حياك الله اخوي في بيتك الثاني ..
بالنسبة للبرنامج الاول مناسب جدا .. والجو في شهر ابريل راح يكون بارد ولكن افضل من الشهور اللي قبله .. يعني راح تستمتع ..
بالنسبة للفنادق انا دائما افضل انو المسافر يبدأ بحجز التذاكر اولا .. وبعدين يبحث عن الفنادق المتوفرة .. لانو ممكن الان تحط عينك على كم فندق وتستعد نفسيا وماديا .. واذا جيت تحجز فيه تلقاه مليان .. عموما اذا تاكدت الرحلة عطنا التواريخ والله يسهّل ..
بالنسبة لسويسرا .. في رأي الشخصي 12 يوم غير كافية لكثرة التنقلات .. اعتقد انو برنامجك ممتاز جداً .. الا في حالة انك بغيت تغير خط سيرك ويكون ( ميونخ - زيلامسي - انترلاكن - جنيف ) ..
بالنسبة للميزانية - اذا من ضمنها التذاكر - فلاتكفي بالمرة !!
بالنسبة للحجز انا افضل عن طريق النت .. ارخص واكثر خيارات .. والمكاتب ايضاً ليسوا بالسيئين ..
بالتوفيق ،،

الف شكر لك يامشرفنا الغالي
وبعد تفكير قررت اخليها على البرنامج الاول واخلي سويسرا مره ثانيه
وانا بصراحه زي ماقلت حطيت في بالي كم فندق وابيك تعطيني رأيك فيها لاني خايف اذا حجزت تطلع مو كويسه
ميونخ-ارابيل شيرتون قراند هوتيل سعره حدود 600 ريال بس مدري وش احلى هو والا هولدي ان من حيث الموقع
زيلامسي- سي فيلا اتمنا اعرف سعره في نص ابريل اذا تقدر تجيبه لاني ماقدرت اوصله
سالزبوج-رينيسانس سالزبورج هوتيل سعره حدود800 ريال
فينا- هولدي ان فينا ستي سعره حدود 650 ريال ومدري احسن هو ولا هيلتون الدانوب
طبعا هالاسعار انا ماخذه من مواقع حجوزات فنادق وما ادري هل هي اكيد ولا راح تتغير

حياك الله اخوي ولا شكر على واجب ..
بالنسبة ل ArabellaSheraton Grand Hotel Muenchen الفندق حلو ومرتب .. ولكن بعيد شوي عن ساحة المارينابلاتز .. ولكن انا ما أعتبرها مشكلة لوجود الاندرقراوند ..
سي فيلا ( حتى نهاية يوم 2 مايو 2009 ) الاسعار 650 ريال .. وبعدها مو موضّح .. لكن العام الماضي انا ماخذها ب 980 ريال وواحد كان معي ماخذها 640 ريال !! لانه حاجز من نفس الفندق وقبل مدة من سفره ..يعني الافضل انك تتصل بالفندق .. وهذا موقع الفندق ( هنا http://www.seehotel-freiberg.at/englisch/index.htm ) ..
سالزبوج-رينيسانس سالزبورج هوتيل .. خذه وانت مغمض .. يكفي شهادة خبيرنا حدي مصر ..
هولدي ان فينا ستي .. بعيد شوي عن السنتر .. وصراحة ما ارتحت له .. وهيلتون الدانوب برضو بعيد .. انصحك بفندق اوروبا 900 ريال اربع نجوم (في وسط شارع المشاه) او فندق ال NH اترهورز 700 ريال اربع نجوم ..
بالتوفيق ..

دائما مبدع يا بو عبدالاله
طيب تنصحني بفندق هولدي ان ميونخ لاني بصراحه ابي كل شي يكون قريب مني
وفينا فندق NH
وبالنسبه لباقي المناطق راح اعتمدها
واذا حددت موعد الحجز راح ارجع لك عشان تظبط لي الحجوزات لان بصراحه انجليزيتي على قد حالها
ومشكور جدا على النصائح والمساعدة الي انا وغيري في امس الحاجه لها

حياك يالغالي ،،
هوليدي ان ميونخ .. موقعة ممتاز في وسط السنتر .. والفندق حلو ومرتب حسب الصور .. افضله لك من غيره ..
NH اترهورز .. موقعة ممتاز ومجرب من كثير من الاعضاء .. برضوا انصحك فيه ..
واذا حددت موعد الحجز راح ارجع لك عشان تظبط لي الحجوزات لان بصراحه انجليزيتي على قد حالها
من العين هذي قبل هذي .. بالتوفيق ،،

ربي يحفظك ولا يهينك ويخليك لهالمنتدى وزواره يامشرفنا الغالي وهذا عشمنا فيك
وانا راح اعتمد كلامك
مشكور جدا,,,