مهاجر اماراتي
12-07-2022 - 02:59 am
:m9: السلام عليكم
ناوي اسفر للرباط و مراكش خلال الايام الجايه, لكن المشكله اني مسافر لوحدي :1224: , رحت للمغرب تقريبا خمس مرات لكن كنت مع الربع ,,, لكن هذي المره خونوا :112: , ودي اجعد من سبع الى عشر ايام ,ادري الجو بارد :11ld: لكن ماهي مشكله ,,,, بس هذي بتكون اول مره اروح للرباط !!! شو رايكم يا جماعه ينفع اروحها لوحدي و شو بخصوص السكن ؟؟؟؟ , و اذا احد يقدر يدلني لمكان هناك؟؟ بالنسبه للمواصلات التاكسي او القطار افضل؟؟ اما مراكش جزاكم الله خير ادل فيها,,, مشكورين
:ros2:
أخي مهاجر اماراتي
حياك الله بين اخوانك بالمنتدى ،وأنشالله بتلقى اجابات لكل طلباتك .
واذا ودك بخوي دز لي التذكره وابشر بسعدك ;) مالك الا اللي ينتظرك بمطار دبي :tongue: .أخوي بالنسبه لذهابك لوحدك ، أنت ماشالله رحت خمس مرات أكيد عندك معرفه لو بسيطه بالبلد واهلها ، المغرب بلد جميل واهله كرماء لا تخاف من شي ، ولا يهمك احد أتكل على ربك وخذ المعلومات وصدقني بتنبسط اكثر لوحدك واسأل مجرب :icon_thum .
طبعا انت ماشالله ماتحتاج مثل منت قايل لشي بمراكش ، لكن بالرباط .
في نظري مادامك لوحدك فا الأفضل لك استخدام التاكسي ، داخل المدن ، وبالترين أو الباص بين المدن .
بالنسبه للسكن عندك الفنادق وعندك الشقق أو الفلل ، طبعا بالنسبه للفلل انت بلحالك ما اظنك بتحتاج فله ، فعنك االخيار بين الفندق او الشقق ،
هذا رابط اول فندق (هلتون الرباط):
http://www.hilton.com/en/hi/hotels/index.jhtml;jsessionid=DGYDZ3WUWFS3QCSGBIX2VCQKIYFCXUUC?ctyhocn=RBAHITW
وهذا رابط فيه اكثر من فندق بالرباط فئة الأربع نجوم :
https://artravelers.com
وعليك الأختيار ، أما بالنسبه للشقق بتلقى بسهوله مجموعه كبير تصلح لشخص واحد (ورخيصه بعد ما تتعدى 500 درهم) .
بالنسبه للجو أكيد بيصير شوي برد ومطر ، خذ احتياطاتك .
وأذا مليت خذ تذكره بالترين لكازا العصر ورح تمش وارجع تراها قريبه ما عندك مشكل (خذ الترين اللي يودي كازا بور ولا تنس تقص الذاب والعوده سوى) .
أمل اني افدتك بما استطيع واجبت على اغلب استفساراتك ، واذا عندك المزيد احنا موجودين،،،،،