1. السلام عليكم ورحمة الله وبركاته

السلام عليكم ورحمة الله وبركاته

سأذكر لكم ياخوان معاناتي مع الخطوط السعودية مع اني انسان وطني حتى النخاع لكن يجب أن يتم الإصلاح وتدارك الأخطاء فمن امن العقوبة اساء الأدب عموما قصتي تتلخص في الاتي
كنت حاجز قبل رحلتي بشهرين تقريبا في يوم الثلاثاء 13 /6 /2006 الساعة 10,55 والحجز ok ولاعندي مشاكل وكان موعد الوصول في كوالا الساعة 12.5 ظهرا في اليوم التالي وعندي طيران داخلي الى لنكاوي الساعة 2,5 ظهرا
المهم قبل الرحلة بأسبوع اتصل موظف الخطوط وقال الرحلة تأجلت الى الساعة 1,5 فجرا وقال اننا بلغنا وكيل سفرك قبل اسبوع المهم تلخبطت اوراقي وتنكدت ومن بكرة رحت لوكيل سفري وطلبت تأجيل رحلة لنكاوي الى الساعة خمس العصر سألني عن السبب قلت لأن رحلتي الدولية بتتأخر المهم دخل على موقع الخطوط وقال أن الرحلة بتكون في موعدها الأول استغربت وقلت ان الخطوط داقين علي امس ومبلغيني المهم اتصلنا بالخطوط وقالي الموظف انهم رجعوها على موعدها( ليش هم ما اتصلوا عليك ؟) قلهم لا والله محد بلغني المهم قلت لهم متأكدين أنكم ماراح تأجلونها ثاني تراي مرتبط برحلة داخلية طق صدره وقال ابد ماراح تتأجل إن شاء الله المهم قالت لي المدام اجل رحلت لنكاوي احتياط ترى ذولا ما ينضمنون المهم اجلت الرحلة احتياط .
وفي يوم موعد الرحلة رحت اقص البوردنق الساعة 11 الظهر من مكتبهم في المروج وما دريت الا يقولي ترى الرحلة تأجلت الى 1,5 الفجر (ليش ما بلغك الموظف ؟) قلت لاوالله ما بلغني وحمدت ربي اني طاوعت ام العيال واجلت الرحلة والا كان ما يمديني المهم رحلت للمطار قبل الرحلة بثلاث ساعات تصدقون اني كنت خايف انها تطير في موعدها الأول رغم اني قاطع البوردنق المهم الي استغربته اني قبل شهر ما كان في هذا اليوم الا رحله وحده ويوم طالعت الشاشة الا فية رحلتين اضافيتين وحدة الساعة 8 ووحده الساعة 12,5 مع الرحلة الأساسية والرحلات الاضافية تطير في موعدها والاساسية تأجل .
المهم ركبنا الطيارة وكانت زحمة نوعاً ما وكان الجو مرة حر قلنا للمضيفة ان التكييف حار قالت بعد الأقلاع يبرد جلسنا نصف ساعة في حر لين اقلعت الطائرة ولاتغير شئ حتى ان اللي قدامي قاموا يهفون بالمجلات من الحر والحريم فصخو نقاباتهن وصبرنا لين مرة ساعتين وطفح فيني الكيل:112: واروح للسوبر فايزر حقهم واتهاوش انا وياه قال ان عندنا مشكلة في التكييف وانا حاطة على اقل شي بس الطيارة هذي فيها مشكلة قلت حشا راكبين خط البلدة اقل شي هناك اقدر افتح الدريشة بس هنا 7 ساعات حر ما لها حل المهم كان اللي قدام ابرد من اللي ورا وقال انه بعد ساعتين إن شاء الله بتبرد الطيارة المهم على قولته بعد اربع ساعات من الاقلاع برد الجو وقدرنا ننام .
المهم بعد الوصول إلى ماليزيا نسينا معاناتنا مع الخطوط وبدينا نستمتع برحلتنا
الا ويطري علي اتصل بالخطوط السعودية اتأكد من حجز العودة ومن قرصه الداب يروعه الحبل المهم عطيتها اسمي ورقم الرحلة وتاريخها في 29 /6 قالت مافيه رحلة في هذا التاريخ قلت وشلون والبرنت موجود عندي ومتأكد منه قالت أن الرحلة حقت 29 /6 تأجلت إلى 2/7 ياسلام الله يحلل تأجيل الثلاث ساعات الحين التأجيل ثلاث ايام قلت لها وشلون انا مرتبط ولا اقدر اجلس اكثر من كذا وليش ما بلغوني قالت الرحلة متأجله من زمان يعني قبل ما اغادر السعودية قالت عموما في رحلة في 30 / 6 تبيني احجزلك عليها قلت بالحيل تأخير يوم ولا تأخير ثلاثة المهم حجزت على الرحلة وصرت كل شوي اتصل عليهم من الحرص الشكوى لله .
وقعدت اسولف على واحد هناك باللي صار قال لازم يسكنونك هم على حسابهم قلت يا أخوي ما ابي منهم شئ بس يعلموني حتى اقدر اتصرف تخيلوا لوني ما اتصلت وسألت عن الحجز ورحت للمطار عشان اقص البوردنق وقالوا لي تأجلت كيف اتصرف وادورعلى سكن وراح تكون الرحلة اللي بعدها بيوم فل واكون انتظار ,لكن ربكم ستر ورجعت الى ارض الوطن وأنا غاضب من استهتارهم بالناس وعدم مراعات اعمالهم وظروفهم
(وتوته توته خلصت الحتوته ياترى حلوه والا ملتوته )
وابيكم تقولون لي رايكم انا ابالغ ولا فعلا معاناة