- لكن فقط استفساري هو عن تنظيم الرحلة
السلام عليكم ورحمة الله وبركاته
اخواني واخواتي مرتادي منتدى العرب المسافرون
اتمنى من من لديه الخبره والمعرفه ان يزودنا بها ولا يبخل علينا
ان شاءالله نوينا انسافر ل النمسا وسويسرا
تاريخ 207 او 217 والعوده راح تكون 208
يا على الخطوط الجوية القطريه او الاماراتيه
واحنا عايلة من 9 اشخاص
المناطق السياحية كلها عرفتها وقريت كل مواضيع المنتدى تقريباً عن اهم المناطق السياحية في النمسا
لكن فقط استفساري هو عن تنظيم الرحلة
احنا سبق وسافرنا لتركيا عن طريق الاماراتيه ونظمنا رحلتنا مع شركة سياحية من اهنيه من قطر
لكن صارت مشاكل مع الشركه وتركناها لكن السايق وايد حليو وطيب وتم معانا وهو الي قالنا عن ان الشركه والي تعاملون معاه يتضرب عليكم ويزيد عليكم الاسعار، وتنقلنا وياه في الميني باص من شمال تركيا الى جنوبها وماقال شي ولا طلب فلوس زياده او سكن كان ينام في الميني باص ( سيارته ).
من جذي في سفرتنا الثانيه هذي الوالد يبي اشخاص موثوق فيهم على الاقل بس ميني باص وسايق يلاقينا في فيينا وينقلنا من مكان لمكان
واحنا نفضل عن طريق شركة سياحيه علشان تنظم الرحلة بين النمسا وسويسرا
لكن المشكله ان كل المواضيع الي قريتها اهنيه في المنتدى اغليتهم سافروا واجرولهم سيير وساقوها اهناك
يعني بدون شركة سياحية او سايق
وللمعلوميه انا اعرف شركة سياحية من البحرين تنظم رحلات حلوه لكن الي مو حلو فيها ان ممكن اتكون الرحلة مكونة من 7 عوايل الخليجية ( من البحرين وقطر والسعودية والكويت و الخ ) يعني ماتاخذ راحتك ويا عايلتك
فالافضل اتكون ويا عايلتك وتاخذ حريتك وراحتك في السياحة والمناطق الي تتنقل فيها حتى الاسواق والمطاعم
اتمنى منكم ان تساعدوني وتفيدوني
اعرف ان من قوانين المنتدى عدم ذكر اسماء لشركات سياحيه وارقام ل سواقين عرب في النمسا
فور تفعيل الخاص ان شاء الله اخبركم علشان تفيدوني
ليه تاخذون شركة سياحية
اذا عرفتو كل الاماكن السياحية وكيف الوصول لها يكفي,
والتنقلات جدا سهله سواء داخل المدينة او من مدينة لثانية بالقطارات
بس كل واحد يكون مسؤول عن شنطته واغراضه وقت التنقلات بين المدن