- و الرد حيجيلك خلال 21 يوم
انا مقدم على فيزا طالب زائر لمدة 6 شهور و انا كنت مالى الابلكيشن
كنت ماليه يوم 15 /8
و كاتب فيه
انى مسافر يوم 6 /9
وان الكورس حيبدا يوم 9/9
و جبت ورق القبول من المدرسة فى لندن بالتاريخ دا و حجزت طيران و فندق بالتواريخ دى
وكنت حاجز فى السفارة يوم 25/8
قلت تعقد 10 ايام ويجيلى الرد و اسافر على طول
بس الى مكنتش اعرفه ان السفارة قافله من يوم فض الاعتصام
والسفارة بعتلتى ايميل قبل الميعاد بيومين
انها لسه قافله وانى لازم اغير الميعاد
ف غيرت الميعاد و خليته يوم 29/8
و حجزت خدمة Business class and priority service
بحيث ان الرد يجيلى خلال 3 او 4 ايام
بس و سافرت امبارح القاهرة
و رحت قالولى ان الخدمة priority service ملغية لان الورق حيسافر ابوظبى للسفارة البريطانية هناك
و الرد حيجيلك خلال 21 يوم
فكدا كل التواريخ الى كتبتها فى الابلكين حتبقى عدت قبل ما يجيلى الرد و ميعاد الكورس حيكون بدا
بس و انا فى ال world bridge جتلى فكرة انى اكتب ورقة و اشرح فيها الموقف و اقلهم انى اجلت الكورس لمدة 3 اسابيع ليبدا 30/9 وانى ممكن اجيب ورقة بالتاجيل دا من المدرسة لو عايزين بعد كدا و انهم ممكن يتواصلوه مع المدرسة و يتاكدوه من كلامى و طبعا انا النهارده اول ما صحيت من النوم كلمت المدرسة و قلتلهم انى عايز اجل الكورس و ان ممكن السفارة تكلمهم تتاكد من الكلام دا
فا نا دلوقتى بسالكو هل فى امل انى اخد الفيزا بعد كل العك الى انا عملته دا
