يا اخوان انا ان شاء الله باكون بداية السنة في بلاد العمه وهي اول مره اروح هناك ومحتار في الفنادق انا ابي خبرة اخواني اللي راحوا هناك خصوصا اللي اخذوا عوائلهم معهم... راح اروح انا وحرمتي وبنوتي عمرها سنتين المده تقريبا 12 يوم اول يوم بجاكرتا للراحه وبعدها خمس ايام بالجبل ثم باندونق لمدة ثلاث ايام ثم جاكرتا ثلاث ايام محتاج تنصحوني بالفنادق على حسب خطتي:
1- يوم واحد بجاكرتا للراحه وابي الفندق يكون قريب من المطاعم وياليت من المجمعات اغلب وقتي راح يكون بالفندق عشان كذا ابيه يكون مريح واثاثه نظيف.
2- خمس ايام بالبنشاك: بصراحه انا محتار بين اني اخذ فله او فندق والا الان ما قررت وياليت تساعدوني بانكم ترشحون لي فنادق اوفلل للعوائل .
3- ثلاث ايام بباندونق: احتمال كبير اكون في منتجع سان جرايا لان كثير مدحها لي بس ما استغني عن نصايحكم وزي اي منطقه محتاج باك اب عشان ما اتورط بالحجز اذا ما حصلت.
4- الرجوع والجلوس بجاكرتا لمدة ثلاث ايام: احتاج فندق يكون قريب من المولات وانشول.
ياليت ترشحون لي كذا فندق عشان لو ما حصلت بواحد احصل بالثاني على فكره راح احجز من كاها بس هل تنصحوني احجزها كلها مره وحده يعني من المطار واخلص والا كل واحد قبل لا امشي من المدينه يعني احجز بس حق اول يوم من المطار وبعدها احجز من البنشاك ثم با ندونق ثم جاكرتا اقين. برضو محتاج سواق بالبنشاك لانه على كلام الشباب هنا الحاجه للسواق بالجبل بس اما بجاكرتا وباندونق الله الله بالتكاسي ابي فزعتكم ياالربع واللي عنده نصيحه يعطينياها. شاكر ومقدر مقدما.