نفس سؤالي ياريت تفيدونا لانه حجوزاتنا والتاشيرات كملت ومافي شي يرجع

أعتقد سؤالك صعب جداً جداً ، هذا في علم الغيب أخي الكريم ، ولكن يوم الثلاثاء القادم حسب ماسمعنا في الأخبار ستقام مظاهرة كبيرة في باريس والله أعلم ..

روحووا و الله الحافظ .. ماكو شي ان شاء الله ,, الاعلام دايما يكبر السوالف وهي صغيره ..
انا بشهر 6 كنت حاجز عاليونان , قبل السفره باسبوع سمعنا عن اخبار المظاهرات والتخريب و البلاوي اللي صارت باليونان , فقلت اغير الرحله لباريس .. رفيجي حزتها كان حاجز وياي اهو و اخوه بس ماكنسل اليونان قال بروح واللي فيها فيها ,, المهم رااح هناك و قال ماكو شي كبير و اصلا الاعلام كبر الموضوع بزود ,, بالعكس قعدنا بأثينا و ماصار شي .. و هم كانت اثينا فيها سياح و الحياه سعيده ..
انا اقول روحوا و توكلوا على الله و ماكو شي ..

الأخ تركي 33 توكل على الله وان شاء الله ما في الا الخير. أنا ان شاء الله بسافر معك بنفس الفترة وحنا عايلة ومعنا اطفال صغار. أتمنى تعطيني أفكار للأماكن اللي ناوين تزورونها لأن وبسبب برودة الجو محنا قادرين نحط جدول للأطفال

الاخوه الاعزاء
مسافر بأذن الله يوم الجمعه 29-10 لباريس
ارجوا الرد بخصوص المظاهرات الموجوده فى فرنسا
تحياتى

أخواني
المواصلات العامة مثل القطارات شغالة والا لا؟

انا اليوم رجعت من باريس الحمد لله
مافي ولا مشاكل و لا تحسون بشي مختلف اصلاً
الوضع طبيعي 100% و كل شي تمام بس الاعلام مكبرين الموضوع
و الشي الوحيد اللي لاحظتة هو زحمة السيارات عند محطات البنزين
و المترو و القطار و كل وسائل النقل شغالة عادي
و اذا تبون نصيحتي توكلوا على الله و روحوا لا تخافون