أنا لما رحت لنكاوي عرضوا علينا من باب انها رحله قالو باليخت 500 ريال للشخص!!
وبالنسبه للفيزا على حسب وش جنسيتك الله يعافيك! اذا سعودية واخذتيها من مطار بانكوك فمدتها 14 يوم واذا تعديتي هالمده تدفعين غرامه عند السفر قدرها 500 بات عن كل يوم تأخير (حول 70 ريال)
لكن اذا رحلتك بعد بكره بالليل الصباح بكره انقزي للسفاره التايلنديه وقصي تأشيره سياحيه مجانيه مدتها حول شهرين والله خدمة السفاره ولا احلى وفاضيه مافيها احد يقعد الجواز معهم من صباح لصباح فقط يعني بعد بكره الساعه 11 خالص ((بس تأكدي اذا يدامون بعد بكره اخاف يأجزون مع ربعنا)) ترا دوام الفيز من 9-12

راجغ لبوكيت
مشكور كثير اخوي راجع لبوكيت
وصراحة السعر مره غالي والطياره بتصير ارخص منه
لكن استغربت من كلامك فيزا مجانية
لانو من موقع السفارة قريت ان الرسوم 120 ريال
فكيف تصير مجانية ..؟؟
وياريت احد يفيدنا بموضوع لنكاوي - بوكيت.. قبل مانتوهق

بالنسبه للفيزا ما عندي خبر لاني من البحرين واحنى نروح بدون فيزا
بالنسبه للسفر من لنكاوي الى فوكت:
انا يوم رحت لفوكت العام الماضي رحت ايضا لنكاوي من بوكت بواسطه الطيران وكانت الشركه اير اسيا و كانت ترانزيت كوالالمبور
يعني بكون مسار الرحله : لنكاوي - كوالالمبور - بوكت
شوف موقع اير اسيا وبتشوف الرحلات و اختر الرحله من لنكاوي الى كوالالمبور و الرحله الثانيه من كوالا الى فوكت وخل بينهم ساعتين لتخليص امورك في المطار................ و التذكره بتكون رخيصه
اما بخصوص البر : اعتقد من بحثي ايام رحلتي ان كانت هناك سفن تنطلق من الميناء في لنكاوي الى منطقه في جنوب تايلند نسيت اسمها ومنها تقدر تاخذ باص الى فوكت بس الرحله بتكون بالباص تقريبا 5 الى 7 ساعات حسب ما اذكر
هذا الى اعلمه و الله اعلم
اذا كنت ناوي على طريق البر خبرني عشان اشوف لك بالضبط المناطق و المده
واسف على الاطاله

شوف اخوي انا شفت موقع اير اسيا وحصلت تذكره
لنكاوي - كوالا بسعر 14 دينار بحريني تقريبا
كوالا - فوكت بسعر 40 دينار (اغلى تذكره يعني في ارخص بس يعتمد على الوقت)
التذاكر طريق واحد يعني بدون رجعه الى ماليزيا لانك المفروض بتطلع من فوكت الى بانكوك وبعدها الى البلاد ان شاء الله

الاستشهادي
الف شكر اخوي الاستشهادي
بس مشكلة ان الواحد بينزل من لنكاوي الى كوالا ثم يطلع ثانية الى فوكيت
ايضا احنا اخذين من بانكوك - شنغماي - كوالا - لنكاوي بين بعضها كلها بالطياره
وفكرنا نغير الوسيلة.. غير الطيارة
سفينة يعني او سيارة
واذا عندكخلفية على الباص فياريت تكرمني فيها
خاصة ان مدة 6 ساعات مو كثيرة وبتصير تغيير ومرور على القرى والمناظر الي بالسكة
والف شكر لك على ردودك الحلوة

انا طلعت من لنكاوي لتايلند (مدينة ستون)
بالعبارة كانت التذكرة ب 35 رنجت
ونزلت من ستون على مدينة اسمها هات ياي حليوة ورخيصة مرة مرة
وبعدها رجعت للنكاوي عن طريق العبارة
بس اهم شي لازم تكون معكم صور لانهم بيعطونكم فيزة
اما لبوكيت اتوقع منتهى الصعوبة ان توصيلنها من لنكاوي
فلذلك لازم تحددين وتقررين من اللحين يالنكاوي يابوكيت
وتقدرين تطلعين لبوكيت من كوالا
وبالتوفيق

أختي أنا توني مستلم الفيز من السفاره ونعم هذه الفتره الفيز السياحيه تقدم مجانا بدون اي رسوم وبالنسبه لسؤالك الأساسي أنا زي ما قلت لك واحد جانا قالنا ب500 ريال/رنجت لكن انا عارف ان السعر مبالغ فيه جدا لأنه نفس الجهه هذي اكلت علينا مبالغ مضاعفه قبل ما ننتبه وبعدها كرشناهم وصرنا نحجز بنفسنا كل شي بدون برنامج سياحي بدون بطيخ

اخوي بالنسبه للسفر بالباص :
السفر بالعباره من لنكاوي الى مدينه ستون satun التايلنديه بسعر 25 رنجت تقريبا وبعدها بالباص بسعر 400 بات للتذكره ومده الرحله 8 ساعات
شوف تقرير الاخت سارونه يوضح بالصور طريقه الانتقال بالعباره و الباص من لنكاوي الى فوكت
على هذا الرابط
https://artravelers.com/p/re/161448
ان شاء الله اني استطعت اساعدك
شكرا

راجغ لبوكيت
راحت علينا المجانا اجل
مايمدينا نطلعها لاننا الظهر اليوم ماشين
ويارب يصير بعد بالمطار بلالالاش
الف شكر اخوي وماقصرت