ممكن تشوف تقريري باتوقيع ( رحلتي الي المانيا )
كاتب فيها عن بادن بادن و ستراسبورق و رست مالة الالعاب و زيورخ بسويسرا و التقرير مكل فيه
حتى الان ما خلصت منه حياك فية و بعدها ان شاء الله تكون خبير
و التقرير فية صور و فيديوو

طبعا بكل تأكيد اختيارك لبادن بادن اختيار جيد خصوصا انك تبحث عن ترفيه الاطفال فاليورب بارك الشهيره تبعد عنها ساعه بالسياره وهي ملاهي ومنتزه ضخم يفتح الساعة 9 صباحا ويغلق 6 مسائا وفي الصيف مايكفيك يومين لان فيه زحمة شديده ولكن في فترتكم اتوقع يوم كافي ونظامه تدفع تذكره دخول وبعدها العب الين تشبع ولكن عيبه الزحمة بالصيف كما ذكرت يعني ممكن توقف طابور على لعبه اكثر من ساعه (خصوصا العاب قطارات الموت والمغامره وهي كثيره ) ومن اكبر عيوبه ان الالعاب المشهوره ما تصلح للاطفال اقل من عمر 7 سنوات وبعضها 10 سنوات وهم يعتمدون على الطول 80 سم 100 سم واخطر لعبتين لا يدخلها من هم اقل من 120 سم طبعا يوجد العاب بديله وكثيره ولكن اقصد بالعيوب ان الكبار ودهم يركبون هالالعاب ولكن معهم اطفال وما يقدرون يخلونهم لوحدهم واذا ركب احد الوالدين وبقي الثني فلن يستمتع وبشكل عام البارك ممتع للجميع واتوقع انها تكفي كترفيه للاطفال
تنتقل بعدها الى كونستانس على حدود سويسرا وتبعد عن بادن بادن اقل من 3 ساعات وحاول تاخذ الطريق الذي يخترق الغابات السوداء لانه ممتع ويعتبر فرجه وتمشية وممكن تمرون شلال الراين على حدود سويسرا لانه على طريقكم والمسافة الكليه لهذاالطريق 180 كم فقط ولكن لانه طريق محلي (غير سريع ) ياخذ نفس وقت الطريق السريع الذي مسافته 265 كم ويمر شتوقارت
ومنطقة كونستانس منطوقعها استراتيجي فهي قريبة من اماكن طبيعية بداخل سويسرا هذا غير بحيرتها وقربها ايضا من حدود النمساء وقرية برقينز وكونستانس تبعد عن ميونخ اقل من 3 ساعات 226كم مسافة معقولة بتلك المناطق الخلابه واذا ايامك كثيرة بمينوخ يفضل زيادة ليلة ثالثه تحياتي

اناا قترح كونستانس كذلك فيها سي لايف اكواريوم ومول لاغو سنتر وبحيره كونستانس وممكن زياره زيورخ وشلالات الراين
لازم تعرف انه الجو بارد جدا جدا جدا وممكن يكون فيه ثلوج وانت معاك اطفال

اشكركم إخواني على سرعة الاستجابة
وانا جالس تخطيط للرحلة وعندي اسفسار
عن كوستانس الي ذكرتوها مشكورين وش افضل أوتيل اسكن فيه هناك وكم تبعد عن زيورخ
وهل فيه اماكن حلوه نتغدى فيها وحنا رابحين ميونخ
ولا تبخلون على أخوكم بالمشورة اذا احد عنده اقتراح ثاني
جزاكم الله خير

هذي خيارات السكن في كونستانس
https://www.booking.com/hotel/de/riva.en-gb.html?aid=1300939
فندق رائع
https://www.booking.com/hotel/de/viva-sky.en-gb.html?aid=1300939
فندق ممتاز
https://www.booking.com/hotel/de/boardinghouse-home.en-gb.html?aid=1300939
شقق جديده
https://www.booking.com/hotel/de/apartment-konstanz.en-gb.html?aid=1300939
شقق مجربه
نصيحتي لك في اوروبا لاتدور على مطاعم اعتمد على الطبخ واذا مابغيت اعتمد على ماكدونالدز اوبرجر كنج او اي مطعم عالمي اما العربيه والهنديه غاليه واكلهم الحمدالله على انلعمه
طبعا جزيره الزهور في كونستانس غالبا راح تكون مغلقه لانه مكتوب بموقعهم تقفل 23 اكتوبر لكن اتمنى انها ماتقفل وتقدر تزورها
لازم تعرف انه برد جدا جدا الجو ويومين قليله على كونستانس و3ايام قليله على بادن بادن لاتنسي عندك ايام سفر

ابومشعل الرياض
دامك اقتنعت وقررت على كونستانس فعندك الاخت دموع خبيره بتلك المنطقه وما راح تقصر معك دايمن رايتها بيضاء وربي يجزاها خير تحياتي

إخواني السلام عليكم
أبغى رايكم في فندق هيلتون بارك الي في ميونخ للعائلات وكيف الخدمات الي يقدمها وموقعه بالنسبة للي معه عائله
واذا تنصحوني بفندق ثاني افضل منه من فئتي 4-5نجوم من ثلاثين اكتوبر لمدة اسبوع الله يجزاكم خير و مشكورين
مع العلم أني مستأجر سياره

فيوليتك - دايم- دموع الوجد
اشكركم إخواني على تعاونكم وما استغني عن مساعدتكم وآراءكم و نصائحم ودمتم*

تبغى فندق من 30 اكتوبر الى اي تاريخ؟؟
وكم اعمار اطفالك الثلاثه؟؟
فندق هيلتون بارك يبعد عن السنتر 2 كيلو و700 متر واقرب محطه مترو تبعد 600 متر عن الفندق
والسياره داخل ميونخ ماراح تفيدك ابدا الا اذا بتروح اماكن قريبه من ميونخ وليس داخل ميونخ لان السنتر صعبه السواقه فيها