وعليكم السلام
هلا وغلا الغالي ..
تقدر تاخذ قطار هيثرو أكسبرس ( 15 باوند ونص والمده 15 دقيقه بس ) من مطار هيثرو لين محطة بادنغتون..ومحطة بادنغتون فريبه واجد من شارع ادجول رود وبعدها عندك خيارين :
1- أما تاخذ تاكسي من محطة بادنغتون لين الفندق وراح أيكلفك تقريباً 5 باوند التاكسي ..
2- أو انك اتغير القطار في المحطة وتسأل عن القطار ألي ايودي على ماربل أرتش وأعتقد انه الخط الأصفر وبتلاقي مكتوب عليه خط واترلوو ..
ومكان قطار هيثرو في المطار بيكون تحت الأرض ..اول ماتطلع للناس في المطار أرفع راسك للوح الي فوق وراح اتلافي مكتب express ..اتبع اللوحه لين ايوديك عند اللفت ..قبل ماتركب اللفت بتلاقي محل التذاكر على يمينك ..أقطع تذكره وبعدها روح للفت وانزل تحت ..اول مايفتح اللفت بتلاقي القطار ..
ترا الأمر سهل سهل سهل واجد ..
كل الي عليك اتبع اللوح بس ..
واي خدمه احنا تحت أمرك الغالي ..

بسم الله
مساء الخير اخوي القطري اشكرك من اعماق وشرايين قلبي واقول الله يجزاك خير
واشكرك على تجاوبك السريع وخدمة اخوانك بصراحه اعجز عن التعبير واسال الله ان يديم عليك الصحه والعافية

القطري ما قصر ..
لكن خلي بالك ان الأندرجراوند عدا (الهيثرو اكسبرس) يكون مغلقاً بالليل لا تعتمد عليه يعني ..