السلام عليكم ورحمة الله وبركاته
فيه الشمال فلل (ما أعرف عنها معلومات كثيرة غير اني اللي سكنوا فيها ارتاحوا) ، وفنادق في محافظة مازندران فيه واحد في شالوس على ما أظن خمس نجوم ، والفندق اللي سكنا فيها في رامسر اسمه هتل رامسر 4 نجوم وكان نظيف ، وهادئ وحديقته روعة وحلوة ، بس أثاث الغرف مو زود -مع أنه الغرف نظيفة- وفيه قسمين جديد وقديم ، وأنت اذا بغيت تحجز وصيهم بغرفة زينة ، ومن أي واحد منهم تقدر تتنقل رحلات يومية لمناطق الشمال...
المناطق تقدر تشوف رحلتي لإيران في الرابط اللي في التوقيع ...
أي سؤال تفضل أخوي ...

السلام عليكم اختي بنت الشرقية شكرا على المعلومات وانا قرأت المعلومات التي ذكرتيها بشكل مفصل ودقيق لكن يوجد عدة ملاحظات :
1- انتي سافرتي عن طريق (قروب) وانا لااحب هذه الطريقة من السفر لاسباب عديده
2- انتي لم تذكري المسافات بين المدن ولا نوعية الطرق
3- انتي لم تذكري اسعار الفنادق انتي معذورة في ذلك لانك مع قروب
4- انتي لم تذكري البدائل للفنادق مثل الفلل والشقق والمنازل

1. السلام عليكم ورحمة الله وبركاته


2. فندق هويزة في طهران 4 نجوم 500 ريال الليلة .


3. فندق كوثر في طهران 350 ريال .


4. فندق روز في قم (ما أنصح به أبداً) 300ريال .

السلام عليكم ورحمة الله وبركاته

أخوي معاك حق القروبات مو دائماً تناسب الكل وخصوصاً الحملات لأنها تكون مخصصة لناس معينين بس لأنه الواحد اذا بيسافر أول مرة والدولة مي سياحية ولا عنده فكره عنها القروبات أو الحملات أضمن وأكثر أمان خصوصاً للعائلات والزيارة الأولى رحناها مع حملة كزيارة استطلاعية بينما الثانية بعد ما صارت عندنا فكرة رحنا بدون حملة ورتبنا برنامج يناسب العائلة ومن ميزات الرحلة الأولى وجود الصداقات والأفراد القريبة أعمارهم من أعمار العائلة يعني الكل يستمتع مع الصحبة وخصوصاً لأنهم تقريباً من محيط المنطقة حتى لو ما تعرفهم بسرعة تتعرف وتتسلى مع الصحبة (اختار الرفيق قبل الطريق) يا ما ناس يسافرون بس الأطفال ما يستمتعون لأنه ما فيه أصحاب مع الجمعة يستانس الواحد ...
المسافات بين المدن تفضلها أخوي بالساعات ووسيلة المواصلات ما تنبهت ليها في الموضوع وان شاء الله اعطيك اياها علشان تستفيد منها وهذي المسافات تقريبية :
من الدمام لشيراز طيران إيران ساعتين إلا ربع تماماً .
من شيراز لأصفهان طيران إيران ساعة إلا ربع .
من أصفهان لقم المسافة طويلة نسبياً ست ساعات تقريباً (الرحلة الأولى مع القروب بينما خط رحلتنا الثانية كان الخروج من طهران لقم والمسافة ما استغرقت إلا ساعتين وهذي من محاسن الرحلة الثانية)
من قم لطهران أخذنا في الرحلة الأولى 4 ساعات تعرف لازم التأخير بينما الرحلة الثانية مثل ما قلت لك ما أخذنا الا ساعتين والطريق معبد ومريح .
من طهران للشمال ست ساعات براً والطريق كان مع اللفات وتخفيف السرعة لأنه صعود جبال مع ذلك كان الطريق في الليل فيه إشارات فسفورية ودعائم على الجوانب وواسع (بالنسبة لطريق جبلي أعتبره ممتاز لأنه يحتوي على اللوحات المضيئة والأضواء الكثيرة والدعائم يعني آمن مع أنه الكثير يخافون من المرتفعات وطبعاً يحس الشخص بالضغط على الأذن).
من طهران لمشهد طيران ايران ساعة ونصف تقريباً.
وهذي أسعار الفنادق اللي أعرفها (أسعار غير سياحية):
فندق برنيان شقق فندقية 4 نجوم في مشهد 485 ريال الليلة .
فندق بارس في مشهد 5 نجوم 550 الليلة.

فندق هويزة في طهران 4 نجوم 500 ريال الليلة .

فندق الفردوسي في طهران 4 نجوم أو 5 نجوم على ما أعتقد لكنه فندق حلو ونظيف ما لقينا حجز فيه سعره الليلة 600 ريال (أحسن من فندق هويزه).
بينما هذي الأسعار تقريبية من ذاكرتي اللي أتذكرها من سفرتنا الأولى (في الفنادق جرائد فيه أسماء الفنادق والأسعار ونوع من الفضول طليت على كم سعر وفي نفس الجريدة الأسعار السياحية فكنت حابة أعرف كم تدفع الحملة لليلة للغرفة ) والأسعار سياحية (والكلام للجرائد الإيرانية اللي شفتها في لوبيات الفنادق يعني ما أتوقع أنه الحملات يدفعون للفنادق هذي الأسعار) :

فندق كوثر في طهران 350 ريال .

فندق روز في قم (ما أنصح به أبداً) 300ريال .

بالنسبة للفلل ناس وايد أعرفهم (تقريباً ست عوائل) سكنوا في فلل وارتاحوا بس مع حملة وما أدري كيف طريقة حجزها اذا الواحد بروحه بدون حملات ، وطبعاً اللي سكنوا في الفلل في الشمال بس ، وأعتقد الفنادق أكثر أمان وأضمن ...
بس هذي الأسعار اللي أعرفها طبعاً تقدر ترسل للفنادق بالإيميل وتعرف السعر السياحي والغير سياحي وتشوف اللي أصرف لك وأريح لك ...
والسموحة على القصور

هلا بالغالي السوسي
من وجهة نظري أسبوع او أسبوعين ما تكفي ،،،
و اذا بتروح أحلى المناطق هذي الأيام المناطق القريبة من بحر قزوين و الوصول اليها بالطائرة بعد ما اغلقت الطرق الموصلة اليها من طهران ،،، بعد الزلزال
ولو بحثت في المواضيع السابقة بتلقى لي كتابه عن اهم الناطق كتابتها في مشاركة أحد الأخوان ،،،

سلامي للجميع سفرت ورجعت الحمدلله واطلعت على كل شي اذا عندكم استفسارات تفظلوا

السلام عليكم
الحمد لله على سلامتك
نريد تبين مسار رحلتك وعدد الأيام .. والمناطق التي ذهبت إليها .. وأين ذهبت في الشمال خصوصا ؟؟ وأي المناطق أعجبتك .؟؟ونريد توصف لنا جمال الشمال في الطبيعة .. وهل ذهبت الى شلالات وما اسمها واين ؟؟.. وما تقييمك للرحلة ؟؟ وإذا ممكن صور أيضا .
أتمنى بس ما ثقلت عليكم بالأسئلة .. لكن اتمنى الاجابة على كل اسئلتي إذا ممكن
وفقكم الله
شكرا لكم

السلام عليكم ورحمة الله وبركاته
الحمد لله على سلامتك اخونا السوسي
وياليت تخبرنا عن سفرك وين سكنت وكم الاسعار وكيف انتقلت من طهران الى الشمال
ترا انا مسافر يوم الاثنين 8/8/2005 واول مرة اسافر الى ايران وبدون مكاتب يعني شايل اهلي ورايح بيهم على عمانا مثل مايقولون
وارجو الافادة واذا عندك اراقام تليفونات نستفيد منها بيكون افضل
تحياتي للجميع

1- مدة الرحلة 17 يوم
2- خطة الرحلة 5 ايام مشهد 6 ايام الشمال 4 ايام قم 2 يوم كاشان
3- (السكن ) في مشهد الشقق الطيبة من 30 الى 40 الف ولكن فيه تعب شوي في الشمال السكن من 40 الى 50 الف بس حلو في قم مثل مشهد في الا سعار لاكن قليل في كاشان كنا عند اصحابنا لااعرف شي عن السكن
الباقي اكمله بعد ايام اعذروني لاني مشغول

السلام عليكم
ننتظر إكمال الموضوع .. ونتمنى يكون بالتفصيل الممل والصور خصوصا صور الشمال ومناطقها .
شكرا لكم