بانكوكي
20-08-2022 - 03:38 pm
اذكر فيه مجمع الرويال قاردن في بتايا
كان فوق اعتقد الطابق الثالث سلسله مطاعم تايلنديه
سألت عنها قالولي انها انشالت للأسف
:112:
ميزه هالطابق بمجمع رويال قاردن ان عباره عن طاولات وكراسي ومحلات يم بعض
عباره عن مطبخ تشوفهم شلون يسوون طبختك وتستلمها منهم وتروح طاولتك
كانت الاسعار رمزيه للأكل وكان الاكل لذيذ خصوصا الخثاق مادري شيسمونه اهل تايلند
يمكن ام منيره تعرف اسمه
والميزه الثانيه انك ماتسلمهم فلوس كاش لا
تاخذ بطاقه وتعبيها فلوس لنفرض الف بات وتشتري الوجبه او الطبق اللى تبيه وتحاسبهم عن طريق هذي البطاقه
وتحتفظ بالبطاقه للأيام القادمه واذا خلصت من البطاقه تقدر تسترجع باقي النقود (شرايكم بالنقود)
المهم بما ان للكرش علينا حق وانا تايلند ماأروحلها الا لكي ارضي بطني بالدرجه الاولى ومن ثم المشي بالدرجه الثانيه يعني بلا جو وبلا رحلات وبلا بطيخ
اخوكم يمشي وياكل خصوصا الولك ستريت او البنغلا رود وللعلم وزني ماوصل سبعين
المهم ياجماعه ابي اماكن نفس اللى بالرويال قاردن في بوكيت وبتايا لاني مو متخيل اني ماراح ادش نفس الاماكن هذي مطاعم داخل مجمعات لان سفرتي اغلبها بتايا وبوكيت
ارجو الرد وخصوصا من اهل الكروش وذويقه الاكل التايلندي
سبعين بعد المائة تقصد .. صح
ماعندي خلفية عن الموضوع بس حبيت اسلم واقولك
اضرب بخمس يا جعله مداخيل العافية