راح ابدأ انا بنفسي
قررنا للسفر بعد ماقريت مواضيع وشفت تقارير وتحمست ولا قبل كنا ناوين على ماليزيا رحناها قبل سنه شهر عسل بس بعد مادخلت بوابه تايلند تغيرت الوجهه وكانت الرحله في 16 بس طلع فيه لخبطه وحجزنا على 17/8 وراح نقضي 8ايام في بوكيت 4 ايام في بانكوك
وان شاء الله ماراح مااكرر غلطتي في السفر لماليزيا والعفش الزايد راح اخذ الأشياء الضروريه فقط واللي احتاجها عشان ناويه اشتري من بانكوك وسلامتكم لي رجعه ان شاء الله بس اجهز لكم الطلبات....

اهلين سيدة أحلام
مشكوره على افتتاحك المقهى
احنى قررنا بعد مشاورات وين نروح وجاء الاختيار على تايلاند اول مره نروح لها ان شاء الله
الصيف اللي راح كنا في ماليزيا .. رحلتنا ان شاء الله بعد اسبوع الى تايلاند
ان شاء الله يدخلون باقي البنات اللي سبق وراحو ويفيدوننا

الأخت فراولة
ياهلا بك يافراولة

سيدة أحلام
يدخلون ان شاء الله بس يمكن الحين نايمين
خلينا نتبادل الخبرات
ايش ناويه تروحين هناك وكيف الحجوزات
احنى عائله وقررنا نجلس 3 ايام في بانكوك بعدين نروح ل بوكيت
ونرجع ل بانكوك قبل السفر للتسوق
بالنسبه للسكن في بوكيت للحين مااخذنا مقررين بكرا ان شاء الله نحجز وناويين على
الهوليداي ان ان شاء الله نلاقي فيه
ومشكوره شربت الفراولة كلها

الأخت فراولة
الا بالعافيه وسوري على التأخير وترتيب رحلتنا اول مانوصل على بوكيت تقريبا8 ايام وبنرجع 4 ايام بانكوك قلت نخلي بانكوك اخر شيء خفت نروح لها في الأول واشوف اشياء تعجبني وصعبه نشيل معنا عفش زايد لبوكيت قلت نخلي التسوق وبانكوك اخر شيء
وبالنسبه للهوليدي ان فل انسي موضوعه بندور حجز في ماريوت يمدحونه وقريب من كل شيء
وناويه نروح ان شاء الله في بوكيت رحلات بحريه عندي رقم مكتب اخذته من المنتدى حق رحلات بحريه وسعرهم حلو بدور لك الرابط واكتبه لك ورحله الفيله والدبابات ونفسي اجرب السنوركل بس مادري كيف الوضع هناك لو يمدينا نطلع رحله شخصيه بدون قروب راح اجربه
وبانكوك اكيد مراكز وتسوق وسينما وبولينج فله لايفوتك ويمكن نطلع للتسوق المائي

~0( كيفية صلاة المسافر)0~
إذا حان وقت الفريضة وأنت في الطائرة فلا تصلها في الطائرة بل انتظر حتى تهبط في المطار إن اتسع الوقت إلا أن يكون في الطائرة محل خاص يمكنك أن تصلي فيه صلاة تامة تستقبل فيه القبلة وتركع وتسجد وتقوم وتقعد فصلها في الطائرة حين يدخل الوقت.
فإن لم يكن في الطائرة مكان خاص يمكنك أن تصلي فيه صلاة تامة وخشيت أن يخرج الوقت قبل هبوط الطائرة فإن كانت الصلاة مما يجمع إلى ما بعدها كصلاة الظهر مع العصر وصلاة المغرب مع العشاء ويمكن أن تهبط الطائرة قبل خروج وقت الثانية فأخر الصلاة الأولى واجمعها إلى الثانية جمع تأخير ليتسنى لك الصلاة بعد هبوط الطائرة.
فإن كانت الطائرة لا تهبط إلا بعد خروج وقت الثانية فصل الصلاتين حينئذٍ في الطائرة على حسب استطاعتك فتستقبل القبلة وتصلي قائماً وتركع إن استطعت وإلا فأومئ بالركوع وأنت قائم ثم اسجد إن استطعت وإلا فأومئ بالسجود جالساً.
أما كيفية صلاة النافلة على الطائرة فإنه يصليها قاعداً على مقعده في الطائرة ويومئ بالركوع والسجود ويجعل السجود أخفض.
منقول للفائده

عندكم كراميل مكياتو
انا انظم للكفي حقكم :gathering :1076:
ان شاء الله طالعه تايلند بنفس رحلة فراوله وهي اول مره لتايلند وبالنسبه لشرق اسيا قد رحت لماليزيا مرتين وباقي سفراتي مو في الشرق
السكن راح اجلس 3 ايام بانكوك في مجستك قراند وبعدين بوكت5 ايام في مارلين بيش ريزورت بناء على نصيحة اختي لانها مجربته وبعدين 4 ايام في الهولدي ان في الباتونغ بيش وفي النهايه اسبوع بانكوك في نوفتيل سيام سكوير عند الاسواق

سيدة أحلام
اهلين بأم جودي
انا بالنسبه لشرق اسيا رحت ماليزيا واندونيسيا
والمره اول مره تايلاند ان شاء الله وشكلهم كلهم مثل بعض
بالنسبه للسكن اول مانرجع من بوكيت وش رايكم وين ناخذ ابغى واحد موقعه حلو ويكون فيه سوق او قريب من السوق حتى مانشغل الوالد كل شوي السوق اقترحو علي شيء حلوو
وبالنسبه للرحلات في بوكيت وش رايكم ناخذ الصغار ولا لا انا افكر ماناخذهم معنى نخليهم مع
الخدامه احس تعب عليهم
وفي بوكيت 9 ايام وبانكوك 10 .. 3 اول مانوصل واسبوع بعد مانرجع من بوكيت

هلا فراوله انا اللي اخذته كثير مدحوه لي وانه عند منطقة الأسواق تقدرون تروحون بدون السياره اللي هو نوفتيل سيام سكوير وفخم ونظيف واللي بالاول مجستك هو في منطقة العرب ما انصحك فيه لانه بعيد عن السوق وبالنسبه للأطفال اتوقع صعبه تخلونهم لان الرحله مدتها طويله خطر يجلسون مع شغاله وبالغربه لو تنقسمون قسمين مدامكم ما شاء الله عائله كبيره قسم يروح الرحله وقسم يجلس مع الأطفال يطلعون لمكان غير وبكرى العكس