السلام عليكم ورحمة الله وبركاته
اشكر جميع من ساهم في انجاح هذا المنتدى الراقي
واخص شكري الى الاخ أبو عزيز الي اتحفني بتقاريره الممتازه والراقيه ولا ابخص حق بعض الاعضاء الي توفقوا في طرح تقاريرهم الجميله..
عندي كذا استفسار حاب اطرحهم في المنتدى الراقي واتمنى من ذوي الخبره انهم يساعدوني في الرد على استفساراتي كون اني ان شاء الله داخل في عش الزوجيه قريب وان شاء الله راح يكون في شهر 7 (يوليو).
بعد التفكير العميق قررت اني اسير شهر العسل الى احد الجزر التاليه موريشيوس او المالديف او سيشيل ومحتار بين الجزر الثلاث ولو اني مركز على موريشيوس اكثر شي..
شو هي افضل الجزر الي تناسب سفري في شهر 7 كون انها اول سفراتي وحاب ان المدام تستمتع في السفره..
وهل تنصحوني اني اسير المالديف وموريشيوس مع بعض او سشيل وموريشيوس مع بعض وكيف راح يكون السفر بمعنى اخر هل المالديف توفر طيران لموريشيوس؟
وحبيت اعرف في هذه الجزر هل يقبلون البطاقات الائتمانيه ولا تنصحوني اخذ معاي كاش؟
وكم راح تكلفني تقريبا سفرتي الى احد هذه الجزر لمدة 8 او 10 ايام ..وتركيزي اكثر شي على موريشيوس
واتمنى من الاخ ابو عزيز انه يعملي برنامج خاص لرحلتي كون انه ماشاء الله له خبره كافيه في هذه الجزر..
واسف على الاطاله ..ادري اني غثيتكم بأسئلتي بس شسوي الواحد لازم يسأل عشان مايطيح في مشاكل