ارخص طيران اتوقع المصريه
الذهاب على فينا والعوده من ميونخ
بالنسبه للفنادق ايضا يفضل الحجز بدري عشان يكون لك حريه الاختيار باقل الاسعار

شكرا لك اخوي المسافر نت
ودي بالخطوط الاماراتيه....أو الخطوط القطريه
وشرايك وش احسن وارخص
وانا ابدور شقق في كل منطقه اروحلها لان العدد 8 اشخاص صعبه فنادق

كم مده سفرك؟؟؟
هل بتستاجر سياره ولالا؟؟
هذي اسئله يهمني الاجابه علهيا وابشر بعطيك المخطط وحتى السكن بعد ماتحجز التذاكر
ونصيحتي لك بما انك بالرياض اما انك تحجز على خطوط الاتحاد روعه بس مومشكلتها ماتروح فيينا يعني تلغي فيينا من المخطط او انك تنزل بر للشرقيه وتروح بالقطريه او الاماراتيه
التذاكر احجزها من الحين بس نصيحتي لا يغرك اقل سعر اللي يكون بدون استرداد ولا تعديل لان الواحد مايدري وش الظروف السنه الجايه احسن شي تحجز السعر الوسط اللي تقدر تغير او تلغي بدفع رسوم بسيطه على كل حجز وافضل شي بهالموضوع تروح للمكاتب وتسالهم متى تنزل اسعار الطيران حقت الشهر اللي تبغاه
طبعا السكن بقولك من الحين عددكم ماشاء الله كبير زيي انا واهلي ماراح تلقون في فيينا او ميونخ او سالزبورغ شقق لكم كلكم مع بعض لزام تسكنون بشقتين اما في زيلامسي نلقى مليان ماشاء الله
وافضل شي تحجزون السكن من الحين اتوقع خصوصا اللي من بوكنج وتختارون اللي يكون السعر مكتبو عنده الالغاء مجاني عشان ماتروح فلوسكم عليكم وتكونون ضمنتوا وجود شقق ممتازه محجوزه لكم

درب السفر
الاماراتيه حلوه
والترانزيت حقها مو متعب
لانها تطلع من الرياض الساعه اربع الفجر
نفس وقت المصريه
شوف في الطيران درجه غيره مسترده وهذي تكون اقل سعر
في درجه اعلى منها واغلى شوي ماتفرق كثير بحدود 300 ريال تقريبا
هذي هي الافضل لانها قابله للاسترداد وتغيير المواعيد
الشقق بتحصل في كابرون شقق كثيره
بس الاول احجز الطيران

هلابك اخي المسافر نت
كلامك صحيح وان شاءالله سوف احجز تذاكر مسترده
حتي لو كانت بزياده قليله
والاماراتيه حلوه وافكر فيها
وشرايك من وين احجز افضل ومتي الوقت احجز
شكرا لك واهتمامك ولا نستغني عنك

مرحبا اختي دموع الوجد
اشكرك علي ردك واهتمامك
مده السفره 20 يوم
صراحه مافكرت استأجر سياره
سؤال ..... وش افضل طريق من الرياض واي خطوط
وتكون غير متعبه لان الوالده معي ولا ابي اتعبها ودي دايركت اذا فيه
وانتي تقولي مافيه شقق في فينا وسالزبرق للعدد وش اخذ فنادق تكلف
سمعت ان فيه شقق ل8 اشخاص بس ماتأكدت
وشرايك تكون سويسرا أولا ثم النمسا
او المانيا ثم النمسا
شاكر لكي اهتمامك
وانتظر المخطط من الرياض الي الرياض

1. من كابرون تزور سالزبورغ والقري القريبه


2. وفي كابرون اخذنا فيلا كبيره لنا كلنا


3. وفي رست شقه واحده لنا كلنا

في يمونخ وفيينا وسالزبورغ خصوصا ماتلقى شقق تكفي هالعدد الا انها تكون شقق حقت عرب وهذي ابدا ما انصحك فيها ياما ناس انسرقوا او انها تكون شقق بدون مكيف وحقت عوايل اجنبيه ياجرونها بالصيف او انه شقق غير معروضه في بوكنج وتكون بدون مكيف ولا خدمه تنظيف يومي بس ماتكون بالسنتر غالبا يعني تحتاج سياره
بس في الارياف الافضل تسكنون في شقق او فلل كبيره لكم ومنها تنتقلون بالسياره للمناطق القريبه
شوف انا واهلي كانت رحلتنا العام 20 يوم واحنا عددنا 9 اشخاص وكلنا بالغين كانت رحلتنا
وكان جدولنا مع اخلتاف ترتيب الايام طبعا
ميونخ وصول فقط - 9 ليالي كابرون او زيلامسي - 4ليالي كونستانس - 3ليالي رست - 4ليالي ميونخ

من كابرون تزور سالزبورغ والقري القريبه

هذي 20 ليله وسويسرا مايحتاج تروحون لها عندكم زيلامسي تغنيكم عنها لانها اغلى بالضعف اذا مو اكثر وخيارات السكن في انترلاكن وماحولها صعبه وغاليه اما المانيا والنمسا حلوه واسعارها معقوله اذا قارنتها بسويسرا
استلمنا السياره من مطار ميونخ وسلمناها في مطار ميونخ
في كونستانس وميونخ سكنا بشقتين كل واحده اربعه اشخاص وطلبنا سرير اضافي

وفي كابرون اخذنا فيلا كبيره لنا كلنا

وفي رست شقه واحده لنا كلنا

انا جربت خطوط الاتحاد كانت روعه جدا من الشرقيه الى ميونخ والعوده من ميونخ كمان وعندهم رحلات من الرياض كمان وكانت الرحله ممتازه وقفت في الامارات ونزلوا اهلي على طول من طياره لطياره يعني اتوقع كان الانتظار ساعه بس وهذا الشي حلو
اما دايركت سمعت انه الخطوط الالمانيه بس ما جربتها والسعوديه بس ماتنزل في ميونخ ولافيينا بس في فرانكفورت وجنيف ولو بغيت تروح على السعوديه من والى فرانكفورت رتى ممكن يكون مخططكم
فرانفكورت - رست - كونستانس - زيلامسي - ميونخ - فرانكفروت