السلام عليكم مسافرين تركيا ل أول مرة لمدة 14يوم من تاريخ 15/8 الى تاريخ 29/8 الرحله جت فجأه لذلك لم اخطط جيدا للرحله. من الرياض الى طرابزون والقرى الاخرى (اوزنجول,ريزا,سلطان مراد,ايدر,حيدر نبي, شكر سو) إذا يوجد اماكن اخرى اخبروني بها. وابغى جدول لرحله. حنا عائله مكونه من 9 اشخاص 6 كبار و3اطفال 10سنوات و6سنوات وسنه ومعنا بنت مصابه بشلل نصفي بعربيه . 1_ابغى اسئل إذا اقدر اخذ عربيه من المطار وإذا فيه مكان اقدر استائجر منه ؟2_ابغى اسئل هل الوقت هذا مزدحم و وقت موسم يعني الاسعار غاليه وسمعت انه يوافق اجازه الاتراك هل هذا صحيح؟3_وكيف الجو وقتها هناك اخاف يكون بارد جدا خاصة ع الاطفال؟؟4_ ابغى اسئل عن حجز الفنادق كثير قالو لي انه افضل تحجز بفندق لمده 3 ايام من موقع booking وباقي الايام تحجز ل وصلت لانه ارخص من الموقع بكثير وفيه كثير فنادق وموتيلات مراح تتعاب بالبحث وش رايكم ايهم افضل احجز كل الفنادق من الموقع او امشي على كلامهم ؟5_بالنسبه للمال استخدم بطاقه البنك العاديه (الراجحي) واخذ بعض الكاش ليره او دولار؟ ولا فيزا ؟ إذا فيه طريقه احسن اخبروني به لانه هذه اول رحله لنا خارج المملكه 6_وبالنسبه لسياره انا ناويه استأجر سياره فان (renault traffic) من موقع economycarrentals السعر كامل لمده 14 يوم ب8547,33 ريال وش رايكم بالسعر زين ولا غالي واذا صبرت القى بالمطار وبسعر ارخص؟7_اكثر شي شاغل بالي كيف نتفاهم معهم وحنا مانتكلم تركي؟ وماهي الكلمات التركيه الي راح نحتاجه كثير؟ 8-بالنسبه للاتصلات حنا شرايحنا كلنا stc كيف نتواصل هناك لازم نطلع شرائح جديده ولا كيف والنت كيف طريقته؟! . أتمنى أن لا تبخلوا عليا بأي معلومات و نصائح لان انا الي طرحت فكره السفر وكل شيء بوجهي وسأوافيكم بتقرير كامل إن شاء الله عن الرحله