1. 14- احذروا تشترون من الباعه المتجولين والافضل تشترون من المحلات.


2. 30- الحذر من :

معلومات مهمة
1- المترجمين عادة ياخذون 150 رممبي في اليوم الواحد والمكتب عادة ياخذ 5 %.
2- تأجير سياره خاصه مع السائق من الصباح حتى اقفال الاسواق ب 300رممبي .
3- يجب ان تحمل معك دايما بطاقة فيها اسم الفندق بالصيني ولذلك اذا لزم الامر واضطرتوا ركوب تاكسي ، فاغلب سائقي التكاسي لايعرفون اللغه الانجليزيه ، فيكفي ان يرى العنوان بالصيني على البطاقه ، وفي نفس الوقت اذا احتجتوا زيارة اي مكان بالتاكسي ولا تعرفون عنوانه بالصيني ، فأطلبوا من الموظفين اللي في الفندق أن يكتبوا لكم العنوان مراده بالصيني .
4- عند خروجكم من باب المطار بتشوفون امامكم على الشارع الثاني موقف للتكاسي وتنتظرون بالدور ، واذا لم تعرفوا موقف التاكسي اسألوا اي حد ، ولكن احذروا الركوب مع اي شخص يعرض عليكم التوصيله ويقولكم انه تاكسي ، اعتمدوا على التاكسي الرسمي.
5- أفضل لاتاخذون مبالغ كبيره لانكم بتدفعون عرابين وعند التسليم بتدفعون الباقي ، وفي هاي الحاله انتوا بترسلون المبلغ للمكتب المسؤول ، الا اذا كنتوا بتشرفون على التسليم ، وقتها يا أما تشلون هذا المبلغ الكبير او تفتحون حساب في البنك الصيني عندهم وتحولون لكم المبلغ المطلوب.
6- يفضل أخذ الدولار الامريكي( الشكل الجديد) واخذ نقود صينية للتاكسي ولشراء شي من المطار
7- ممكن تعرفون العمله الصينيه المزوره بعدة طرق ولكن انا اعرف طريقه وحده وهي:-

• ترفعون ورقة العمله وتركزون عند رقم العمله مثلا ورقة 100 رممبي
• اذا لاحظتوا وانتوا تحركون الورقه يتغير لون الرقم 100 يعني هاي
• اصليه واذا شفتوا لون الرقم ثابت يعني مزوره.

8- عملتهم تساوي اكثر من نصف عملتنا بالريال السعودي ، يعني 100 رممبي تساوي 60ريال.
9- ضروري جدا قبل رحلتك الى الصين للشراء انك تسوي بحث كامل وتجمع معلومات وتطبعها للتذكير ، بالاضافه الى اخذ خرايط البيتوالمقاسات المطلوبه بصوره تفصيليه بالاضافه الى تحديد ولو بصوره تقديريه الحاجات اللي تبون تشترونها.
10- مدينة شندو للاثاث تبعد ساعه بالسياره عن كوانزو ، وفوشان للسراميك تبعد ربع ساعه ، من شندو للاثاث يعني من كوانزوالى فوشان ساعه وربع ، ومدينة الاضاءه جونشان تبعد ساعتين ونص من كوانزو .
11- اسواق الجمله تسكر من الساعه 6 المغرب اما السناتر والاسواق الليليه فتسكر الساعه 10 .
12- ضروري عند اختياركم لبضاعه معينه اخذ بطاقة المحل وكتابة تفاصيل تذكركم بالقطعه مع السعر المطلوب فيها ، ثم اخذ لفه في السوق ومقارنة السعر في محلات اخرى ، اوممكن تشوفون قطعه تعجبكم اكثر من الاولى وبعد ماتستقرون على المطلوب ترجعون للمحل وتحجزون المطلوب.
13- بعد اختيار قطعه معينه وبعد عمل الفاتوره ودفع عربون يجب عمل الآتي :

• اخذ بطاقة المحل وكتابة نوته باللي حجزتوه للتذكير وكتابة العربون المدفوع والاجمالي وتحتفظون بالبطاقه .
• تصوير القطعه اللي حجزتوها ، لانه الواحد منا لازم بينسى بعض الاشياء والتصويربيساعدك انك تعرف قطعتك وماتنساها.

14- احذروا تشترون من الباعه المتجولين والافضل تشترون من المحلات.

15- عيب اسواق الجمله انه ماتتوفر فيها المطاعم ، وفي هاي الحاله انتوا تحتاجون شنطة ظهر تكون فيها المؤونه(( ماء شوكولا بسكوتات شيبس ... الخ اللي تحبونه )) والافضل شيلوا وياكم من البلاد الاكل اللي تحبونه.
16- اذا لاحظتوا الجو معتدل هذا مايمنع انه تاخذون معاكم جاكيتات وخصوصا اذاعندكم سياره مأجره هذا بيساعدكم تتركون الجاكيتات في السياره للاحتياط (( انا كنت آخذ هاندباك واحط فيها الجاكيتات والمظلات واجمع فيها الكاتلوجات ، واتركها في السياره وهاي طبعا غير شنطة الظهرللاكل.
7- احتياطي خذ صورة من جواز سفرك واحمله معاك.
18- اغلب المحلات ماتقبل بطاقات الفيزا الا الشركات الكبيره والفنادق (( والمحلات الكبيره تحتاج صورة جوازك اذا بتستخدم البطاقه ))
19- انصحكم باستخدام جوتي رياضه عند التسوق ، لانه بتمشون مسافات كبيره ومده طويله .
20- ماانصحكم تشترون تلفزيونات من هناك الافضل تاخذونه من البلاد مع الضمان افضل لكم (( وهذي وجهة نظري ))
21- اللي بيشتري سيراميك او رخام من الصين لازم تعملون حسابكم انه تاخذون زياده من كل نوع .
22- ضروري جدا تاخذون معاكم مترجم ، لانه الشعب الصيني قليل منهم من يعرف اللغه الانجليزيه .
23- أخذ بعض المعلبات وبعض البهانس وأندومي واجبان وخبز للايام الاولى.
24- افضل وسيلة مواصلات في كوانزو هي التاكسي ولا تعطي التاكسي فئة ال100 ريممبي لانهم ممكن يستبدلونها بمزوره والافضل دايما يكون عندك فكه .
25- خط التيلفون لازم قبل مانشتري شريحة التيلفون نتأكد قبل من استخدامها في الاتصال الدولي وعند اجراء مكالمه دوليه لابد من ادخال فتح الخط وهو17969 ثم رقم 966 ثم الرقم المطلوب .
26- اعطاء الفندق التذاكر عند الوصول لعمل تاكيد الحجز للعوده.
27- في سوق الشنط الماركات نسأل عن الكاتلوج لانه احيانا مايعرضون الجديد.
28- لاتتحدث مع سائق التاكسي علشان مايفهمك غلط ، واذا مافهم وجهتك على طول انزل وغيره .
29- افضل وأأمن مكان لصرف الدولار هو البنك الصيني والافضل الذهاب في الصباح الباكر.

30- الحذر من :

• نصاب ايراني
• التعامل مع غير الصينيين
• اخراج محفظتك امام الغير مثلا اذا طلب منك اي شخص فكه .
• زيارة بعض المساجد لانها فيها قبور ولاتصح الصلاة فيها مثل مسجد روضه ومسجد سعد بن ابي وقاص .

31- اذا اشتريتوا اي شئ من الصين سواء اثاث ولاغيره وعملتوا الفاتوره ودفعتوا العربون ، في هاي الحاله ماتقدرون تتراجعون ، الا اذا بتبدلون من نفس المحل بنفس السعر.
32- اخترنا الطيران السعودي لانه مباشر الى كوانزو من مطار الرياض.،والوزن المسموح على الطيران السعودي 50 كيلو للشخص.
33- عدم الخروج من الفندق الساعة 12 الظهر لانه موعد خروج الموظفين فيكون الخروج للنزهة قبل12.
34- يجب ان يكون معكم جهاز ديفي دي ذوشاشة وسلك ان وأوت وافلام كرتون ديفي دي لانه في جميع الفنادق لا يوجد بها قنوات اطفال فنقوم بتشبيك الجهاز في التلفاز لديهم.
35-يمنع الذهاب للاماكن الترفيهية يوما العطلة الاسبوعية السبت والاحد.
36-الذهاب للسرك في ايام العطلة افضل لوجود عروض افضل.
نرجوا من الاخوان المشاركة في اي معلومة مهمة حتى نضيفها ضمن النقاط