السلام عليكم
بصراحة معلوماتي صفر عن المانيا ارجو مساعدتي
انا من مدينة الرياض ومسافر دورة بالمانيا مدتها 3 اسابيع محطة الوصول فرانكفورت و الدورة بمدينه اسمها ايسن
عندي بعض الاستفسارات عن مدينة ايسن والمدن القريبة منها اتمنى من عنده خبره يرد علي واكون شاكر له كثير :
1- كيف الاجواء هناك هل هي باردة والا عاديه اتمنى اعرف درجات الحرارة
2- كم يحتاج اجيب معي فلوس علما ان المعهد متكفل بالسكن وبعض الرحلات السياحية داخل المانيا في الويك اند
3- المطاعم والاسواق في مدينة ايسن هل فيها مطاعم عربيه او سوبرماركت عربي او في المدن القريبة منها
4- وش المناطق الحلوه في مدينة ايسن
5- ياليت اعرف المدن القريبة من ايسن وش الاماكن اللي فيها طبيعه حلوه وتكون قريبة من ايسن
6- في الويك اند راح تكون فيه رحله ( وش الاجمل ميونخ والا فرايبورغ ) وش الاماكن الحلوه في المدينتين
7- بالنسبه لفرانكفورت كم تبعد عن ايسن . اقدر اروح فرانكفورت وارجع بنفس اليوم وش الاماكن الحلوه في فرانكفورت
8- بالنسبه للصرافات والشبكه البنكيه هل هي موجودة بكثره لاني اخاف اتورط راح تكون معي الفيزا
9- وش افضل الاماكن السياحية اللي تكون قريبة من ايسن ( اقصد الطبيعة الخلابه )
10- انا سمعت عن الغابة السوداء وين تقع هل هي قريبة من ايسن
شكرا جزيلا لمن سوف يرد مقدما
شكرا لهذا المنتدى الجميل