حيك الله اختي وياهلا ومرحبا اختياركم لتركيا لقضاء الصيف ان شاء الله موفق واذا حبيتي البلد حتكررين الزياره ......عن تجربه ....اذا انتم تحبون الطبيعه والبراد وحمامات البخار تراها تجربه لن تنسيها ابد وهي صدقيني اللي حترجعك للبلد فأنسب مكان هي بورصه والسكن فيها اسعاره متوسطه وفيه شقق اهالي نظيفه والاخوان في المواضيع الثابته ماقصرو ذكرو كل شي مع الصور وهي بارده ربيعيه وترمال فيها الينابيع الطبيعيه وماهي بعيده عن بورصه ومايحتاج تسكنين فيها وفيها مينا تتجه منه البواخر الى الجزر واهمها واحلاها جزرالاميرات
واذاكنتو تحبون سياحة المدن فأستنبول بلد ينحب رغم الزحمه اجمل منطقه للسكن السلطان احمد قريب من كلش من البسفور والمقاهي والاسواق القديمه والمتاحف {{مغلقه الى رمضان }}
مدة الرحله 3ساعات
العباءه مألوفه جدا ولامضايقات ولاشي بالعكس يااختي لما يعرفون اننامن الاراضي المقدسه تمتلي عيون العجايز دموع وتتكلم عن اشكثر تتمنى تعتمر اوتحج الناس في القرى بسيطين ورائعين
مثال ,,,,,في بورصه تشوفين العباه والنقاب والبرقع وترامس الشاهي والقهوه حتى الرطب على البساط
التكاليف حسب الصرف اليومي طبعا استنبول اغلى
الفنادق اطلاعك على المواضيع المميزه راح يعطيك مجال كبير في الاختيار وبما انكم شخصين الكراون بلازا حيعجبكم
واذابغيتي شي لايردك شي

جزاك الله خير على ردك وتفاعلك ... حبيت افهم شي الحين قصدك أننا نسكن بورصه؟؟ طيب وشلون انتي كاتبة بورصه قريبه من بورصه ؟؟ مافهمتك و وشي اللي مايحتاج أسكن فيها ؟؟

صباح الخير والورد يعجبوني اللي فهمهم بطيء عشان الواحد يحس بمعاناه وياهم ....خليني اسوي لي قدر كافي واعود عليك ...صلي على النبي

والله ياخوج انا طيارتي 2/7/2007 ورايح مع المدام لمدة 10 ايام واول مره اروح تركيا وحجزت 4 ايام في بورصه و4 ايام في بنت مدري وش اسمها ويومين اسطنبول وبيني وبينج موكل امري لله بس يمدحون جو القرى هناك .
بس ودي اسأل الاخت غيوم شلون اروح الجزر ؟ وشنو وسيلة التنقل هناك؟ واحلى الاماكن في بورصه؟ ولك تحياتي يالشيخه

1. عشان كذا راح اكتب لك عناوين المواضيع اللي تساعدك


2. بصراحه هي بارده صحيح بس على وصف المختصين تناسب فترة التقاعد

بسم الله الرحمن الرحيم
اسأل الله العظيم ان يجعلك قرة عين لزوجك ويجعله قرة عين لك ويرزقكم بالذريه الصالحه
اولا انا مااعرف اضيف الروابط حاولت ومامشى الحال

عشان كذا راح اكتب لك عناوين المواضيع اللي تساعدك

1:بورصه .....لما توصلين مطار استنبول تاخذون باص الى مينا ياني كبل {{لاتاخذون تكسي او شركه سياحيه لان السعر بيكون جدامبالغ فيه اماتذاكر الباصات متاحه للجميع وهي باصات راقيه ونظيفه }}
2:راح يوصلكم الباص الى مينا تركب الباصات في بواخر كبيره وامنه ...والمشوارفسحه بحد ذاته بتشوفين مناظر تجنن انتي الان في بحر مرمره {{اذاكانت رحلتكم وصلت باليل لاستنبول ترى الهون ابرك مايكون باتو فيها ومع الصباح توكلو على الله للمينا المذكور وترى من السنه الدخول للقرى صباحا وحتى ماتفوتكم آيات الرحمن}}
3:الان وصلتي ليلوا وهي بلد ساحلي جميل فيه شاطىءعليه مقاهي ومطاعم وبعدها منطقة ترمال تبعد 35كيلو وفيها الينابيع الطبيعيه المشهوره {{شوفي اللي يروح تركيا ومايسبح بالينابيع راح روحة طاش ماطاش ماكنه راح}}ترمال منتجع كبير وفيه المسابح ومقاهي ومطاعم اسئلو عن المسابح العائليه افضل
4:بعد ترمال بشي بسيط قريه اسمها جوك جدر مرتفعه ومليانه خليجيين وفيها حياه وبارده اكثر من المناطق السابقه ايضا جوك جدر صالحه للسكن جدا وفيها شقق اهالي نظيفه ورخيصه فيها طبيعه ومقاهي ومطاعم وخدمات كامله
5:بعدها قرية اسبنير اهدأمن السا بقه ومتوفر السكن فيها ايضا بس تراها هاديه وتناسب اللي يحبون الهدوء

بصراحه هي بارده صحيح بس على وصف المختصين تناسب فترة التقاعد

6:بورصه...وهي تبعد عن يلوا 70 كيلو بس احلى 70 كيلو طبيعه ومناظر حلوه عاد بورصه هذي حبيبتي لان فيها سهوله بكل شي بالسكن والتسوق والتمشي فيها فنادق ارشح لك اللي يكون فيها مياه ينابيع وتكون على منتزه لونا بارك وهو منتزه كبير حيل وفيه ملاهي وجلسات ومقاهي ومطاعم ومسجد
اختي لازم ولابد وحتما تقرين المواضيع المميزه ومواضيع العمده باغر وحاولي تشوفين التقارير المصوره
عشان العناوين الصحيحه وارقام الهواتف والاسعار
اتمنى تكون وضحت لك الصوره اكثر واذا بغيتي شي لاتترددين ولو تأخرت في الرد تعرفين امتحانات الاولاد
ووضع في البيت عامل زي هذا

مشكوره جدا جدا غيوم وردية والله ماشالله عليك وعلى تفاعلك والله يخلي لك الاولاد وابوهم ... وجزاك الله كل الخير

اخي الكريم اواش جزاك الله خير
بالنسبه لطريق التوجه للجزر يمكنك ذلك من ميناء ياني كبل بيلوا نفس المينا اللي تصل اليه من استنبول وتاخذ الباخره اجمل وامتع وتتجه الى جزيرة الاميرات {{بيوك اضنه}}وايضا يمكن الذهاب لها من استنبول من مينا امنونو يقع على خليج البسفور وطريقة التنقل في الجزيره الحنطور والتنزه مشيا على الاقدام وفيها مطاعم ومقاهي وفيها فلل راقيه لاغنياء تركيا يقضون فيها الويك اند
اجمل مناطق بورصه القرى السا بقه لها والينابيع الطبيعيه في ترمال وايضا حمامات بورصه انظف واكثر خصوصيه....جبل اولوداغ والتلفريك فيه .....الشلالات ومطاعمها الحلوه.....الاسواق الشعبيه وسوق اتاكوي للحريروالقطنيات .....مصنع الحلقوم ......مركز اوزداليك {{مقاهي راقيه ومطعم كبير وسوبر ماركت ومحلات تجاريه تعرض الانتاج التركي خاصة القطنيات من ملابس اطفال وسيدات وبدل رجايه فخمه واواني منزليه بصراحه الاسعار افضل من استنبول جدا .....ومركز زفر بلازا بقربه على التل مطعم حجي دايخ
ميدان هيكل عليه مطاعم ومحلات ومنتزه لونا بارك ......والشجره التاريخيه .......ومنطقه بورصه القديمه
وتوب خانه فيه مقاهي ومطلات تشوفون بورصه كلها والمسجد الكبير والمتحف

اختي h2nانا ماودي تروحين الا وانتي عارفه البلد وقاريه عنها بهذي الطريقه تقل التكاليف وماتفوتكم اماكن والله انها نسخه من اوروبا اهم شي اكتبي اسماء المناطق اللي تبينها بمفكره صغيره وتكون على طول بشنطتك حتى لو بالعربي بيمشي الحال لاتخافين سننتصر عاد الحين استودعكم الله الذي لاتضيع ودائعه على امل اللقاء بكم في وقت لاحق{{بدي طعمي لولاد اوليك}}

بيض الله وجهك يا أخت غيوم وفرج الله همك وكربتك وان شاء الله عيالك من الناجحين والفايزين والرابحين دنيا واخره ، اختي العزيزه واللي يسلمك تحملي اخوانك في الله ترانا غشمه والغشيم بالشئ لايواخذ ، انا بطب في مطار استنبول اوكي وحجزي يبدأ ببورصه اوكي، السؤال : من وين اخذ الباص من المطار الى بورصه ؟ يعني هل لهم مواقف في مكان ما ؟ ووش اقول لسائق الباص هل اقول له بروح بورصه؟
السؤال الجاي له وقته