هلا
على مر السنين من استخدام هذا المطار
كان التعامل راقى و محترم
يقدرون الشخص
حتى لو بياخذونك على غرفة الاميجريشن ... باسلوب سهل و سلس و ما يقلون من احترامك ... من توصل الغرفه عندهم .. على حسب دورك ممكن تطول و ممكن تخلص بسرعه .. انا تجاربى كانت كلها ايجابيه و سريعه و لله الحمد

بالنسبة لي من أحسن المطارات في أمريكا تعاملاً وأخلاقاً
أو خليني أقول افضل من نيويورك وسان فرانسيسكو على الأقل
تحياتي ..

طموح ماله حدود
اختلف معاك فالراي اخوي طموح ماله حدود
معاك فى انه احسن من مطار جى اف كينيدى بنيويورك لكن مب احسن من مطار سان فرانسيسكو
اختلاف الرأى لا يفسد فى الود قضيه

no nick
المطار الوحيد الذي تم تفتيش لابتوبي فيه وتعرضت فيه لسين وجيم هو مطار سان فرانسيسكو
تبقى المسألة خاضعة للتجارب الشخصية وكما ذكرت أخي العزيز : "اختلاف الرأي لايفسد للود قضية"
تحياتي ...

فعلا "اختلاف الرأي لايفسد للود قضية"
مشكورين على الردود

طموح ماله حدود
الله يكون فالعون
لكن انا حسبتها على الكم و على تجاربى الشخصية و تجارب اصدقائي
على كثر الشباب اللى يوصلون عن طريق سان فرانسيسكو ردودهم ايجابيه اكثر من ربعى اللى كانوا يستخدمون Lax
واحد من الربع قعدوه 21 ساعه فى المطار و كانوا بيرجعونه ... بس الله يسرله اموره ... و واحد قعد مش اقل من 4 ساعات سين و جيم
بس تبقى تجارب شخصيه فعلا .. و هي راحة و قناعة الواحد فى المكان

لما تقولون 3 ساعات تحقيق
وشو الاسئلة اللي يسالونها
من جد انا استغرب حكاية 3 ساعات او 4 ساعات تحقيق
افيدونا

1. وقت الوصول و الطيران الي توصل معك بنفس الوقت ..

الاجراءات تختلف من شخص لثاني .. ومن جنسيه لثانية .. وكل التجارب الي تصير تختلف من واحد لثاني ..
وحتى وقت الوصول و الطيران الي مسافر عليه له تأثير .. وحتى المطار الي بتوصل فيه ..
اول شي بتكلم عن الموظفين بعد الموظفين يجلس يستقعد على كل شي .. يسالك اساله عن تفاصيل تقول لي يسالني هالاساله .. ولكن في الاخير من حقه يسالني الي يبي .. يمكن يحبون يشوفون رده فعلك ..
الي يعيب بعض موظفين الجوازت في امريكا .. انهم مرات غير مبالين بالمسافرين .. مو زي بريطانيا الموظف لمن يسوي شغله يكون مركز لين يخلص وبعدين ياخذ بريك .. في امريكا ويمكن بنص شغلك يجلس يسولف ويضحك و يتمشى و يمكن ياكل وانت جالس تتفرج عليه .. ما تقدر تقوله تكفى خلصني وراي رحله او تراك زودتها .. ومرات توصل يجلسون ينكتون مع بعض والعالم مقفله منهم ..
و موقف صارلي انا انتظر دوري و موظف الجوازات جالس يسولف مع الي قبلي مع انه خلص اجراءاته بس ما يهم انت تنتظر او لا ..

وقت الوصول و الطيران الي توصل معك بنفس الوقت ..

اول الصيف انا رحت لندن وكانت على الخطوط الهنديه "علشانها رخيصه" و لمن رجعت كانت الرحله على الوقت رجعت ما كان في كثير قدامي من المسافرين الي يسون لهم تسجيل دخول ولكن انتطرت يمكن ساعتين لان في ناس قبلي .. وخلصت اجراءات يمكن خلال ساعتين ونص او 3 ساعات .. ناسي بالضبط ..
صاحبي راح لندن على نفس وقت رحلتي و لكن خلال الرجعه لامريكا تاخرت طيارتهم في لندن و لمن وصل كان وقت وصوله صادف وصول طياره كويتيه و باكستانيه و اردنيه على ما اعتقد .. وكل المسافرين جايين قبله .. انتظر من العصر تقريبا الساعه 4 الى الساعه 1 الفجر لان كان ينتظر وصول دوره .. ولمن وصل دوره الاجراءات حقته ما اخذت 5 دقايق .. لان اجراءات الي داخلين امريكا قبل ومعلوماتهم عند مكتب الجوازات اجراءاتهم تكون اسهل.. المساله ما فيها ترتيب ..
و مرات لو رحت منفذ ما عليه زحمه او مطار ما فيه مسافرين كثير يسون لهم تسجيل دخول خاص .. يجيبك موظف ما يعرف وش يسوي كل شوي قايم يسال احد ثاني على الاجراءات .. موقف صاري خلال الصيف الي فات .. الي مسوين لهم تسجيل دخول لازم يسوي تسجيل خروج .. وانا على احد المنافذ البريه بين امريكا وكندا وقفت على الجسر و قطعته مشي علشان اروح لمكتب الجوزات طبعا انا سويت التعليمات المكتوبه في الاورق الي يوزعونها و انا طالع لازم اعطي الموظف الي عند الباب ورقه اخذتها من الموظف الي سوا لي عمليه الخروج علشان اعلمه اني خلصت الاجراءات المهم ولمن اعطيته قالي وين سيارتك قلت له الجهه الثانية قالي لي تجي المكتب هذا غير قانوني وجلس يخربط وفي الاخير انا جلست اعلمه شغله اقوله لمن الواحد يسوي تسجيل دخول لازم يسوي تسجيل خروج .. وسكت..
في الاخير هي مساله حظ .. بس اهم شي لا احد يتخوف من الاجراءات لان الجراءات مهيب معقده واساله عاديه جدا ولكن عيبها الانتظار ..

محتار في النمسا
مافى شي اسمه تحقيق 3 ساعات
مثل ما ذكر اخوي fms الاجراءات تتاخر
يعنى ممكن يكون قدامك 20 شخص فى غرفة الاميجريشن .. تاخذ وقت لين ما يوصلك الدور
و مرات فى اسثله عاديه يعنى عشان يتاكدون من الشخص
واحد قالوله شو اسم البار الموجود فى الجامعة الطابق الثانى .. قالهم ماعرف .. و قعدوا يسالونه اسئله اتوقع يبون يشوفون ردة فعل الواحد ... بس خلك كول على طول و امورك طيبه ان شاء الله