ام ساندي
08-11-2022 - 11:29 pm
السلام عليكم ورحمه الله وبركاته
ان شاء الله ناويه انا وزوجي نسافر الاجازه هذي نيوزيلند
انا قلت له مستحيل اروح المشوار هذا الطويل وانا معي طفله بدون ما نريح شوي اقترحت عليه نريح في هونج كونج اربع ايام لاني سمعت انها حلوه والتسوق فيها احلى
وبعدين نروح نيوزيلند
ابي استفسر من اهل الخبره
وش احسن طيران وارخص؟؟
كم المسافه بين هونج كونج ونيوزيلند؟؟
انا عارفه ان الفتره هذي نيوزليند بارده جدا وش احسن المناطق الي بردها اخف ؟؟
سفترها مدتها شهر اربع ايام في هونج كونج والباقي في نيوزيلند( اوكلاند) وش تقترحون نروح لمناطق ثانيه
وكم تتوقعون تكلفه السفره كلها على بعضها ( انا وزوجي وبنتي 3 سنين اول مره تسافر معنا))
وبصراحه مدري ليه خايفه من هالسفره لان بنتي معي خايفه عليها
ودايم احلم اني اركب طياره وتطيح
سفرتي الاولى مع زوجي كنت خايفه بس الحمد الله عدت بسلام
والمره هذي خايفه اكثر لان بنتي معي لو يصير شي لاسمح الله اصالي نفسي والا بنتي
ياربيه انا والافكار هذي ذابحتني يمكن لاني اموت في بنتي كثير عشان كذا خايفه عليها
وسامعه انو في الفين وثمانيه راح تطيح طياره والى الان ما طاحت اخاف بس تكون الي بسافر فيها
كذب المنجمون ولو صدقو حسبي الله عليه خوفني عالم الفلك هذا وتوقعاته
المهم ادري اني طولتها وهي قصيره بس حبيت افضفض
ادعولي اني اسافر وارجع بالسلامه انا وزوجي وبنتي ونمبسط
شكرا لكم
بالنسبه للجو اذا ماناي غلطان انه عكسنا يعني عندنا صيف عندهم شتاء ....
واخيرا انصحك لاتشوفين افلام كثيرة ( الاكشن )