الإخوة الكرام ...
حبيبنا الفاضل ...
سألني في أحد المواضيع هذا السؤال ...
ولإنني أفتقد الإجابة الصحيحة ...
قمت بنسخ مشاركته هنا ...
اللي عنده خبر أكيد ... أرجو منه الإفادة ...
لإني طلبت منه ان يتواصل مع المكتب أو الخطوط لمعرفة الإجابة الصحيحة ...
بارك الله فيكم

والله ماعندي اجابة اكيده لكن الاجابة المنطقية انه لو ما سافر من جدة راح يلغى مقعده ويمنح لاي راكب اخر في قائمة الانتظار الا اذا راح لمكتب خطوط ويكون عندهم حل فالاكيد ان عندهم حل

1. اعتقد صعبة لانها كونيكشن فلايت يعني لازم تلغي المسار اللي ما تبيه ,

اعتقد صعبة لانها كونيكشن فلايت يعني لازم تلغي المسار اللي ما تبيه ,

انا كنت قاص تذاكر الرياض جده جنيف. وللاسف يصادف ليله العيد تقريبا . المهم خفت تتأخر رحلة الرياض جده بسبب الزحمة و اخر ايام رمضان العالم كلهم مسافرين . علشان كذا قررنا نكون في جده قبلها بكم يوم وضبطنا امورنا على كذا وقصينا تذاكر مستقله الرياض جده . قبل اسبوع مريت على المكتب وقلت لهم ابي التذاكر تكون جده - جنيف . لان الرياض جده خلاص عندي لها تذاكر مستقلة.
رد علي الموضف قال يا اخي انت كذا راح تدفع مبلغ ولازم نصدر لك تذكره جديده بنفس الكلاس واذا كانت V Class انسى.
حاولت معه يمين يسار لين ما راح يكلم المدير وكان الرجال فاهم وخبير و الحل كالاتي:
قال راح نتصل على السعودية على اساس ان التغيير حصل في الرحلة الداخلية ,ومسار الرحلة الاساسيه جده جنيف ما تغير . وان شاء الله راح يوافقون بدون ما تدفع غرامة استرجاع للتذكره . قلت له خير انشالله
بعدها بيوم جتني رساله بادر بشراء التذاكر للحجز رقم ***** واليوم الثاني جت رساله تم اصدار التذكرة الالكترونية رقم***** للحجز كذا.
هذا معناته انهم ألغو التذكرة القديمة واصدرو الجديده بنفس الارقام السابقة بدون ما ياخذون زيادة
ادري طولت عليكم لكن هذي تجربتي بما انكم تدوّرون على واحد حصل معاه هالشي من قبل

انا اللي اقول الخطوط السعودية مالها امان
ياما تبهذل اخزي في الرحلات الداخلية
فانا اشوف انك تخليك في نفس مسارك الاول

ebdrhman
اتصل على 920022222 تجد الخبر اليقين
إذا ردوا عليك