او بدون ميونخ ؟

عليكم السلام
وصباح الخير
طيران من باريس الى ميونخ ماله داعي اذا كان هذا مخططك
لأنه أولا اذا كانت الرحلة دايركت بتكون مكلفة عليك في حدود 2300 وانت ماشي
واذا كانت ترانزيت بتكون متعبه وتكون الرحلة في حدود ثمان ساعات
والشي الثالث انك بتروح من باريس الى ميونخ وبترجع مره ثانية انسي شاموني المجاوره لجنيف ؟؟
هذي وجهة نظري في السفر من باريس الى ميونخ ولك حرية الاختيار
اذا انك تبي تسافر للمناطق اللي انت ذكرتها باستفسارك
تطلع من باريس لسويسرا وتحديدا جنيف ومنها تزور انسي وشاموني
وبعد ذلك الى انترلاكن
ومن انترلاكن الى زيلامسي
ومن زيلامسي الى ميونخ للعوده
..........
المطلوب منك طال عمرك
إنك توضح لنا
هل تم حجز الطيران بشكل نهائي ؟
اذا كانت الاجابة بنعم حدد تواريخ سفرك
وكذا يقدر الجميع يساعدك بشكل واضح جداً
واذا لم يتم الحجز حدد الوقت اللي بتسافر فيه واذا كان بدون تواريخ حدد عدد أيام السفر
وكذا أيضا تعطي مجال لجميع الاعضاء والخبراء بمساعدتك
موفقين ورحلة سعيدة

# أبو نورة #
مشكور يالغالي ابو نورة على الرد
يا طويل العمر
السفر تاريخ ان شاء الله 20/7/2015 لمدة 15 يوم
ولسى ما حجزت شي
اذا ماعليك امر تقلي متى افضل سيارة من اي منطقة ؟
وكيفية التنقل بين هذه المدن ؟
تحياتي
محمد الغامدي

ما شاء الله راعي طبخ وفلة حجاج هههمثل ما ذكر لك المشرف ابو نوره ليش تسوي طيران داخلي وانت راح تستاجر سياره وبأمكانك ترتب برنامجك بحيث تمر جميع المناطق هذي
و اذا تبي طيران من باريس الى ميونخ احجز على اللوفتانزا ذهاب وعوده من باريس تقريبا السعر 550 ريال طبعا السعر غالي اذا خليته اتجاه واحد لكن ذهاب وعوده يطلع لك رخيص وطنش العوده محد قايلك ليش ما رجعت
طبعا خط السير فيه خيارات كثيره وكل واحد له مميزات
برنامج 1
تبداء من باريس محطه اولى
ثم الى منطقة جنيف محطه ثانيه (وتشمل ايضا شامونيه )ويمكن انت تنتقل بالقطار 3 ساعات او تستأجر سياره في يوم مغادرتك من باريس
ثم الى انترلاكن محطه ثالثه المسافه ساعتين ونصف
المحطه الرابعه زل امسي (المسافه طويله 6 ساعات بالسياره وانا دائما اقترح محطه استراحه وراحه وهي بحيرة كونستانس ليلتين على الاقل )
محطه اخيره ميونخ ساعتين ونصف من زل امسي وفيها تسلم السياره وسوف يكون هناك ضريبة اختلاف دول
برنامج 2نفس السابق ولكن العكس
تبداء من ميونخ
ثم زل امسي
ثم انترلاكن
ثم منطقة جنيف
واخيرا باريس
برنامج 3
تبداء من ميونخ
ثم زل امسي
ثم انترلاكن
ثم الى منطقة بادن بادن الالمانيه على حدود فرنسا (بادن بادن -فرايبورق - اليورب بارك روست - ستراسبورغ الفرنسيه -كولمار الفرنسيه ) وهذه المحطه بديله لمنطقة جنيف
وهي تبعد عن انترلاكن اقل من 3 ساعات بالسياره
ثم تسلم السياره في في هذه المنطقه وتنطلق بالقطار الى باريس 3 ساعات ولن يكون هناك ضريبة اختلاف دول
برنامج 4
نفس البرنامج السابق
ولكن تبداء من باريس
الوصول الى باريس
ثم الى منطقة بادن بادن بالقطار واستلام السياره
ثم الى انترلاكن
ثم الى زل امسي
واخيرا ميونخ
برنامج 5
تبداء من جنيف وتستاجر سيراه من الجانب الفرنسي بالمطار
ثم الى انترلاكن
ثم الى زل امسي
ثم الى منطقة بادن بادن (تم الغاء ميونخ ولكن اذا بغيتها يمكن اضافتها فانت اصلا ستمر عليها في الطريق بين زل امسي وبادن بادن )
ويتم تسليم السياره في ستراسبورغ الفرنسيه
ثم بالقطار الى باريس اقل من ساعتين ونصف ولن يكون هناك ضريبة اختلاف دول
شوف واحسب تكاليف التذاكر وتكلفة السياره في كل برنامج مع اختلاف الدول ولا تنسى اسعار تذاكر القطار
واختر ما يناسبك

ما شاء الله ما قصر الخبير دايم
يعطيك العافية دايم