- السلام عليكم
السلام عليكم
الجزء الاول من عمرتي 2003 للسعوديه وطبعا 2003 لاني اول مره ادخل المنتدي من يومين .......... الجزء الاول
البدايه ازاي سفرنا طيران مينفعش بسبب ظروف صحيه لولدتي ساعتها قلنا نروح بحري وبعد ما وفقنا وهنحجز ولدتي في عملها الله لا يكسبهم :112:زمايلها قالولها احنا روحنا بري احسن وهتشوفي جبال خضرا وحمرا وصفرا وجمال وهو هو وقت البحري وولدتي جت قعدت تقنع فينا بلكلام ده لحد مقطنع الكل وقلنا خلاص بري بري احس في بري ديه اننا طالعين غزو ما علينا حضرنا حاجتنا وركبنا وحجزنا وكله تمام وكانت في 19-8-2003 طبعا كله يلاحظ شهر 8 وفي السعوديه ..
المهم طلعنا وعدينا وصلنا سينا علي الحدود وبعدين دخلنا عباره قعدت 4 او 3.30 سعات في البحر الاحمر واننا هنركب عباره ده كان من ضمن اقناع الوالده لينا بلبري ان كده او كده هنشوف بحر
المهم انا لقيتها زحمه وخدمه تعبانه جدا جدا جدا طلعت فوق علي السطح وصلنا للاردن وكانت الاردن تقريبا حاسس فيها شبه من حياه مصر في الحته الي رحنلها وهناك عملونا قمه قمه قمه بجد واحنا نعدي من الباخره لبره يقلونا ادعولنا ادعولنا حسيت اننا في متش وبيشجعوو وهناكك ضاع باسبور ولدي ومشكله ما بعدها مشكله ولقيناه فوق الشنطه الي ماسكها وكملنا ووصلنا علي الحدود السعوديه
الي هقوله من ناس قابلتها تمام وناس مش تمام ده اكيد مش يتعمم علي السعودين كا كل
المهم نقطه الحدود من الساعه الفجر لحد10 بظبط طالعين وكل ده بسبب موظف الجوزات السعودي عشان يختم علي الباسبورات اول ما وصلنا الكل صلي عدينا من قدلام مكتبه عشان نروح لمسجد او مكان كده للصلاه الا وده اتجنن ومش عايز حد يعدي من قدامي المهم صلينا واحنا راجعين حلف انه ما يختم وقعد يتفرج علينا يا عم يهديك يرضيك لا لا مش عاوز اشوف حد يعدي من قدامي !!! قلنا ريح الزبون وكله قعد بعيد وطبعا اي حد رايح الحمام اعزكم الله يقوم يتمشي او يروح للصلاه كان نتيجه ليه انه يوقف الاختام:112: لحد مخلصنا علي 10 الحمد لله وقلت بس بدايه علي الحدود كده شكلي الي بسمعه علي السعودين صح وده الي هيطلع غلط في اول موقف مع واحد سعودي قادم .....
ومشيسنا في طرق طويله طويله عشان نوصل للمدينه الاول وكنا كل فتره نرتاح في معرفش بيتسمي ايه في السعوديه بس هو بيبقي مجمع باسم واحد مثلا في بنزينه الي اسمها محروقات ومطعم وسوبر ماركت ومسجد وبيبقي علي مساحه معقوله
طبعا انا دخلت السعوديه وجارك الله من الجو و شهر 8 نزلنا نرتاح في اول استراحه نازل نم تاكيف الاتوبيس لحر السعوديه علي الباب اتصدمت وعملت زي الزيت طشش ومن الحراره حسيت ان عيوني تطلع دخان المهم رحت علي السوبر ماركت واشتريت ميه ساقعههه وكبيتها علي منشفه او فوطه لحد مغرقتها وحطتها زي غتره الاخوه السعوديه تبردني شوويه المهم والله والله مش مبالفه كنت امشي من السوبر ماركت للمسجد الفوطه تنشف !!! وجمب المسجد كوندير ميه ساقعه كنت اكرر العمليه عشان اروح لولدتي في مكان الحريم وطبعا نمت جوه المسجد من الحراره خصوصا انها كانت في عز الشمس
كملنا كملنا ووصلنا المدينه واول ما دخلت المدينه شفت المسجد النبوي قلبي اتخطف ومن الانوار الي محطوطه مشء الله مشاء الله اللهم اعز الاسلام حاجه تخطف القلب طلعنا الفندق وكان اسمه مركز المدينه السكني وكان تعبا ان ولا يصلح عشان يكون حتي سكن لاي حد وقبل يوم ما نمشي من المدينه السرير اتكسر مني انا واخويا نهزر والكلام في سركم مقلناش لحد ابدا وجبنا علب العصير وننفخها ونسدها ونخطها عند مكان الكسره لحد ما السرير شكله بقه معقول
واول لما غيرنا وكده نزلت اصلي في المسجد النبوي وحسيت بارتياح رهيب في المدينه راحه نفسيه كبيره وفي المسجد النبوي احياننا كنت انام المهما ول لما خلصت صلاه طالع وناسي كل حاجه الا اسم الفندق ومعايا خريطه ليه وفيها اسامي الشوارع هو كان قريب مشي 5 دقايق بس نسيت اول مره اعزروني قلت اسئل اهل البلد ولقيت واحد سعودي كبير عرفته من اللبس طبعا تقريبا 30 من عمره واسود جدا سئلته السلام عليكم لو سمحت انا تهت وبضحكله هو ابتسم وقالي انت عاي تروح فين قلتله الخريطه اهي انا عايز اروح الفندق ده هو كمان مكنش عارف الفندق لكن مسكلي شارع شارع وقعد يشرحلي خخريطه المدينه كلها الصراحه كان راجل وكريم في تعامله قعد يشرحلنا مده طويله علي كل الطرق وفي الاخر قالي تعالي اوصلكو انا بصتله كده ينهار اسود احسن يكون علي سماره ده افريقي ويبي يخطفني قلتله هتوصلني لفين قالي الفندق قلتله ماشي وفعلا ودانا الفندق وبعدين اقلنا تحبو تعرفو اي حاجه عن النظام والمحلات انا طلعت غلس وسئلته الاكل والاكل المصري وكده وقالي الصراحه كان راجل محترم قمه قمه في الاحترام والكرم وهنا ابتدت معلوماتي تتغير
وبدينا نتعايش في المدينه وكنت احب النوم جدا في المسجد النبوي بعد صلاه الضهر ماكو زحمه ولا حاجه وراحه والجو جميل كفايه اني في مسجد رسول الله وكان احلي اكل العيش الباكستاني حبيته وهو سخن او حار جدا جدا
وحصل معايا فصل انا ساعتها كان عندي 16 سنه ومعايا اخويا وولدي وللدتي ولدي كان بيدينا 3 ريال كل واحد كل يوم مصروفنا لو حبينا بليل نتمشي ونشتري حاجه فا كنت بشتري حجات تعبانه المهم كنت كلما انزل اشتري جبنه كانت ب3.5 ريال انا فاكر وكانت غاليه جدجا بنسبه لمصر لان ساعتها الريال وصل 2 ج المهم كنت كل يوم اجيب واحده عشان نفطر وكده وكان بيديني الباقي من 4 ريال نص ريال فضه كده معدن انا كان بابا يقلي خده خليه علي مصروفك وفي يوم حوشت 2.5 ريال منه ونزلت عن واحده افرقيه بتقهد كده بتبيع جات اطفال وقلتلها عايزه كذه قالتلي 3 ريال قلتلها اخرك 2.5 عامل مفتح هما الي كانو معايا قالت 2.5 يعني ايه قلتلها خدي امسكي وعطتها كله معدن قالتلي وهي بتضحك لا لا مفيش نص ده انا بصتلها قلتلها ده السوبر ماركت انا باخد منه التنصص ديه اكتر ما باخد الجبنه وطلعت لبابا قلتله الراجل بيضحك علينا ونزلتله وكان باكستاني ومعايا 8 ريال كلهم تنصص قلتله خد كده الحجات ديه وهاتلي فلوس ورق قالي دي موجوده وكله قالي لما تحب تشتري جبنه تاني هاتهم المهم خلصت الحكايه ومعرفش لحد دلوقتي كلام مين الي صح
وديه كانت اكتر الحجات في المدينه وللاضفه وصفولنا مكان تجمع بعيد شويه فيه ملابس رخيصه وجبنا منه حجات كتير للهدايا وكده
ده الفصل الاول
والفصل التاني عن مكه ان شاء الله والتالت عن جده
مستنين بقية التقرير