AlGhamdi1987
20-11-2022 - 02:50 pm
السلام عليكم جميعا ..
كيفكم واخباركم ..
طبعا انا حاجز لماليزيا في ابريل وتقدروا تقولوا شهر عسل متاخر بعد زواج سنه ونصف
واول مره اسافر بحياتي خارجيا وماقد سافرت الا البحرين والكويت
فأبي فزعتكم تكفون ..انا خلاص حجزت الطيران وخلصت وباقي الفنادق
طبعا انا بأسافر 11 يوم ويوم الذهاب ويوم العوده يعني 13 يوم..
اول شي سيلانجور قد ايش تبعد عن كوالامبور ؟؟ تراني مدري وش السالفه
عموما سيلانجور بأجلس فيها يومين ان شاء الله..
فيه ناس قالولي الشاليه في فندق ماينز بيتش حلو واقتصادي
وناس قالوا فندق صن واي لاقون وانه بجوار الملاهي والالعاب المائيه وفخم بس سعره ازود شوي
لينكاوي وبأجلس فيها ثلاثه ايام
فندق ميتيارا لنكاوي
او فندق لنكاوي لاقون الاكواخ الخشبيه الي على البحر
او فندق ريباك ماريانا
بينيق او بينيج او بينانج وبأجلس فيها يومين
فندق الهوليدي ان الديلوكس الي على البحر
او فندق بارك رويال
او فندق شانقرلا الديلوكس على البحر
كوالامبور وبأجلس فيها ثلاث او اربع ايام
فندق بيكولو على شارع العرب ورخيص وكويس
او لو تعرفون فنادق احلى وعلى شارع العرب ياليت تعطوني اسماءها...
المطلوب منكم تكفون
ارائكم بالتفصيل على الفنادق واسعارها مع الفطور وبدونه لو عندكم معلومات عن الفرق
وايش افضلها..وارائكم في جدولي..
وياليت تعطوني اهم المعلومات الي من المفترض اني اعرفها قبل ما اسافر ..
نسيت اقولكم حدي في الفنادق 6000 ريال خلال 11 يوم
والمصاريف كم بيكفيني؟؟
السواق اخليه معي باليوم ولا بالساعه ولا استخدم التكاسي ؟؟
لا احد يدخل الموضوع ويعرف جواب لإسئلتي ويسحب علي تكفون..
ولا ترى بأكنسل السفره واروح الطايف ههه
3- ليالي لنكاوي المتيارا اذا تبي اغلى شوي البلانج بتش
3- ليالي بننق البارك رويال مطل على البحر
3-ليالي كوالا القراند ملنيوم بقلب شارع العرب
المواصلات من سيلنجور الى لنكاوي طيران اير اسيا احجز من النت بدري تكون التذاكر ارخص ومن لنكاوي لبننق طيران اير اسيا ومن بننق لكوالا باص الايرولاين
وبالنسبه لتاكسي لاتشيل هم من المطار خذ تاكسي المطار افضل لاي فندق بتروح له والمشاوير بتكون على حسب العداد بكوالا اما بننق ولنكاوي خلي السواق معاك بس تحاسبه بالساعه 25 رنقت وماتقل الجوله عن 4ساعات
هاذا الي يحضرني الان والاخوان المشرفين ما راح يقصرون معاك ابد والله يسر لك امرك