولا فكرت ان اروح الى فلوريدا
من تاريخ 1 ماي الى 29 ماي ...تقريبا شهر
لقيت ان تكلفه التزكره حتكون من جده الى نيورك ع الخطوط القطريه قريب 10 الاف ريال
وتكلفة التزكره من نيورك الى اورلاندو تقريبا 1800 ريال روحه ورده
يعني سعر الطيران بس 1200 تقريبا
ووجدت فندق اسمه
travelodge orlando international driv
سعر 28 يوم ب 3569 ريال
طبعا مرا رخيص وكثير بيمدحووه في بوكينج وبالنسبالي الفندق للراحه والنوم فقط
والاهم كاتبين
it offers a free transfer service to area attraction
والي فهمت من الريفيو ان يودي لديزني ويونفرسال ستديو فرري بس ماعرف بالنسبه للسي ورد ..
عموما انا المعلومات دي كتبتها عشان محتاجه اعرف تكلفه السفره كم بتكوون
مع العلم ان السياره استاجارها 3500 مع الجي بي اس
ولمده 28 يوم ماعرف االسعر كويس او غالي ؟؟؟
حابه ارجوكم اعرف كم تقريبا يكلف البانزيين لمده 29 يووم
ومع العلم ان المطاعم كثير بيكون منها ع الفاست فوود
وحابين اكيد نروح ديزني لمده 5 ايام واليونيفرسال يومين والسي ورد يومين او يوم
ابغا اعرف تقريبا الاكل والشرب ومكن سناكس واسكريمات كم بتكلف لشخصين
مع العلم ان ااكل اخر اهتماماتنا بس طبعا لازم ناكل وعاده ازا فطرنا ماناكل الى العشا ويكون بينهم اسكريم او شي خفيف مرا
يعني بيكون الغدا والعشا فاست فوود واشيا كده وممكن اجيب معي اجبان واشتري خبز من عندهم وبكده اوفر حق الفطور
وهل 35 الف بدون التزاكر والفندق تكفي للسياره والبنزين والاكل والشرب والاماكن الترفيهيه
وطبعا بدون تسوق اكيد ...
وهل الميزانيه تسمح لنا اننا نروح ميامي لو ع الاقل يومين ونرجع تاني مع الفندق طبعا
تفاصيل الميزانيه
الميزانيه للطيران والفندق تقريبا 15600 من اصل 50000
يعني الباقي 35 الف تقريبا
اسفه لاني كثرت اساله بس حابه استفسر واعرف انكم ماتقصروو
وردكم بالنسبالي مهم جدا فارجوكم لاتحرجوني