بسم الله الرحمن الرحيم
أعزائي أعضاء المنتدى لقد إستفدت منكم كثيراً في رحلتي القصيرة إلى دبي واليوم هو أول يوم لي بعد العودة
وحبيت أشارككم بما هو مفيد من خلال تجربتي أنا ذهبت بتاريخ 15 - 4 - 2010
والعودة في 19 - 4 - 2010
أولاً : السكن إستفدت من الأخ هيمو ( himo 2008 ) الله يجزاه خير تقاريره رائعه عن دبي مدح فندق فوربوينتس شيرتون داون
تاون بردبي واتصلت عليهم فقال لي موظف الرسبشن الحجز 450 درهم وإذا تبين فور بوينتس الشيخ زايد ب 800 درهم
لأن عليه ضغط قلت له غالي قال لي خذي هذا الرقم ورح يعطونك سعر أقل
والله يجزاه خير فعلاً عطاني رقم مكتب الحجوزات نسيت اقولكم موظف الرسبشن واعتقد ان جنسيته اردني او سوري قال
لي ممكن تتصلين على مكتب الحجوزات او احجزي عن طريق مكاتب المطار رح تلاقين عروض مميزة وحذرني من الحجز من
رسبشن الفندق مباشرة
وقال لي بالحرف الواحد أنا اتضايق لمايجون عرب ويحجزون بسعر غالي من الفندق والاجانب اذكياء يحجزون بعروض مميزة
اما من الانترنت او من مكاتب المطار الله يجزاه كل خير على تعاونه
وفعلاً اتصلت بمكتب الحجوزات اللي عطاني رقمه وطلع لي السعر أقل طبعاً أنا طلبت فور بوينتس داون تاون لانه ارخص بكثير
بعد ما اتصلت على الموظف في مكتب الحجوزات قال لي ب 450 درهم الليلة وللمعلومية أنا حجزت في نفس اليوم وأنا
بالطريق رايحه لدبي جلس الموظف يقولي لو حاجزه من مده كان السعر صار
أفضل لكن لما شافني ملحه وأقوله لا أنتم عندكم عرض ب390 درهم وافق على طول و سوى لي حجز بسعر 390 درهم
فقط غير شامل الفطور سعر حلو مثل ماقال اخوي هيمو
والله يجزاه خير وافق حتى بدون ما احول له مبلغ لاني قلت له انا جايه عن طريق البر وما اقدر احولك كم ساعة واكون
واصلة عندكم وفعلاً اكد لي الحجز بدون دفع مقدم
رقم مكتب الحجوزات 0097143230333
= = = = = = = = =
ثانياُ : بالنسبة للأماكن السياحية سوق ( اوت لايت ) اللي فيه ماركات مخفضة لايستحق الزيارة واقولها لكم من خبرة
وحده تعشق السوق وتعرف كل تفاصيله
السوق ماركاته محدودة جداً واسعاره غاليه ويقولون ستوكات يعني اشتري من سوق ماركات فخم اذا صار عليها تخفيض افضل من اسعارهم
تصدقون اخذت طقم تيور بناتي توقعت سعره بعد التخفيض 100 درهم قالت لي قبل التخفيض 1600درهم وبعد التخفيض
0درهم والتيور مايسوى مستواه وشكله مثل القطع حقت سيتي ماكس اللي تجي كاروهات
يعني اسعار مبالغ فيها ماشريت الا شنطة من اكسسوريز عادية جداً لقيتها ب 60 وشكل موديلها قديم بس حبيت
اشتريها بدل ضربت المشوار السوق بضاعته محدودة واسعاره مبالغ فيها
= = = = = = = = = =
ثالثاً : السوق الصيني ( دراقون - التنين ) نفس سوق اوت لايت مايسوى ضربت المشوار وعلى فكرة السوقين تقريباً قريبين
من بعض وبعاد عن دبي على طريق العين
بالنسبة للي تبي مثلي ملابس وشنط بصراحة السوق مستواه داون واقل من عادي اللبس تقريباً معدوم وسيء الشنط
موديلاتها محدودة أفضل ماشفت عندهم شنط ماركة لويس فيتون وشانيل تقليد درجة اولى
لكن ايش مشكلة الشنط ان موديلاتها محدودة وماشاء الله السوق الصيني كله سعوديين يعني كلهم بيشترون نفس الشنط
احسن ماعجبني فيه الجزم الله يعزكم اخذت 4 جزم موديل ( البالورينا ) كان سعر الوحدة 35 درهم بس هذا اللي اخذته
وعلى فكرة ترى انا احب التسوق بجنون والشنط ما اخذت لاني شفت كل السعوديات اخذوا نفس الشنط وانا احب التميز
سعر الشنطة من 200 الى 500 درهم .
باقي عندي معلومات لو لقيت تجاوب رح اكمل