اخوي العزيز مطار فرانكفورت متكونين من ترمنالين اثنين وبصراحه في اي ترمنال تنزل السعوديه ماني متاكد بس بكل الاخوال محطه القطار اتكون تحت المطار مباشرتا يعني تحت الارضيه لبنايه المطار والوصول لها بيكون سهل جدا لو عرفت العلامات الارشاديه
وعلامه القطار في المانيا هي الحرفين DB باللون الاحمر وبتكون معلقه مع العلامات الارشاديه في المطار وممكن بسهوله توصلها
ومع هذا لتسهيل الامور عليك اكثر ولكي تبدي من تاخذ نظره عن الطريق والمطار ابرفق لك مع المشاركه خارطه للمطار وفيها مرافق خدميه كثيره اخرى
http://www.frankfurt-airport.com/content/frankfurt_airport/en/directions_parking/airport_maps.html

الله يعطيك العافية
السعودية تنزل في تيرمنال 2
واتذكر اني ركبت قطار صغير اعتقد يوصل الى تيرمينال 1
الخريطة فادتني كثير الله يوفقك لكن ما استغني لو فيه اي توجيهات ودي انزل اخذ التذكرة واركب القطار بسرعه بعدين ارتاح

بالظبط القطار اللي ركبت فيه يكون معلق بسكه من فوق يعني السكه فوق القطار وليس تحته وهو يربط بين ترمنال واحد واثنين
بالنسبه للخارطه ان شاء الله تنفعك كثير والافضل انك تطبعها على ورقه واعتقد كل الاشارات فيها واضحه
اما بالنسبه لرحلتك لو كنت مكمل حجزك وعارف وقت الوصول بالظبط الساعه واليوم اقدر افيدك اشوفلك رحلات القطار اللي بتقلع بعد موعد الوصول بساعه تقريبا هي اللي تستغرقها لاجراءات الدخول وحمل العفش والبحث عن رحلات اتكون قدر الامكان مباشره والتحويلات فيها قليله وتقدر تاخذ رقم الرحله او القطار وعندما توصل تطلب شراء التذكره علىه

جزاك الله خير اخي الكريم
انا اهم شي اوصل لمحطة القطار بسرعه بس اما بالنسبة لقطع التذكرة ماعندي مشكلة محدد الرحلة اللي ناوي اطلعها بدون تغيير .
مرة اخرى شكرا جزيلا