1. السلام عليكم ورحمة الله وبركاته ،،،


2. مساكم الله بالخير جميعا ...

السلام عليكم ورحمة الله وبركاته ،،،

مساكم الله بالخير جميعا ...

أول شي ... أحب أشكر كل القائمين على هذا الصرح الجميل ... من إداريين و مشرفين و أعضاء .. ويعلم الله إني أول مرة ادخل المنتدى اليوم 14/3/2010 .. ولمدة ساعتين ونص تقريبا .. إستفدت شي كثير أول مرة اسمع عنه ... لأني والله كنت بسافر على عماها صراحةً
ثاني شي ... بعد الفرفرة السريعة على مواضيع المنتدى .. جا في بالي عدة استفسارات ... أرجو إنكم تساعدوني .. لاني بصراحة أول مرة اسافر بحياتي خارج المملكة انا وزوجتي ... وانا حديث زواج ... وأبغا اقضي شهر العسل هناك .. بكل راحة بال وطمأنينة ...
طبعا قبل لا أبدأ .. أحب أعلمكم بأنه عمي ساكن هناك بأندونيسيا .. وله تقريبا 10 سنوات هناك .. طبعا هو قال لي أنه راح يقوم بعمل اللازم عشان تتيسر لي الرحلة هذي إن شاء الله ... بس صراحة انا فيني عزة نفس .. وأبي أصير قدام زوجتي إنه محد قدي .. والبركة فيكم يا جماعة ابي فزعتكم تكفون لا تخيبون أملي ...
بسم الله نبدأ :
1- ماهي أفضل ميزانية لعائلة تتكون من شخصين .... طبعاً بالنسبة للتذاكر انتهى امرها .. وبقي من الميزانية تقريبا 6000 ريال ... فهل تكفي ؟؟؟
2- ماهو أفضل مكان بالجبل .. على ما أعتقد اسمه بوتشاك ... ويكون مناسب للعائلة ونسبة الأمان فيه كبيرة.
3- هل يوجد فنادق فخمة وسعرها معقول في جاكرتا ؟؟؟
4- انا وزوجتي من محبي القوارب واليخوت .. فهل يوجد مكان قريب ومناسب توجد به القوارب واليخوت ؟؟؟ وهل اسعار تأجيرها مناسبة .. أم غالية !!
5- انا مسافر في شهر أبريل بإذن الله .. فهل هذا وقت مناسب لتكون الأجواء لطيفة هناك ؟؟ علماً بأني من محبي الأمطار وتعجبني الأماكن اللي تكثر فيها الأمطار.
6- أووه .. نسيت اهم حاجة .. بالنسبة للتأشيرة .. هل لازم أروح للسفارة الاندونيسية .. أو فيه طريقة ثانية أقدر أطلع فيها التأشيرة ... ؟
طبعا الاستفسارات كانت اكثر من كذا .. بس راح اكتشف حلولها بنفسي إن شاء الله .. أهم شي الحين الاستفسارات اللي فوق
وآسف على الإطالة
ملاحظة : انا اسف لان الخط صغير ومافيه ألوان .. بس والله عجزت استخدم ادوات كتابة الموضوع .. الظاهر فيها مشكلة ... أكرر أسفي ..
ودمتم