اخوي الحبيب605 mns بالنسبه للسكن احسن شئ تسكن في مكاتي خصوصا انك اول مره تروح
و فيه عدده فنادق ممتازه و امنه هناك ( كتب الكثير عنها من قبل الاخوه في هذه البوابه)
امل بانسبه للمصاريف فهي غلى حسب الشخص و السكن له دور كبير في تحديد المصروف
لكن الدوله مو غاليه . احسن طريقه انك تشوف مصروفك اول يومين و بعدها تحدد
اما الاسواق فهي كثيره و ممتعه و عندك على سبيل المثال اسيا مول و جلورييتا و اس ام
و غيرها الكثير
من النصائح اول شئ سجل جوازك بالسفاره, حاول ان تبعد عن الاماكن الخطره و المشبوهه
مع راعي التاكسي خله يشغل العداد. خلك بطريقك ولا عليك من احد
من الاماكن التي تستحق الزيارخ وقريبه من مانيلا
تقيتاي . لقونا وغيرها
و رحله موفقه ان شاء الله

اخي العزيز ابو مقص احب اشكرك جزيل الشكر على مساعدتك لي والله يجازيك خير ان شاء الله
وبالنسبة لتسجيل الجواز فالسفارة فياليت تفمهني اكثر بخصوص هالنقطه يعني في سفارة اسجل الجواز تقصد
واتمنى من باقي الاعضاء الكرام المشاركة في الموضوع وأبداء ارائهم

اخي mns506 اتمنى لك زيارة ممتعة اول شئ عند وصولك خذ تاكسي من المطار فية اكثر من شركة لهم مكاتب بعد الجمارك على شكل اكشاك صغيرة تدفع لهم المبلغ ويعطونك ايصال بذلك السائق الذي يعرض عليك خدمات مثل يوصلك الى مكتب يعمل لك حجوزات فنادق ارخص من سعر الفندق لو ذهبت له مباشرة لا تقبل هذا لان عادة يكون الفندق يعطيك سعر ارخص الا فنادق الدرجة الاولى نصيحة ثانية لا تحمل كثير من الكاش معك عند الخروج في الليل ولا تذهب ماشيا تروح وترجع بالسلامة

اقصد انك تروح لالسفاره و تسجل جوازك عندهم احتياطا

اخي العزيز
هناك الكثير من الفنادق الجيده الموجوده في منطقة مكاتي ( وهي منطقة امنه باذن الله ) ومنها شانقرلا
سن ست ، ماكاتي بلاس ...الخ
من المناطق الجميله في الفلبين
1- لاقونا
2- باقو
3- براخي
4- باسنقد ( منطقة الشلالات ) .
5- فلكون ايريا ( منطقة البركان ) .
ملاحظه : يوجد مكاتب سياحيه في بعض الفنادق ولديها الكثير من العروض السياحيه ... وافضل وقت
لذهاب الى الفلبين هو شهر مايو ...وحسب ما شفت البلد امان ...والاسعار متوسطه ... وممكن في اسبوع
يكون تحتاج من 1000 الى 1500 دولار.
والله يوفقك.

اخواني مشكورين ماقصرتو على مساعدتكم واخوي ابو مقص انا للحين ماني فاهم بأي سفاره بالضبط اسجل جوازي ياليت تفهمني
وشكرا

mns506
اذا كنت سعودي تروح للسفارة السعوديه في مانيلا اللي في مكاتي وتسجل بيانات الجواز علشان لو صار شي لك او انك فقدت الجواز لاسمح الله تصبر امورك اسهل من اللي ماسجل جوازة ويمكن يعطونك تمر اذا مريتهم في السفارة

شكرا اخي badr2003 على هالمعلومات القيمة وانا بحريني مو سعودي يعني لازم اخذ عنوان السفارة البحرينية في مانيلا

وعندي استفسار اخر يا اخوان بمااذا تنصحوني بعد مانيلا هل سيبو او دافاو لاني بصراحه سمعت انه هالمنطقتين من احلى مناطق الفلبين