اخوي غالبا مايشيكون ...
بس إذا حصلوا معاك أشياء ممنوعه راح يفتشوا كل أغراضك
بالتوفيق اخوي

هلا واالله اخوي سميني بنفسك
انا اقصد على البرامج الغير اصليه طيب لو حصلوها هل في غرامه او سجن
وتحياتي لك

مايشغلوا الاجهزة من الاساس
تفتيش عادي

ليه ما تحطون اللاب توب مع شنطه الملابس
وبكذا ترتاحون
او حتى وهو مع شنطه الملابس احتمال يتفتش ؟! .

السلام عليكم
أخي الكريم
لا أدري لماذا انتشرت هذه الاشاعة بهذا الشكل
ما فيه أحد يفتح جهازك و يشوف البرامج أصليه أو منسوخه.....
سافر و أنت مرتاح
أتمنى لك سفرة ممتعة
تقبل مروري
دمتم بود

ياجماعة انسجنوا 5 شباب سعوديين بأمريكا بسبب هالسالفه وعجزت الحكومه تعلمكم وترشدكم أثناء السفر لكن روسكم يابسه الله يهديكم ..
اي شخص يحمل مواد مقرصنه تراه معرض قانونياً للعقوبات الخاصه بالبلد الي انت رايح له أي ماده مقرصنه سواء كانت سيديات منسوخه أفلام منسوخه برامج مكركه كلها ممنوعه وياخي ليش تعرض نفسك للمغامره ريح دماغك لا تسافر وانت حامل معاك مواد ممنوعه .. فرمت الجهاز ورح فيه نظيف اذا وصلت البلد بربس فيه وكرك الي تبي
واذا جيت طالع من البلد فرمت ثاني وريح دماغك من البهذله الي أنت بغنى عنها
تحطون أنفسكم في مواقف بيخاه

اخوي
الموضوع هذا انا اتعاملت معاه و تعبت معاه كثير
وصل لي كلام ان نيوزيلاند يفتشو اللاب و يشوفو الويندوز اصلي و الا لا
و اذا طلع مو اصلي عليك غرامه و يمسحو كل شي في الجهاز و و و و و و
رحت لمحل اتعامل معاه دائماً " و ابداً "
و قلت له ابغى فورمات و نزّل لي ويندوز اصلي ... قال لي " مسافر ؟ "
قلت له امريكا :d
قال طيب
و بعد ما اخذت الجهاز منه طلع ويندوز نسخه
و رجعت و انا عيوني حمراء
قلت له افا بس
اعتذر لي و قال لي " انت متأكد امريكا ؟ "
قلت له نيوزيلاند ... قال لي يا سلطان نيوزيلاند ما يفتشو اللاب و اذا فتشوه مو زي تفتيش امريكا
حرام تخسّر نفسك 500 ريال عشان ويندوز اصلي !
و هذا هو المطلوب
و غير كذا ان اخوي لما راح في اوكلاند ما فتشوه خير شر

لاعبين عليكم ابو هنود وابو بنغاله
اذا تشتري اللاب توب اصلن يكون هو فيه وندوز اصلي بس بعض الناس فيهم عباطه بشكل عجيب :d يروح يفرمت الجهاز عند البنقالي ويحط له وندوز نسخه اصلن بضغطة زر تقدر تسوي ريكوفري وتعيد الجهاز زي ما كان كأنه طالع من المصنع مايحتاج توديه لا لأبو هنود ولا غيره
ومايحتاج تعرض نفسك انه احتمال يفتشونك واحتمال مايفتشونك لو خضعت للتفتيش الدقيق راح يفتحون جهازك ويفتشونه
ولو حصل وحاولوا يلبسونك اي تهمه في اي بلد اول شي يسوونه يفتشون لاب توبك
ولو حصل وطبقوا انظمه جديده في مطار نيوزيلاندا مثلاً وصار على راسك انهم يفتشون لاب توبك فأنت الي رايح فيها
والدعوه مو غرامات يا اخوان ترا سجن والسفارات هينا ماقصرت نبهت وعلمت .. عاد البقيه الباقيه في الشعب الي مايسمع
بعدين عاد تعالوا وسوو قضيه دوليه وحقوق انسان وسوو مشاكل واستنجدوا بالأمير فلان وعلان
خلاص ياخي ريحوا نفسكم امشي عدل يحتار عدوك فيك وانتهينا

dona6a
اخوي
علمني كيف ارجع الويندوز الاصلي " بضغطة زر " !!!
لو تقدر ترجع الويندوز الاصلي كان ما تلاقي احد يصلح جهازه !!
و كان ما تلاقي سي دي ويندوز ... مدام انه " بضغطه " يرجع !
عسآآآك سآآآلم بس
و التنفيض و التفتيش في اي مكان في العالم " اذا كنت محل شبهه "
خليك واثق من نفسك جداً و كون صريح في اجاباتك او خلينا نقول " بريئ "