أعزائي تحية لندنية معطرة برائحة الخريف يلفها بعض البرد اللندني الرائع مع قليل من زخات المطر المنعش
في كثير من المواضيع تتحدث عن أهم الأماكن السياحية بلندن وبعدا عن التكرار حبيت أخصص التقرير هذا عن بعض المطاعم الغريبة والمميزة بلندن اللي تستحق الزيارة
وأحب أبدا بمطعم مميز جدا بفكرته وما لقيت مواضيع عنه (على حد علمي على الأقل)
المطعم اسمه انامو: INAMO
تاريخ الزيارة: 4 نوقمبر 2011 على الغداء حوالي ثلاثة ظهرا
عنوان المطعم: 134-136 wardour st,
soho, W1F 8ZP
الموقع: http://www.inamo-restaurant.com/pc/
المطعم غريب من ناحية طريقة الطلب وقائمة الأكل تعالوا حياكم الله على الغدا:
المدخل
المطعم من الداخل
كل شي افتراض بالمطعم الطاولات والكراسي والأطباق كلها لون أبيض وبتعرفون بعد شوي ليش وعلى فكرة اللي بالصورة مهيب صحون لكن شوفوا اللي الماوس أسفل الصورة على يمين الصحن بنستخدمها كثير بعد شوي
الطاولة مع الصحون
تعالوا نحرك الماوس اللي على الطاولة ونشوف وش يطلع معانا ندخل على قائمة الأكل والمشروبات والخدمات الأخرى
ندخل من هنا على قائمة الأكل
ومن هنا على المشروبات
اللي يحب الربيان يتفضل على فكرة هذا مو أكل، اذا ضغطت على أطبق معين تنعكس صورة الطبق على الصحن عندك ويطلع بنفس الشكل اللي بيجيك للطاولة
ويروح الطلب بشكل مباشر للمطبخ ويجيك الطلب بعد حوالي 15 دقيقة وتطلع هالرسالة على الطاولة
وهذا الربيان بعد ما وصل
وهذا عصير الرمان
وهذا الطبق الرئيسي
وتطلع عندك على الطاولة مكونات الطبق والسعر
وهنا وصل
وتقدر تطلب خريطة للمنطقة علشان تعرف وش في حولك
واذا ودك تعرف المطبخ وش يصير فيه بسيطة ادخل من القائمة واضغط على الكاميرا بتشوف نقل مباشر للمطبخ
بالهنا والعافية جينا للحساب ريح عمرك وادخل من القائمة على الحساب وتطلع عندك على الطاولة
واذا خلفية الطاولة ما تعجبك ممكن تغيرها على ذوقك كذا
أو كذا
ولو بتطلب تاكسي تقدر من عندك بدون ما تتعب نفسك
اتمنى يكون المطعم عجبكم
ودمتم بخير
أطيب تحياتي
أبو خالد