الاخوة الكرام
السلام عليكم و رحمة الله
انا مسافر بإذن الله لشرم الشيخ يوم الجمعة 19 - 3- 2010 على الخطوط السعودية
و العودة يوم الثلاثاء 23 - 3- 2010 ( احد يخاويني ) .
حجزت التذكرة ب 1530 ريال . كان ودي اخليها الجمعة بس الرحلة مقفلة فل . طبعاً الرحلة لثلاثة شباب .
انا قريت في المنتدى مواضيع كثيرة عن الشرم و برامجها السياحية و الرياضية و تقارير الشباب الله يعطيهم العافية ما قصرو الصراحة ولا ننسى الشابات .
بس انا الى الان ما حجزت سكن و قلت بحجز من هناك اذا وصلت و محتار وين بنسكن . ( مدري تأيدوني بهل الفكرة - حجز السكن من هناك ولا لا ) ؟
طبعاً مخططين يكون الموقع في خليج نعمة.. بس وين الله اعلم .. ما ودي اتهور و احجز من هنا و يطلع المكان موب ذاك الزود و يمكن احصله بسعر اقل ..
و قلت بروح و اذا وصلت هناك بدور و بشوف .. و الله يعينا على قلق و تعب البحث و الدوران ...
انا ودي بمنتجع يكون فيه على الاقل غرفة و صالة او مثل نظام دلتا شرم ..
ما ودي بغرفة ثلاثية . . فزعتكم الله لا يهينكم
الشي الثاني الي ودي اسأل عنه : الحين اذا وصلت المطار و قلت للتكسي ابي تودينا كم منتجع نشوفه .. تتوقعون كم بياخذ علينا ؟؟
الشي الثالث و المهم : وش النصائح الي تنصحون فيها للي يزور شرم الشيخ لاول مرة .
اسف على الاطالة .... تقبلو تحياتي
دمتم بود