ضوء الزمان
24-01-2022 - 07:49 am
السلام عليكم ورحمه الله وبركاته
كل عام وانتم بخير
شباب حنا راح نطلع فوق عشره اشخاص راح ناخذ 13 يوم
نبي شقق ولا فله ولا فندق وين الاحسن لنا برايكم
بعدين نبي الافضل ونبي الاحسن وكم لاسعار
اذا بغيت اروح بتايا من بانكوك كم السعر وافضل طريقه للتنقل لعشره اشخاص
في بتايا شنو افضل الفنادق هناك كم الاسعار؟؟؟؟؟
نبي افضل الاماكن المشهوره هناك في بتايا
بعدين ابي القريه المائيه وين مكانها
الاسواق هناك رخيصه ولا اكثرها غاليه يعني الساعه هناك شبه ماركه كم اخذها رخيص ولا غاليه نفس ربعنا
نسيت حاجه في تاريخ 4/11/2006 راح نطير من الرياض شلون الاسعار هناك
هل زحمه هناك خاصه العرب ولا فاضيه بعدين الاجواء ممطره هناك في هذا الوقت؟؟؟؟
هل في جزر في بتايا وكم سعر القارب اذا حنا مجموعه لحالنا طبعا كم ساعه ياخذ فينا
افضل المساج غير المستشفيات
بعدين ياشباب انا بصراحه متحطم مع الطبيعه يعني نفسي اعيش دور جد هايدي والطبيعه الى حوله بعدين وين احصله نفس الاماكن هذي
تايلند غير الفنادق لاتسكن خصوصا بتايا
ضوء الزمان
افضل طريقه وهى الوحيده الى توصلك بتايا عن طريق السياره
اخذولكم كم تاكسي (باصات صغيره) باصين او ثلاث صغيره
والسعر للباص الواحد تقريبا من 1500 بات الى 2000 تقريبا وممكن اكثر او اقل
ضوء الزمان
على حسب فى اى مكان تبى تسكن وكم نجمه
مثلا فى منطقه العرب الفنادق نجمتين واقل واسعارهم رخيصه من 400 بات الى 900 بات
ومن الفنادق الى بالمنطقه
فندق في سي
فندق مارين بلازا وفندق مارين بلازا منشن
فندق دايموند
مارينا ين ساباي
وعندك فنادق بشارع الوولك ستريت اهم شارع فى بتايا والفنادق الى فيه غاليه ومنها
الماريوت وهارد روك
وايضا يوجد منتجعات وفنادق بعيده عن منطقه العرب والوولك ستريت وهي كثيره وفيها الغالى والرخيص
ضوء الزمان
الاماكن فى بتايا كثيره جدا ولا اعتقد انى اقدر اذكرهم كلهم ومنهم
بتايا بارك وبتايا اكواريوم هذول راح اذكرهم لك بروحهم فى باقى الاسئله
وعندك بتايا سكي لى التزحلق على الماء
وبتايا كار لى سباق السيارات
والكثير من الحدائق كل الى عليك انك تشوف التكاسي الى تلقاهم عند الفنادق واقفين فى منطقه العرب وتلقى معاهم بروشورات لى كل الاماكن الموجوده فى بتايا ويودونك لهم باسعار رخيصه
ضوء الزمان
تقصد Pattaya Under Water World وهذى اكواريوم لى عالم ماتحت البحار
وهذا موضوع عنه وفيه مكانه
https://artravelers.com
او قصدك بتايا بارك وهذا مكان فيه احواض سباحه مكانه بالضبط ما ادله لاكن اى تاكسي تركبه قوله بتايا بارك يوديك له
ضوء الزمان
فيه رخيص وفيه الغالى طبعا ارخص من الى عندنا وتحصلهم ممكن من 400 بات الى 2500 بات او اكثر
ضوء الزمان
الاسعار عاديه (رخيصه نوعا ما) اما بخصوص الزحمه فهى بدايتها تكون والعرب اكثر شي تحصلهم فى بتايا فقط اما الاجانب اكثر
الامطار لابد منها فى تايلند فى اى وقت جوهم ممطر لاكن اخف من فترة الصيف
ضوء الزمان
الجزر القريبه من بتايا تروحلها تاجر فيها جيت السكى وتركب البراشوت والموزه وفى جزر تروح لهم لى الرمايه وفى غوص وفيه حداق
تاجرون كلكم قارب خاص لكم انتو تختارون كم ساعه تبون و وين يوديكم (كم جزيره تبون)
لاكن السعر ومانى عارف بكم لانه من زمان عنه
والقوارب تلقاهم بشارع الوولك ستريت
ضوء الزمان
تايلند كلها مساجات بكل الشوارع روح الى يعجبك ماراح تتوهق
ضوء الزمان
الطبيعه ماتلقاها داخل المدن لما تطلع رحلات تحصلها وفى اماكن بره بتايا تقدر تروحلها وتسكن فيها
بس طبيعه من غير جو بارد مالها معنى