بسم الله الرحمن الرحيم
سلامٌ من الله عليكم ورحمته وبركاته ، أخواني واخواتي اعضاء منتدى العرب المسافرون
كان الوقت متأخر من الليل واحترت مع صاحبي ناخذ عشانا سندوتشات أو شي خفيف
وجينا الشارع الاول وقلت لصاحبي شرايك فلفلة أو الطازج أو بونواس ، على طول
صاحبي عطاني نظرة من دون كلام
قال: يا أخي شوف لنا مكان جديد ، قلت له خلاص هذا الشيراتون قدامنا بس الله يعنيك
انت اللي تدفع
وقربّنا من الشيراتون وقال لي روح يمين ، وأخذت يمين وقال لي شرايك في مطعم لفانا
قلت له تبي رأي اخوك النوخذة ؟؟
خلنا بعيد عن هذا المطعم ، قال اجل وين نروح ؟؟
وتطيح عيني على هذا المطعم
قلت شرايك نجرب هالمطعم لأني سمعت عنه انه فرع من اللي في البحرين ولا نطلب كثير
لأنه تجربه ؟ قال على بركة الله
طبعاً المطعم واقع على شارع الأشرعة وشمال فندق الشيراتون ومجاور لمكتب الخطوط السعودية
بصراحة كنت متخوف من المطعم كثير وخصوصاً انه جديد ولا عليه زحمة أبداً ، بس بعد ما دخلت
اطمأنيت كثير وارتحت للمكان تعرفون ليش ؟؟ لأنه فيه من الشعبية كثير والصور راح تشهد على كلامي
هذه اللقطة من مكان جلستنا وبطبيعة الحال هي جلسة أرضية وتلاحظون هناك
الطاولات وهذه اولى مزايا هذا المطعم يعني تبي شعبي موجود تبي أتكيت موجود
جلسة شعبية ثانية مجاورة لنا
وتلاحظون أيضاً التحف التراثية الجميلة
بعض التحف
ومن المزايا أيضاً معاملة الموظفين للزبائن محترمة ولطيفة ، بعد ما طلبنا توجهنا للغسيل
اللي جايع يتفضل
مشكل معجنات ( سبانخ + جبن + لحم )
9/10
السعر 15 ريال
سلطة خضراء 8/10 السعر 10 ريال
عصير برتقال 10/10 السعر 10 ريال
بعدها وصل نجم المائدة
كباب دجاج 10/10
السعر 28 ريال
بصراحة الكباب لا يعلى عليه وانصحكم بتجربته
ليس للقلوب الضعيفة
وهذا الحلى ، كريم كراميل 9/10
السعر 8 ريال
لقطة عامة
كما شاهدتم في الصور كان طلبنا قليل لسببين الأول الوقت كان بعد الساعة 12
والثاني المطعم جديد ولا نعلم عن مدى جودة الأكل ، ومحصلة الزيارة لهذا المطعم هي
يستحق الزيارة وجودة الأكل ممتازة
وللمعلومة يوجد قسم للعوائل أما فيما يخص الأسعار فهي جيدة
وحسابنا طلع ب 81 ريال
طابت جميع اوقاتكم بالخير
أخوكم / نوخذة الدمام