جرب الملكية الاردنية اسعارهم اوكي ورحلتهم مباشرة لعمان ثم الرياض

برضو اسأل على اليوناتيد ايرلاينز ... اعتقد انها تروح دايركت من واشنطن دي سي إلى الكويت ... ومن الكويت خذلك السعودية ...

يعطيك العافيه ولكني افضل الخطوط السعوديه بس ياليت احد يفيدني عن سعر التذكرة ولو فيه مكتب معروف وجيد في الاسعار في واشنطن دي سي او فرجينيا ( فيينا ) اكون من الشاكرين
تحياتي

انا لقيت ب1000 دولار
نيويورك_ الرياض على الخطوط السعوديه ذهاب وعوده .
عن طريق مكتب الطيار بواشنطن . ولقيت الاماراتيه ب1300 واخذتها

اخوي تركي وش الفرق بين السعوديه والاماراتيه خصوصا ان السعوديه دايركت
تحياتي

اسف على التاخير
انا اشوف ان الاماراتيه افضل واريح .
والنقطه الاهم في العوده انشالله اجراءات مطار نيويورك مع الاماراتيه 10 دقايق .
السعوديه اذا كنت محظوظ 4 ساعات .

بالنسبه للي يبي الرياض السعوديه مو دايركت . راح توقف في مطار جده اللي يرفع الضغط .
والاماراتيه توقف في مطار دبي . يعني الوقفه موجوده .
والفرق واضح بين المطارين

تركي5555
ان كنت تقصد بالإجراءات :
تسجيل الخروج من صالة رقم اربعة + انهاء اجراءات العفش + عبور نقطة تفتيش الجمارك ومن ثم التوجه لصالة الإنتظار استعدادا لركوب الطيارة ... فمن تجربتي مرتين وتجارب ناس كثر اعرفهم هالإجراءات بالكثير تأخذ من 40 إلى 60 دقيقة وهذا شئ طبيعي ووقت ليس سئ قياسا بعدد المسافرين والتنقل بين الصالتين ...
المشكلة اننا نبي كل شئ يصير تمام وبدون اي مشاكل وننسى ان غالبية الي يتعطلون في JFK في نيويورك او غيره يكونون مخالفين لنظام او تعليمات معينة ( على سبيل المثال وصارت قدامي شخص كان يبي يسجل خروج ومعه تذكرة مفتوحه وعنده حجز على السعودية ودخل رقم الحجز وحفظه بدون ما يطبع البرنت الموظف رفض انه يختمله بدون اثبات وجود حجز والنتيجة انه تأخر وكنت انا الي بعده وبصراحه كان ودي اعرف وش صار عليه لأني ما شفته وامكن هو في درجة غير الدرجة الي انا فيها ) هذا مثال واحد لعدة اشياء ممكن تكون ثغرة تعطل المسافر ... فياليت نكون حريصين اكثر خاصة في رحلات امريكا ...
وكلامي هذا ما يعني عدم وجود مضايقات وتعطيل من قبل الموظفين احيانا ... لكن صدقوني نادرة جدا ( على الأقل من ما اسمع واقرا واعرف )
الله يحفظ الجميع ..

اخوي مودي
انا اتكلم عن اجراءات الدخول وليس الخروج .
اجراءات الخروج ماتفرق على اي خطوط انت
لكن اجراءات الدخول تفرق كثير من حيث الوقت والصاله ونوعية القادمين معك على نفس الرحله